USD
EUR
RUB

Մշակույթի նախարարությունը ներկայացնում է 2017-ի առաջին 9 ամիսներին մշակույթի ոլորտում կատարված ներդրումները

 
 

Մշակույթի նախարարությունը հաղորդագրություն է տարածել՝ ներկայացնելով 2017 թվականի առաջին 9 ամիսներին մշակույթի ոլորտում կատարված ներդրումները: Հաղոդրդագրությունը նույնությամբ ներկայացնում ենք Ձեր ուշադրությանը.

«Հայաստանի մշակույթի նախարարության ծրագրերում 2017թ. առաջին ինն ամիսների ընթացքում աննախադեպ՝ 990 հազար դոլարի ներդրումներ են արվել կամ շատ շուտով սպասվում են:

1) Օպերային թատրոնի և Արդշինբանկի վերջերս կնքված համաձայնագրով, Բանկը 208 հազար դոլարի չափով ֆինանսական օգնություն կտրամադրի Թատրոնի զարգացմանը։ Համաձայնագրի շրջանակում Օպերային թատրոնը 30 հազար դոլարով ձեռք է բերել 3D պրոեկտոր, որն օգտագործվել է Ջուզեպպե Վերդիի «Ռեքվիեմի» հայաստանյան պրեմիերային՝ Պաոլո Միչիկեի բեմականացմամբ։ Համակարգն առաջիկայում կգործածվի նման այլ ներկայացումներ բեմադրելիս։

2) Օպերային թատրոնում թարգմանական լուսադիոդային վահանակի տեղադրման միջոցով (17 հազար դոլար՝ «Արմսուիսբանկից» ) հայալեզու հանդիսատեսին համաժամանակյա մատուցվում են օտարալեզու մի շարք օպերաների հայերեն լիբրետոները, իսկ օտարալեզու հանդիսատեսին հասու են դարձել հայկական ներկայացումների լիբրետոները։

3) Մարդկային ռեսուրսների զարգացման «Փյունիկ» հիմնադրամի տրամադրած 100 հազար դոլարով Հայաստանում և Արցախում իրականացվում է «Մշակութային կանգառ» ծրագիրը (նախարարության ծրագրի մասնավոր հովանավորություն)։ Այս ծրագրի իրականացման շնորհիվ թատերական, համերգային խմբերը, ժամանակավոր ցուցադրանքներն ու շարժական կինոթատրոնները հասանելի դարձան անգամ ամենահեռավոր գյուղերի բնակիչներին։

4) Շարժական 4 կինոթատրոնները ձեռք են բերվել Հայաստանում Չինաստանի դեսպանության աջակցությամբ (48 հազար դոլար տրամադրել է դեսպանությունը, 10 300 ԱՄՆ դոլար՝ «Բարեպաշտ սերունդ» հիմնադրամը)։

5) Չինաստանի դեսպանության տրամադրած ևս 25 հազար դոլարի դրամաշնորհով ՀՀ մշակույթի նախարարությունը պատվիրել է թանգարանային «Աուդիովիզուալ գիդ» բջջային հավելվածի և կայքէջի ստեղծումը։ Սերգեյ Փարաջանովի թանգարանում առաջինը գործարկվելով, ծրագիրն առաջիկայում Հայաստանի մյուս թանգարաններում ևս կկիրառվի՝ օտար տասը լեզուներով խոսող զբոսաշրջիկներին հնարավորություն ընձեռելով ծանոթանալու թանգարանային նյութերի բովանդակությունը:

6) «Պարադիզ» ընկերության 100 հազար դոլարի ներդրումով նոր թվային տեխնիկա է ձեռք բերվել Գյումրու «Հոկտեմբեր» կինոթատրոնի համար: Այս ամիս կինոթատրոնում կցուցադրվի առաջին ֆիլմը:

7) Ամերիկահայ երաժիշտ Աշոտ Տիգրանյանի ներդրած 16 հազար դոլարով Դսեղում՝ Հովհաննես Թումանյանի տուն-թանգարանում, կառուցվել է հանգստի փոքրիկ գոտի և համապատասխան ենթակառուցվածք՝ այցելուների համար այն ավելի հարմարավետ դարձնելով:

8) Գյումրու թատրոնում Կայուն էներգիայի զարգացման հիմնադրամի 40 հազար դոլարի ներդրմամբ տեղադրվել է «Արփի Սոլար» արևային ֆոտովոլտային համակարգը, որի միջոցով տարեկան մինչև 2 միլիոն դրամի ծախս կխնայվի։

Մոտ ժամանակներս ակնկալվում են Երևանի Ստանիսլավսկու անվան թատրոնում ժամանակակից գրախանութի կառուցման համար շուրջ 167 հազար դոլար և Օձունի Սբ.Աստվածածին եկեղեցու վերանորոգման համար շուրջ 115 հազար դոլարի ներդրումները: Հայաստանում ԱՄՆի դեսպան Ռիչարդ Միլսը սեպտեմբերին հայտարարեց Մշակութային արժեքների պահպանության ԱՄՆ դեսպանի հիմնադրամի կողմից տրամադրված նոր՝ 143.000 ԱՄՆ դոլար դրամաշնորհի մասին, որով շարունակվելու են Դաշտադեմի ամրոցի պահպանության աշխատանքները:

