USD
EUR
RUB

Դու լսեցի՞ր այս խոսքերը կիրակի օրը` Պատարագի ավարտին

 
 

Եկեք այսօր խորհենք մի նախադասության մասին, որը լսում ենք ամեն կիրակի` Սուրբ Պատարագի ավարտին, և առանց որի իրավունք չունենք դուրս գալ եկեղեցուց: Ահա այդ օրհնության արտահայտությունը.

«Օրհնյա՛լ լինեք Սուրբ Հոգու շնորհքներով: Գնացե՛ք խաղաղությամբ, և Տերը թող ձեր բոլորի հետ լինի. Ամեն»:

Ի՞նչ նպատակով է ասվում արձակման այս օրհնության խոսքերը, չէ՞ որ եկեղեցում ոչ մի բառ ինքնանպատակ չի ասվում մեզ: Ուրեմն ի՞նչ վերցնենք այս խոսքերից:

Պատարագի ժամանակ լսեցինք Աստծու խոսքի օրվա պատգամը, մարգարեություններից հատվածներ և առաքելական թղթերից մեկնություններ: Խաղաղվեցինք հոգևոր շարականներից և պատարագիչ քահանայի տված խաղաղությունից: Ստացանք բուն նպատակին հասած Սուրբ Հաղորդությունը` մեր Տիրոջ Սուրբ Մարմինն ու Արյունը: Իսկ ո՞րն է մեր առաքելությունը այսքան գանձեր ստանալուց հետո: Մի՞թե ստանալ ու լռել, վերադառնալ տուն և ոչինչ չանել, թաքցնել այդ գանձերը և չկիսել այլոց հետ, որոնք անտեղյակ են, որոնք չեն մասնակցում Պատարագի` հասկանալի և անհասկանալի պատճառներով:

Մի՞թե մենք պետք է վերցնենք Լուսը մեր մեջ և չլուսավորենք այլոց: Մի՞թե մենք տուն վերադառնալիս չպետք է պատմենք, թե ինչ լսեցինք այնտեղ, ինչ տեսան մեր աչքերը, ինչ դրվեց մեր սրտի մեջ և ինչքան գոհ ենք մենք կիրակի օրվանից, որ այսչափ խաղաղեցնում է մեզ:

Ասում է օրհնյալ լինեք Սուրբ Հոգու շնորհներով. ահա մենք այսքան հոգևոր գանձեր ձեռք բերեցինք Սուրբ Հոգու շնորհիվ: Ասում է երթայք խաղաղությամբ, սա կարող է փաստել յուրաքանչյուր հավատացյալ, թե ինչ խաղաղություն է տիրում իր հոգում պատարագի ժամանակ: Ասում է Տերը թող ձեր բոլորի հետ լինի. և Տերը մեզ հետ է, քանի որ հաղորդվել ենք Նրա Սուրբ Մարմնի և Արյան Հաղորդությամբ:

Ուրեմն Տերը մեզ հետ է, մենք էլ Տիրոջ Լույսը փոխանցենք մեր մտերիմներին ու ծանոթներին ըստ Տիրոջ պատվերի: Կան նաև մարդիկ, որոնք անտեղյակության պատճառով Սուրբ Հաղորդությունից անմիջապես հետո դուրս են գալիս եկեղեցուց, չլսելով գոհության, փառաբանության աղոթքը և այս արձակման օրհնությունը: Հաջորդ կիրակի ուշադիր լինենք այս և մնացած բոլոր խոսքերի վրա, որոնց յուրաքանչյուր բառը հսկա բացատրություն ունի: Փառք Աստծուն, որ շնորհել է լսելու հատկություն, խնդրենք շնորհ` նաև լսածը հասկանալու և ուրիշներին բաժնեկից անելու համար:

Ծովիկ Դավթյան

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan