USD
EUR
RUB

Սփյուռքի ներգրավվածությունը ՀՀ տնտեսական անցուդարձին պետք է ավելանա

Միքայել Գրիգորյանն իր ֆեյսբուքյան քջում գրում է.

Հայերի ընդհանուր քանակը ամբողջ աշխարհում նվազագույնը կազմում է 10-12 միլիոն մարդ, որից մոտ 8-9 միլիոնը կազմում է Հայկական սփյուռքը: Ռուսաստանը, ԱՄՆ-ն և Ֆրանսիան այն երեք երկրներն են, որտեղ ապրում են միլիոնավոր հայեր: Այդ երկրներում մենք ունենք խոշոր հայկական համայնքներ: Դրսում բնակվող մեր հայրենակիցների գործունեության շրջանկաները տարատեսակ են՝ գործարարություն, բժկություն, արվեստ, գիտություն և այլն: Հայերի մեծամասնությունը անկախ ծավալած գործունեությունից՝ բավականին հաջողակ են լինում իրենց ոլորտներում: Բոլորիս հայտնի է, որ աշխարհում կան բազմաթիվ հայեր՝ այդ թվում գործարարներ, որոնք ունենք մեծ հնարավորություններ և սփյուռքի հետ համագործակցությունը խորացնելով, միասնական ջանքերով, հնարավոր է Հայաստան ներգրավել խոշոր ներդրումներ: Հայաստանի Հանրապետության զարգացման տարբեր ոլորտներում սփյուռքի ներուժի առավել արդյունավետ ներգրավման նպատակով անհրաժեշտ է ակտիվացնել ՀՀ նախարարությունների և գերատեսչությունների համատեղ գործունեությունը:

Այսօր տեղի ունեցած ՀՀ կառավարության հերթական նիստի ընթացքում գործադիրի ղեկավարը համապատասխան հանձնարարական է տվել ՀՀ սփյուռքի նախարարին՝ գործադիր բոլոր մարմինների ղեկավարների հետ համատեղ 1-ամսյա ժամկետում մշակել ծրագիր սփյուռքի հայտնի մասնագետների, կառավարիչների և նրանց կազմակերպությունների հետ երկկողմանի համագործակցությունը խորացնելու վերաբերյալ:

ՀՀ տնտեսական զարգացման և ներդրումների ու սփյուռքի նախարարներին էլ կառավարության ղեկավարը հանձնարարել է 1-շաբաթյա ժամկետում ՀՀ սփյուռքի նախարարության միջոցով հայազգի գործարարներին փոխանցել առկա ներդրումային ծրագրերը՝ դրանք սփյուռքի գործարարներին տրամադրելու համար, ինչպես նաև տեղեկացնել սփյուռքի գործարարներին ՀՀ տնտեսական զարգացման և ներդրումների նախարարության բոլոր հարթակների մասին և պահպանել այդ կապը մշտապես:
Ներդրումային փաթեթը, վստահ եմ՝ մեծ հետաքրքրություն կառաջացնի արտասահմանում տնտեսական գործունեություն ծավալող մեր հայրենակիցների մոտ, քանի որ այն աննախադեպ է: Պետք է օր առաջ խորացնել համագործակցությունը Սփյուռքի հետ բոլոր հնարավոր ոլորտներում, և միասնական ջանքերով էլ ավելի զարգացնել մեր պետությունը:

Լրահոս
«Երազ» «Խարիսխը» «Արտիստին» Ուիլյամ Շեքսպիր. «Սոնետ 25» Մեր մանկության խաղերը. «Թաշկինակ» «Փողոցի երգը» Թե ինչպես ինձ նահանգապետ ընտրեցին «Ճանապարհը» Ուիլյամ Շեքսպիր. «Սոնետ 24» Մեր մանկության խաղերը. «Մուկ–կատու» «Պատուհանիս տակ» «Գունդը ափի մեջ» Ուիլյամ Շեքսպիր. «Սոնետ 23» Մեր մանկության խաղերը. «Գայլն ու ոչխարը» Իմ գնալուց հետո դու աչք չփակես. վերև չնայես «Սովորականն անսովոր է» «Ազատություն» «Դու որ կարող ես» Ուիլյամ Շեքսպիր. «Սոնետ 22» Մեր մանկության խաղերը. «Գայլ, թող գիշերենք քեզ մոտ» Ավետիք Իսահակյանի մասին «Ծառա Սիմոնը» «Մի մկան պատմություն» «Կյանքից թանկ բանը» «Արևի մոտ» «Արջն ու օձը» «Պանդուխտ որդին» «Կտակ» «Ասպետի սերը» «Ռավեննայում» «Մեկը չեղավ» «Տիեզերքի պերճ հյուսվածքն եմ» «Ահմեդի ուղտը» «Համբերանքի չիբուխը». Համառոտ «Քնքուշ լուսնի շուշան-փոշին» Սպիտակը ցուրտ է «Դա՛րդըս լացեք, սարի սըմբուլ» «Ալագյազ» «Քու՛յր իմ նազելի» «Թաթիկներըդ լուսեղեն»
website by Sargssyan