USD
EUR
RUB

Ցուլի հիշատակին

Տագնապ լեռների և թախծոտ մտքեր
Խուժել են սիրտը խոհուն մայրերի,
Նրանց որդիները Մատաղիսի մոտ,
Հիմա կռվում են արյան սուրբ կանչով:

Որքան որ լացի մոր սիրտը սպասող
Իմ սերն օրհնյալ է աստված պահապան
Առյուծ եմ ծնել փառքով կռվելու
ԵՎ հաղթանակած վերադառնալու:

Փոշոտ ամպերը արծվի թև առած,
Գոռում ավետում, մոր սիրտը սառած
Դղրդաց սարը թափվեց արյունը
Պայթունից զոհվեց առնական Ցուլը:

Հերոսի երկիր, չքնաղ Հայաստան
Փառքով ծնել ես հզոր Ցուլ Արման։
Փառք մեր քաջերն, հայ մարտիկներին
Ոսոխին հաղթած առնական Ցուլին:

Երաժշտություն` Դավիթ Ամալյանի
խոսք` Սուսաննա Ենգիբարյանի 

Արման Զոհրաբյան (Ցուլ)-Ծնվել է 1974 թվի սեպտեմբերի 16-ին Երևանում: Սովորել և ավարտել է Երևանի 125 միջնկարգ դպրոցը: Դպրոցում սովորելու տարիներին եղել է օրինակելի աշակերտ և ակտիվորեն մասնակցել է դպրոցի սպորտային կյանքին:

Պարապել է ազատ ոճի ըմբշամարտ և բազմիցս մասնակցել է ՀՀ ըմբշամարտի մրցումներին` գրավելով մրցանակային տեղեր: 15 տարեկանից մասնակցել է ազգային զարթոնքին: Եղել է Հայոց հեղափոխական շարժմանը կից գործող Մարմնակրթական երիտասարդական միության հիմնադիր անդամ (ՄԵՄ): Մասնակցել է ռազմաուսումնական արշավների Արթիկում, Ջերմուկում, Ստեփանավանում, Վայքում, Արզնիում և այլուր: Արզնիի օդանավակայանում պատանի դեսանտայինների ակումբի հետ կատարել է բազմաթիվ պարաշյուտային թռիչքներ: Աֆղանստանում ծառայող տղաների հետ ՄԵՄ-ի կառույցներում ուսանել է բազմամարտ:

Դպրոցում ռեժիսորական կուրսերում ուսանելու տարիներին անդամագրվել է «Ազգային լեգեոն» ջոկատին: «Ասպետ», «Մուշ», «Ազգային լեգեոն» ջոկատների հետ մասնակցել է մարտական գործողությունների ՀՀ և ԼՂՀ սահմանների պաշտպանության համար:

Նա նաև գաղափարի մարտիկ էր: Քանի որ մարմնեղ էր ու լայնաթիկունք, «Ցուլ» մականունով կնքվեց:

Ծառայել է ՀՀ պաշտպանության նախարարության «Արծիվ 4» զորաբաժնում, 75128 և 74361 զորամասերում, եղել է Ղարաբաղում: 1992 թվականի փետրվարից մինչև 1994 թվի ապրիլի 11-ը մասնակցել է Ղարաբաղյան ռազմաճակատում մղված հաղթական մարտական գործողություններին: 1994 թվի հունվարի 6-ից մինչև ապրիլի 11-ը Պաշտպանության նախարարության բրիգադի Մասիսի գումարտակի կազմում մասնակցել է Մարտակերտի շրջանի կատաղի մարտերին: Մասնակցել է նաև Հակոբ-Կամարի, Մատաղիս, Տոնաշեն, Մաղավուզ, Դաստագիր, Թալիշ գյուղերի ազատագրմանը:

Արման Զոհրաբյանը զոհվել է 1994 թվի ապրիլի 11-ին Մատաղիս և Թալիշ գյուղերի ազատագրման մարտերում` Այգեսարի վրա:

Արմանի զոհվելուց հետո նրա ընկերները` «Ազգային լեգեոն»-ի տղաները, կազմակերպել են բազմաթիվ համերգներ, որտեղ հնչել են երգեր, որոնց բառերը գրել է Արմանի մայրը` տիկին Սուսաննան, երաժշտությունը` Դավիթ Ամալյանը: Երգերից մեկը կոչվել է «Ճախրիր, իմ արծիվ», իսկ մյուսը` «Ցուլի երգը»: Նրան էր նվիրված 1998 թվի ապրիլի 11-ին ՀՀ հանրային հեռուստատեսության «Զինուժ» հաղորդաշարը, որտեղ նրա ընկերները պատմում էին Արմանի բարության, ազնվության, քաջության, հայրենասիրության, օգնելու կարողության մասին: Կան նաև տեսաժապավեններ` մարտի դաշտից բերված` Արմանի և իր ընկերների մասին պատմող: Արմանի մայրը նրան է նվիրել բանաստեղծությունների մի շարք` «Խոսք իմ որդուն» խորագրով:

