USD
EUR
RUB

ՀՀ վաստակավոր նկարիչ․ «Եթե կինը չեղավ, էլ ի՞նչ ստեղծագործել»

 
 

Լույս է տեսել ՀՀ վաստակավոր նկարիչ Վլադիմիր Աբրահամյանի «Հուշապատում» վերնագրով պատկերագիրքը։ Այն հրատարակել է «Անտարես» հրատարակչությունը՝ ՀՀ մշակույթի նախարարության մասնակի ֆինանսավորմամբ։

Գիրքը կազմել է Նարա Եփրեմյանը։ Ինչպես Aravot.am-ի հետ զրույցում նշեց ՀՀ վաստակավոր նկարիչը, «Հուշապատումը» իր ստեղծագործությունների առաջին ընդգրկուն պատկերագիրքն է՝ նվիրված 1949 թ.-ին բռնադատված (1991թ.-ին արդարացված) հոր՝ Սմբատ Աբրահամյանի և 6 երեխաներին միայնակ մեծացրած մոր՝ Սիրանույշ Աբրահամյանի հիշատակին։

«Հուշապատում անվանումը սիմվոլիկ է, այն խորհրդանշում է իմ անցած ճանապարհը` սկսած Թերլեմեզյանի անվան ուսումնարանից մինչեւ գեղարվեստաթատերական ինստիտուտ եւ մեր օրերը»,-ասաց նկարիչը:

Ապա հավելեց, որ իր ստեղծագործությունները բազմաժանր են, թեմաները` բազմազան։ Ինչ վերաբերում է այս պատկերագրքին, ներկայացված են Վլադիմիր Աբրահամյանի ներկապնակի ամենավառ գույները, ընդգրկված են նրա յուրօրինակ ստեղծագործության լավագույն կտավները։

«Քանի որ վերջին անգամ անհատական ցուցահանդես պետք է ունենամ, որոշեցի հաշվետվությամբ ներկայանալ, ինչի արտահայտությունն էլ «Հուշապատում» պատկերագիրքն է…Իհարկե, դա չի նշանակում, թե ձանձրանում եմ ստեղծագործել, ես չեմ դադարելու նկարել»,-նշեց մեր զրուցակիցը:

Հավելենք, որ 76-ամյա նկարիչն այսօր էլ ստեղծագործում է և իր հարուստ փորձն է փոխանցում երիտասարդներին։ Aravot.am-ի դիտարկմանը, որ նրա ստեղծագործություններում մեծ տեղ ունի կինը, գեղանկարիչը պատասխանեց. «Եթե կինը չեղավ, էլ ինչ ստեղծագործել, կինը մեր մուսան է…Ես սիրում եմ կնոջը, գեղեցկությունը…Բոլոր կանայք գեղեցիկ են, որովհետեւ իրենք կին են»:

Նոյեմբերի 20-ին Հայաստանի նկարիչների միությունում կբացվի ՀՀ վաստակավոր նկարիչ Վլադիմիր Աբրահամյանի ցուցահանդեսը: Նա 1975 թ.-ից Հայաստանի նկարիչների միության անդամ է։ 2005 թ.-ին պարգևատրվել է ՀՀ ԱԺ նախագահի շնորհակալագրով, 2009 թ.-ին՝ Երևանի քաղաքապետի, 2011 թ.-ին ՀՀ մշակույթի նախարարի պատվոգրերով։ 2013 -ին արժանացել է ՀՀ վաստակավոր նկարչի կոչման։

1972 թ.-ից Վլադիմիր Աբրահամյանը մասնակցում է հանրապետական, համամիութենական և միջազգային ցուցահանդեսների։ 2005 թ.-ին Չինաստանի Նանչան քաղաքում բացվել է առաջին, իսկ 2011 թ-ին` Երևանում՝ երկրորդ անհատական ցուցահանդեսը։ Վլադիմիր Աբրահամյանի բազմաթիվ ստեղծագործություններ գտնվում են ՀՀ տարբեր թանգարաններում, անհատական հավաքածուներում (ԱՄՆ, Ֆրանսիա, Լիբանան, Արաբական Միացյալ Էմիրություններ, Լեհաստան, Գերմանիա, Չինաստան, Ռուսաստան): Վլադիմիր Աբրահամյանը նաեւ շուրջ 250 գրքի գեղարվեստական ձևավորման հեղինակ է։

Գոհար ՀԱԿՈԲՅԱՆ

 

Լրահոս
Տաք ձյունը Ամենայն Հայոց Կաթողիկոսը հանդիպում ունեցավ ՀՀ վարչապետի պաշտոնակատարի հետ Հայ ուխտավորին «Ապրելու վճիռ» Գիվի Շահնազարի հոբելյանական երեկոն «Հովհաննես Թումանյանի տուն» կենտրոնում Եկեղեցին Հայկական Ջորջ Մարտինը խոստացել է «Գահերի խաղի» շարունակությունը Ժողովուրդը չի կարող ղեկավարել պետությունը. Հենրիկ Էդոյան Անապատի նկարիչը Մեր պատմիչները և մեր գուսանները Տոն Ս. Հակոբ Մծբնա Հայրապետի, Մարուգե ճգնավորի և Մելիտոս եպիսկոպոսի «Մարդի՛կ, ուշքի եկեք» Ստամբուլում առաջին անգամ բացվել է Սերգեյ Փարաջանովին նվիրված ցուցահանդես Արշակ Չոպանյան․ Հայկական դյուցազներգությունը Հայից Հայ․ Արա Շիրազ Սա այն թթխմորն է, որ այսօր հրամցնում են մեզ Երաժշտասերները վայելեցին Ալեքսեյ Շորի ստեղծագործությունները Համազգային թատրոնի դերասանները դադարեցնում են գործադուլը Սպիտակի նախկին գլխավոր ճարտարապետը հեռվից հեռու էլ տեղյակ է խնդիրներին Ռեժիսոր Հովհաննես Գալստյանը որոշել է դադարեցնել հացադուլը Ռազմիկ Դավոյան Համբերություն Հայրենիքում Կյանքը ափի մեջ. Մրո Ալեքսեյ Շորին շնորհվեց Երևանի պետական կոնսերվատորիայի պատվավոր դոկտորի կոչում Արմենուհի Մանուկյան. «Հայաստանի առաջին տիկնիկային թատրոնը պետք է ունենա իր շենքը» Նախկին նախարարի հետ շփումներից հետո նախարարների բանավոր խոսքին չեմ հավատում. Ռեժիսոր Հովհաննես Գալստյան Մոսկվայում տեղադրվելու է Շառլ Ազնավուրի հուշարձանը Հայր մեր.Կոմիտասեան Վերդիի «Ռեքվիեմի» ցնցող մեկնաբանությունը օպերային թատրոնում ՝ ի հիշատակ երկրաշարժի զոհերի Պարույր Սևակի մտքերից Վիգեն Չալդրանյանը դեռևս անդրդրվելի է. Համազգային թատրոնի դերասան «Թուրքիայի նախագահին նամակով խնդրեցի ընդունել Ցեղասպանությունը» Queen խմբի հիթը դարձել է 20-րդ դարից եկած ամենահայտնի երգը Նոր նշանակումներ Նախագահ Արմեն Սարգսյանն այցելել է հացադուլ հայտարարած կինոռեժիսորին Հայաստան Երբեք չմեռնես. Հովհաննես Գրիգորյան. մաս 1-ին Համերգային երեկո՝ նվիրված Հայկանուշ Դանիելյանին «Ինքներդ վրեժխնդիր մի՛ եղեք»
website by Sargssyan