Այսպիսով, 2017թ. առաջին 9 ամիսներին մշակույթի ոլորտում ներդրումների ընդհանուր ծավալը ( 990 հազար դոլար) գրեթե կրկնակի գերազանցում է նախորդ տարվա նույն ժամանակահատվածի ցուցանիշը (533 հազար դոլար, որը տրամադրել է ԱՄՆ դեսպանի հիմնադրամը. 450 հազար դոլար՝ Մեղրու Ս.Սարգիս եկեղեցու որմնանկարների պահպանման և վերականգնման, և 83 հազար 500 դոլար՝ Հակոբ Հակոբյանի «Սարերում» որմնանկարի ամրակայման, վերանորոգման և նոր վայրում տեղադրման համար )»։

Լրահոս
Անցողիկ միայնություն Ապահովել երեխայի բարոյական անվտանգությունը Խաչը հայ մշակույթում Տիգրան Համասյան. «Մարկոսն ու Մարկոսը» Ամենայն Հայոց Կաթողիկոսն իր օրհնությունը բաշխեց Մասիս քաղաքի ուխտավորներին Եթովպական պատարագները «եվրոպականացրած» հայազգի կոմպոզիտորը կներկայանա մեծակտավ երկերով «Արմենիա» միջազգային փառատոնը Հայաստան է հրավիրում մեծահամբավ երաժիշտների «Մշակույթը մեռնում է եւ վիրահատական միջոցներ են անհրաժեշտ» Տ. Կորյուն աբեղա Առաքելյանն ազատվել է Ս. Գայանե վանքի վանահոր պարտականություններից Ստանիսլավսկու անվան թատրոնի գեղղեկավարի ընտրությունը հետաձգվել է «Մեր հավատարմությունն ենք վերահաստատում Մայր Աթոռ Սուրբ Էջմիածնի եւ նրա գահակալի հանդեպ» Բրազիլիայի հայոց թեմի առաջնորդ Ի՞նչն էր Իջևանի մի խումբ երեխաների բերել Հայաստանի Ազգային պատկերասրահ Հռոմում ցուցադրվել է Լեոնարդո դա Վինչիի ամենավաղ աշխատանքը Քոչարի «Կիբեռնետիկայի մուսան» և աշխարհի արարումը Սոնա Վան Փշրանքներ Մարդը որպես արժեք և բնություն Տոն Սուրբ թագմանիչների՝ Մեսրոպ Մաշտոցի և Սահակ Պարթևի Ստանիսլավսկու անվան թատրոնում հնարավոր է այսօր գեղ.ղեկավարի ընտրություն տեղի չունենա Արեւ Պետրոսյան. «Չէի պատկերացնում, որ ինչ-որ մեկը կարող է շարժել նկարս» Առաջին անգամ Հայաստանը կհյուրընկալի 1֊ին կամ 2֊րդ լիամետրաժ ֆիլմի կինոռեժիսորների՝ Փոքր Կովկասի 4 երկրից Ամենայն Հայոց Կաթողիկոսն իր օրհնությունը բաշխեց Բջնիի ուխտավորներին Սևակյան երեկո` նվիրված Ռուբեն Սևակ բանաստեղծի հիշատակին Սիրելիս Հին պայտի նման Ամենայն Հայոց Կաթողիկոսն ընդունեց Երուսաղեմի Հայոց Պատրիարքության Սրբոց Թարգմանչաց վարժարանի ուսուցիչներին Ստանիսլավսկու անվան թատրոնն արդեն ութ ամիս է առանց գեղարվեստական ղեկավարի է Հայկո․ Որինչ չի մնա Արևի շնչառությունը Բոլորը մեկին չպիտի սպասեն «Հարսանիք թիկունքում»․ աղմուկ հանած ներկայացումը թատրոն է բերել դատախազներին, ԱԱԾ աշխատակիցներին Ռաֆայել Իսրայելյանի ստեղծած խաչքարը կներառվի հուշարձանների ցանկում Կրոնական տեսակետ էֆթանազիայի մասին Լեւոն Աբրահամյան. «Ուզում եմ տեսնել ավելի հայրական մոտեցմամբ մարդու» Մոխրավուն փողոցը և մի տուփ գունավոր մատիտ Կատալոնիայի մի քանի միությունների կողմից կատարված հայտարարության վերաբերյալ. Տ․ Սիփան վարդապետ Գևորգյան Ֆրանսիա-Հայաստան բարեկամության խմբի անդամներն այցելեցին Մայր Աթոռ Սուրբ Էջմիածին Նախանձի վնասները Ներս Աշխարհը լույս է, աշխարհը սիրելու մասին
website by Sargssyan