Արման Զոհրաբյանի աճյունն ամփոփված է Եռաբլուր պանթեոնում:

Արմանի գիտակցական կարճ, բայց բովանդակալից կյանքը մեծ օրինակ է մատաղ սերնդի ազգային դաստիարակության համար, քանի որ նա մարմնավորում է հայ երիտասարդ զինվորի իսկական կերպար:

Լրահոս
Հայ կոմպոզիտորական արվեստի 9-րդ փառատոնը կնվիրվի Գրիգոր Եղիազարյանի 110-ամյակին Արմեն Աբրոյան․ «17 միլիոն դրամից ավելի գումար է խնայվել և վերադարձվել պետբյուջե» Պատմություններ, որ մեզ հետ չեն կատարվի Հուշարձանները վերականգնող կազմակերպություններից վեցի գործն ուղարկվել է դատախազություն Մայր Աթոռ Ս. Էջմիածնում ավարտվեց Գերագույն հոգևոր խորհրդի ժողովը Չեմ դառնա ձեր հսկան, որովհետև դուք բոլորդ եք հսկա ՀԵԵՄ կազմակերպչական խմբի ժողով Մայր Աթոռում Միրզոյանի անվան կոմպոզիտորական մրցույթի հայտերն ընդունվում են մինչև մայիսի 5-ը Բարեխոսություն սրբոց․ Հաղթանակած եկեղեցու աղոթքը Ես այն եմ եղել, ինչ որ եղել եմ Հույսի շողեր Նման բան անել չի կարելի. Մշակույթի նախարարն իր անհանգստությունն է հայտնում Գառնու «Քարերի սիմֆոնիայի» շրջակայքում կատարվող շինարարության վերաբերյալ Պատանի տաղանդավոր նկարիչը Գյումրու տնակային ավանից Ամիրյան. Ձեր աշխատանով թանգարանը տարել եք հաստիքների կրճատման Փելեշյան. Իմ ֆիլմերը երկար կապրեն, որովհետև դրանք լի են սխալներով Իմ հասակը «Էդիթ պրինտի» ղեկավար․ «Երևի Արմեն Մարտիրոսյանն ուզում է բոլորի արածը նսեմացնել» ՀԵԵՄ կազմակերպչական խմբի ժողով Մայր Աթոռում «Խոր Վիրապ» վանական համալիրի տարածքում հսկողությունն ուժեղացնելու միջնորդագիր է ներկայացվել Սոսը սար էր գնացել Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Ոզնին Ստեփանակերտը կունենա եկեղեցի, որն իր ձևով կհիշեցնի միաժամանակ Զվարթնոցի ու Հռիփսինեի տաճարները Լեգեոներները փորձում են նպաստել հայ պղնձափողային երաժիշտների կատարելագործմանը «Անուշի» մարտի 1-ի ներկայացման գլխավոր դերերում՝ արտիստական բացառիկ կազմ Նախագահը հյուրընկալել է Գերագույն հոգևոր խորհրդի անդամներին «Փոքրիկ իշխանը» և «Նամակ պատանդին» ստեղծագործությունները՝ մեկ գրքում Ամպիկը Նախագահը շնորհավորել է ՀՀ ժողովրդական արտիստ Արտավազդ Փելեշյանին հոբելյանի առթիվ Արամ Աբրահամյան․ «Ես ոչ թե քվանտային ֆիզիկա, այլ երաժշտություն եմ ուսումնասիրել»․ Կոնստանտին Օրբելյանը հրաշք է ակնկալում Լիբանանի Հանրապետության նախագահն այցելեց Մայր Աթոռ Սուրբ Էջմիածին Ցավն այնքան սարսափելի էր, որ ինձ թվում էր՝ կզրկվեմ ձեռքերից. Տիգրան Նալչաջյա Հայ գեղանկարիչը Պենդերեցկուն նկար նվիրեց Կյանքից հեռացել է ՀՀ արվեստի վաստակավոր գործիչ Էդուարդ Սադոյանը Միամիտ աղվեսը Քաղաքականացված հասարակության մասին Օպերային թատրոնը 2017-ին մոտ մոտ 57%-ով նախորդ տարվա համեմատ գերակատարել է փաստացի եկամտի ցուցանիշը Սիրտ Միջինք
website by Sargssyan