USD
EUR
RUB

Արմեն Թութունջյանի՝ Չիկոյի հիշատակին նվիրված համերգ կլինի. Մանրամասնում է որդին

 
 

Նոյեմբերի 26-ին Արամ Խաչատրյան համերգասրահում տեղի է ունենալու ջազ-համերգ՝ նվիրված ՀՀ Արվեստի վաստակավոր գործիչ Արմեն Թութունջյանի՝ Չիկոյի հիշատակին:

Համերգին ելույթ կունենան հայաստանյան ջազարվեստի գրեթե բոլոր հայտնի ներկայացուցիչները, որոնք տարիներ շարունակ համագործակցել են Արմեն Թութունջյանի հետ՝ նվագելով դեռևս 1992 թվականին նրա կողմից հիմնադրված «Չիկոն և ընկերները» ջազային խմբում:

«Թե կոնկրետ ում մտահղացումն է համերգային այս երեկոն, կդժվարանամ մատնանշել:

Կարծում եմ՝ այստեղ կարևորն այն է, որ հորս բոլոր երաժիշտ ընկերները համախմբվեցին համերգ կազմակերպելու գաղափարի շուրջ, ու իր մահվանից ընդամենը օրեր անց մշակույթի նախարարի մոտ արդեն քննարկում էինք կազմակերպման հարցերը: Համերգը կազմակերպվում է ՀՀ մշակույթի նախարարության աջակցությամբ, ինչի համար խորին երախտագիտությունս եմ հայտնում նախարար Արմեն Ամիրյանին», -Aysor.am-ի հետ զրույցում մանրամասնեց ջազմենի որդին՝ Հայկ Թութունջյանը:

Ի դեպ, Հայկ Թութունջյանն արդեն մի քանի ամիս է՝ աշխատանքի բերումով Մոսկվա է տեղափոխվել: Նկատառմանը՝ դժվար չէ՞ այդ հարցերը կարգավորել հեռավորությունից, պատասխանեց.

«Ճիշտ է՝ կազմակերպչական հարցերով զբաղվում եմ անձամբ, սակայն համերգի կազմակերպման տարբեր հարցերում ինձ շատ են օգնում հորս և իմ ընկերները, հարազատներս: Դա անգնահատելի աջակցություն է, ինչի համար ես երջանիկ եմ:

Ընդհանրապես, երջանիկ և հպարտ եմ, որ հնարավորություն ունեմ հորս հիշատակին նման համերգ կազմակերպել»:

Մոտ 2 ժամ տևողությամբ երեկոյի ընթացքում ելույթ կունենան նաև Հայաստանի պետական ջազ նվագախումբն ու Հայաստանի հանրային ռադիոյի ջազ նվագախումբը:

Բեմում կլինեն նաև Արմեն Թութունջյանի աշակերտներն, ովքեր այսօր արդեն կայացած ու ճանաչված երաժիշտներ են, ներկայանում են ոչ միայն Հայաստանում, այլև՝ Հայաստանն են ներկայացնում արտերկրում:

«Համերգի ընթացքում կհնչեն հորս սիրելի բոլոր ստեղծագործությունները: Կհնչեն նաև ստեղծագործություններ, որոնք հենց նա է հեղինակել… Ծրագիրն առավել չեմ մանրամասնի, միայն կասեմ, որ հանդիսատեսին հիանալի ջազային երեկո է սպասվում:

Վստահ եմ, որ Արմեն Թութունջյանի ընկերները, երկրպագուները և, առհասարակ, ջազի սիրահարները մեծ բավականություն կստանան և դրական լիցքերով կհեռանան համերգասրահից», - եզրափակեց խոսքը մեր զրուցակիցը:

Հեղինակ՝ Նելլի Մարգարյան

Լրահոս
Արշակ Չոպանյան․ Հայկական դյուցազներգությունը Հայից Հայ․ Արա Շիրազ Սա այն թթխմորն է, որ այսօր հրամցնում են մեզ Երաժշտասերները վայելեցին Ալեքսեյ Շորի ստեղծագործությունները Համազգային թատրոնի դերասանները դադարեցնում են գործադուլը Սպիտակի նախկին գլխավոր ճարտարապետը հեռվից հեռու էլ տեղյակ է խնդիրներին Ռեժիսոր Հովհաննես Գալստյանը որոշել է դադարեցնել հացադուլը Ռազմիկ Դավոյան Համբերություն Հայրենիքում Կյանքը ափի մեջ. Մրո Ալեքսեյ Շորին շնորհվեց Երևանի պետական կոնսերվատորիայի պատվավոր դոկտորի կոչում Արմենուհի Մանուկյան. «Հայաստանի առաջին տիկնիկային թատրոնը պետք է ունենա իր շենքը» Նախկին նախարարի հետ շփումներից հետո նախարարների բանավոր խոսքին չեմ հավատում. Ռեժիսոր Հովհաննես Գալստյան Մոսկվայում տեղադրվելու է Շառլ Ազնավուրի հուշարձանը Հայր մեր.Կոմիտասեան Վերդիի «Ռեքվիեմի» ցնցող մեկնաբանությունը օպերային թատրոնում ՝ ի հիշատակ երկրաշարժի զոհերի Պարույր Սևակի մտքերից Վիգեն Չալդրանյանը դեռևս անդրդրվելի է. Համազգային թատրոնի դերասան «Թուրքիայի նախագահին նամակով խնդրեցի ընդունել Ցեղասպանությունը» Queen խմբի հիթը դարձել է 20-րդ դարից եկած ամենահայտնի երգը Նոր նշանակումներ Նախագահ Արմեն Սարգսյանն այցելել է հացադուլ հայտարարած կինոռեժիսորին Հայաստան Երբեք չմեռնես. Հովհաննես Գրիգորյան. մաս 1-ին Համերգային երեկո՝ նվիրված Հայկանուշ Դանիելյանին «Ինքներդ վրեժխնդիր մի՛ եղեք» Շերլոք Հոլմսի մասին պատմող բոլոր ստեղծագործությունները բնագրից առաջին անգամ թարգմանվել են հայերեն Հանձնվել է այլընտրանքային Նոբելյան մրցանակը Քամիները բոլոր․․․Ռազմիկ Դավոյան Մոցարտի «Ռեքվիեմ»-ը ներկայացվեց Գյումրու Սև բերդում Երաժշտությունն ամոքիչ ուժ ունի. Սերգեյ Սմբատյան Մոր աղոթքներն յուր երեխաների համար «Անվանի լուսանկարիչների մեծ մասը մասնագիտական կրթություն չունի» Մարդկային բարդ ու խճճված փոխհարաբերություններ՝ Էդգար Բաղդասարյանի «Էրկեն կիշեր» ֆիլմում Օրոր Մայր Հայաստանին Տաթևիկ Սազանդարյան․ Իմ Երևան Մի հացադուլի պատմություն Արարատ Սարգսյան. «Գյումրիում սիրելի անկյուններ կան, որտեղ սիրտդ ավելի արագ է խփում» Նոր նշանակումներ
website by Sargssyan