Թրթռումներ

Լոյսի բիծեր ծիրանի
Կասղնտեն քօղքը մութին.
Լուսնի ցոլքեր կանհետին
Խորքը ծովուն հոլանի։

Հըմայքներով փողփողուն,
Հեշտութիւն մը կապոյտի,
Հանդարտօրէն կը Ժպտի
Հոգւոյս մըռայլ տենչերուն։

Լոյսի բիծեր ծիրանի
Կասղնտեն քօղքը մութին.
Դողդոջուն ու ցնծագին,
Արագօրէն կը ծագին
Հըպարտ կանցնիմ երբ քովէդ։

Ըզգացում մը բիւրեղէ,
Ծիածանի երանգով,
Ցաւոտ հոգւոյս մութին քով
Լոյս ակօսներ կը պեղէ։

Միսաք ՄԵԾԱՐԵՆՑ