USD
EUR
RUB

Ամենայն Հայոց Կաթողիկոսն ընդունեց ՌԴ կրթության և գիտության նախարարին

 
 

Սեպտեմբերի 25-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ռուսաստանի Դաշնության կրթության և գիտության նախարար Օլգա Վասիլևային՝ ուղեկցությամբ Հայաստանի Հանրապետության կրթության և գիտության նախարար Լևոն Մկրտչյանի: Այս մասին տեղեկացնում է  armenianchurch.org-ը։

Հանդիպմանը Նորին Սրբությունն իր գոհունակությունը հայտնեց երկու բարեկամ ժողովուրդների միջև առկա դարավոր սերտ ու բարեկամական կապերի առիթով:

Վեհափառ Հայրապետը ողջունեց երկու նախարարությունների միջև ձևավորված արդյունավետ համագործակցությունը` կարևոր նկատելով կրթական ոլորտում նման շփումները և փորձի փոխանակումը աճող սերնդի կրթության ու դաստիարակության գործընթացի արդյունավետ կազմակերպման հարցում:

Այնուհետև Ամենայն Հայոց Կաթողիկոսը նախարար Վասիլևային տեղեկացրեց Մայր Աթոռ Սուրբ Էջմիածնի և ՀՀ կրթության և գիտության նախարարության արգասավոր համագործակցության ու համատեղ իրականացվող միջոցառումների մասին` ընդգծելով կրթական համակարգում ազգային, հոգևոր արժեքների ուսուցման կարևորությունը:

Նորին Սրբությունը նախարարին ներկայացրեց Մայր Աթոռի հովանու ներքո գործող կրթական հաստատությունների` Գևորգյան հոգևոր ճեմարանի և Վազգենյան դպրանոցի, Հառիճավանքի Թրբանճյան ընծայարանի, «Էօռնեկյան» հանրակրթական դպրոցի, Գևորգ Էմինի անվան Երևանի թիվ 182 դպրոցի, Հայորդյաց տների և այլ կրթական կենտրոնների գործունեությունն ու դրանց կարգավիճակը, անդրադարձ կատարեց հանրակարթական դպրոցներում «Հայ Եկեղեցու պատմություն» առարկայի դասավանդմանը:

Այս կապակցությամբ Ամենայն Հայոց Կաթողիկոսը գնահատանքով արձանագրեց տարբեր ոլորտներում, և ի մասնավորի կրթության ասպարեզում, Հայոց Եկեղեցուն հայրենի իշխանությունների կողմից ցուցաբերվող աջակցությունը:

ՌԴ կրթության և գիտության նախարարը ևս ուրախություն հայտնեց հանդիպման առիթով, ապա Վեհափառ Հայրապետին տեղեկացրեց կրթական համակարգում տեղ գտած բարեփոխումների վերաբերյալ: Մասնավոր անդրադարձ կատարվեց աստվածաբանության գծով ասպիրանտական կրթությանը և պետության կողմից Եկեղեցու հոգևոր-կրթական հաստատությունների ճանաչմանը:

Զրույցի ընթացքում Նորին Սրբությունը հետաքրքրվեց նաև Ռուսաստանում բնակվող հայորդիների` հայոց լեզվի, մշակույթի և պատմության ուսուցման հնարավորությունների վերաբերյալ:

Վերջում Ամենայն Հայոց Կաթողիկոսը մաղթեց, որպեսզի Աստված հաստատուն և անխախտ պահի հայ և ռուս ժողովուրդների դարավոր բարեկամությունը և արդյունավորի նախարար Օլգա Վասիլևայի գործունեությունն ու առաքելությունը:

Հանդիպմանը ներկա էր Մայր Աթոռի Արարողակարգի և արտաքին հարաբերությունների բաժնի տնօրեն Գերաշնորհ Տ. Նաթան արքեպիսկոպոս Հովհաննիսյանը:

Լրահոս
Ալ այլուղս Պատմի՛ր նրա մասին «Եթե ԱԱԾ-ն Նարեկ Սարգսյանից բացի մյուսների տներն էլ մտնի, այնքան գողացված նկար կգտնի, որ կարող է մի մեծ պատկերասրահ լցվի»․Սամվել Գալստյան Ուր ես, մայր իմ Կիկաբիձեն 80-ամյակը կնշի Բաթումիում Ամենայն Հայոց Կաթողիկոսը Արամ Մանուկյանի արձանի բացմանը Միսակ Խոստիկյան. «Ամենայն հայոց» ոճով խոսակցությունները ոչնչի չեն տանում» Ջորջ Քլունին ամենաբարձր վարձատրվող դերասանն է Հանդիպում Երևանի թ.135 դպրոցի աշակերտների հետ Լիլիթ Մակունցը` հեղափոխությունը թանգարան «տեղափոխելու» մասին Մեր կառույցներն որևէ առնչություն չունեն պետական բյուջեի հետ. Կարեն Աղամյան Կոտրվել էր իմ ֆեյսբուքյան էջը և ստոր գրառում տեղադրվել. Տեր Վահրամ քահանա Մելիքյան Այս անբարտավան գործողությունները ուղղված են ոչ թե կաթողիկոսի, այլ Առաքելական եկեղեցու դեմ. Լարիսա Ալավերդյան «Հին Խնձորեսկ» ներդրումային ծրագրի տնօրինությանը նախազգուշացվել է Ի՞նչ տարբերություն… Բրիտանիայում գտել են Կուբրիկի սցենարը, որը 60 տարի համարվում է կորած Հին ուրվականները Գուլո Հասմիկ Պապյան. «Ուրախ եմ վերադառնալ Մոնտե Կառլոյի օպերային թատրոն» «Ոսկե ծիրան» Երևանի 15-րդ միջազգային կինոփառատոնի հաղթողները Ամենայն Հայոց Կաթողիկոսը հանդիպում ունեցավ Եգիպտոսի և ԱՄՆ Հայոց Արևմտյան թեմերի ուխտավորների հետ Սուրբ Մեսրոպ Մենավոր ծառ Աղուեսական Վանիչկա Տխուր երեխա Ձյուն Ես եմ 21-րդ դարի լավագույն կինոկատակերգությունները Երեք սերունդ և երեք նոր գիրք. ընթերցողի սեղանին են դրվել մանկապատանեկան նոր գործեր Գրիգոր Ղափանցյանի թանգարանը շենքային պայման չունի Երաժիշտները կրոնական պատկերագրության մեջ Հասմիկ Պապյան․ Աշնանային երգեր Հայ և հայություն «Հարսանիք թիկունքում». երևանյան երեք հյուրախաղերի բոլոր տոմսերը սպառված են Մի լուսանկարի պատմություն Գարուն Բադիկ Կատու Աշուն
website by Sargssyan