USD
EUR
RUB

Առաջին անգամ հնչել են փայտափողային-դաշնամուրային քառյակի համար գրված հայ կոմպոզիտորների ստեղծագործությունները

 
 

Խաչատրյանի 5-րդ միջազգային փառատոնի հերթական համերգը կայացել է Հայաստանի ազգային պատկերասրահում։ Հանդես է եկել աշխարհում թերևս միակ փայտափողային-դաշնամուրային քառյակը՝ Գևորգ Ավետիսյան (ֆլեյտա), Դավիթ Գյուլամիրյան (կլարնետ), Նիկոլայ Պողոսյան (ֆագոտ), Լիլիթ Զաքարյան (դաշնամուր) կազմով։ Հայաստանի պետական երիտասարդական նվագախմբի քառյակը կրում է մեծանուն կոմպոզիտոր Ալեքսանդր Հարությունյանի անունը։ Այս մասին տեղեկացնում է Panorama.am-ը։

Փառատոնի կազմակերպիչների փոխանցմամբ, համերգը բացառիկ էր այն առումով, որ առաջին անգամ հնչել են ժամանակակից հայ կոմպոզիտորների՝ Կարեն Անանյանի, Էդուարդ Հայրապետյանի, Ժիրայր Շահրիմանյանի, Միխայիլ Կոկժաևի, Սուրեն Զաքարյանի, Արթուր Ահարոնյանի կողմից հատուկ այս կազմի համար գրված ստեղծագործությունները։

Երբ 2015թ. հոկտեմբերին տեղի է ունեցել Հարությունյանի անվան քառյակի շնորհանդեսը, երաժիշտները, որ կատարում էին միայն փոխադրված գործեր, հույս են հայտնել, որ ժամանակակից կոմպոզիտորները հետագայում հատուկ իրենց կազմի համար կգրեն երաժշտություն։

Քառյակի ստեղծումից երկու տարի անց երաժիշտների ցանկությունն իրականացել է։ Կլարնետահար Դավիթ Գյուլամիրյանը ուրախալի է համարում այն փաստը, որ իրենց առաջին բեմելից հետո հայ կոմպոզիտորներին գրավել է ֆլեյտայի, կլարնետի, ֆագոտի և դաշնամուրի միաձուլումից առաջացած հնչողությունը, և այսօր արդեն գրել են ստեղծագործություններ այս կազմի համար։

Համերգի ընթացքում կատարված բոլոր գործերը պրեմիերաներ էին՝ նվիրված Հարությունյանի անվան քառյակին։ Թերևս, բացառություն էր Մարտին Ուլիխանյանի ստեղծագործությունը, որ գրվել է մոտ 10 տարի առաջ։ Կլարնետահարը նկատում է նաև, որ իրենք քառյակի ստեղծմամբ ցանկացել են նոր խոսք ասել երաժշտական կյանքում։ Եվ եթե այսօր հատուկ երաժշտություն է գրվում իրենց համար, ապա դա խիստ պարտավորեցնող է։

Դավիթ Գյուլամիրյանը նշել է նաև, որ հաճելի է միջազգային ճանաչում ունեցող խաչատրյանական փառատոնի մաս լինելը։ Ըստ երաժշտի՝ ուրախալին այն է, երբ հասկանում ես ու տեսնում, որ մեր փոքր երկրում կարող է իրականացվել այս մակարդակի նախագիծ, որը հետաքրքրություն, սպասում է առաջացնում դասական երաժշտության երկրպագուների շրջանակներում։

Երեկոյի ընթացքում Հարությունյանի անվան քառյակին միացել են նաև Երիտասարդական նվագախմբի երաժիշտներ Տիգրան Վարդանյանը (հոբոյ) և Արմեն Կարագյանը (գալարափող):

Ազգային պատկերասրահի Այվազովսկու ցուցասրահը, որտեղ անցկացվել է կամերային համերգը, պատահական չէր ընտրված, այն խորհուրդ ուներ. Խաչատրյանի 5-րդ միջազգային փառատոնը նվիրված է հայ մեծ ծովանկարչի 200-ամյա հոբելյանին։

Համերգի ընթացքում միահյուսվել էին արվեստի ամենահզոր ճյուղերը՝ երաժշտությունն ու գեղանկարչությունը, միձուլում, որ ավելի ազդեցիկ ու տպավորիչ էր դարձնում երեկոն։

Խաչատրյանի միջազգային փառատոնն անցկացվում է ՀՀ Նախագահ Սերժ Սարգսյանի հովանու ներքո։ Երաժշտական այս տոնը կյանքի է կոչում Հայաստանի պետական երիտասարդական նվագախումբը (գլխավոր գործընկեր՝ ՎիվաՍելլ-ՄՏՍ)՝ ՀՀ մշակույթի նախարարության, «Խաչատրյան» և Մշակույթի աջակցության եվրոպական հիմնադրամների աջակցությամբ։

Լրահոս
Արեւ Պետրոսյան. «Չէի պատկերացնում, որ ինչ-որ մեկը կարող է շարժել նկարս» Առաջին անգամ Հայաստանը կհյուրընկալի 1֊ին կամ 2֊րդ լիամետրաժ ֆիլմի կինոռեժիսորների՝ Փոքր Կովկասի 4 երկրից Ամենայն Հայոց Կաթողիկոսն իր օրհնությունը բաշխեց Բջնիի ուխտավորներին Սևակյան երեկո` նվիրված Ռուբեն Սևակ բանաստեղծի հիշատակին Սիրելիս Հին պայտի նման Ամենայն Հայոց Կաթողիկոսն ընդունեց Երուսաղեմի Հայոց Պատրիարքության Սրբոց Թարգմանչաց վարժարանի ուսուցիչներին Ստանիսլավսկու անվան թատրոնն արդեն ութ ամիս է առանց գեղարվեստական ղեկավարի է Հայկո․ Որինչ չի մնա Արևի շնչառությունը Բոլորը մեկին չպիտի սպասեն «Հարսանիք թիկունքում»․ աղմուկ հանած ներկայացումը թատրոն է բերել դատախազներին, ԱԱԾ աշխատակիցներին Ռաֆայել Իսրայելյանի ստեղծած խաչքարը կներառվի հուշարձանների ցանկում Կրոնական տեսակետ էֆթանազիայի մաիսն Լեւոն Աբրահամյան. «Ուզում եմ տեսնել ավելի հայրական մոտեցմամբ մարդու» Մոխրավուն փողոցը և մի տուփ գունավոր մատիտ Կատալոնիայի մի քանի միությունների կողմից կատարված հայտարարության վերաբերյալ. Տ․ Սիփան վարդապետ Գևորգյան Ֆրանսիա-Հայաստան բարեկամության խմբի անդամներն այցելեցին Մայր Աթոռ Սուրբ Էջմիածին Նախանձի վնասները Ներս Աշխարհը լույս է, աշխարհը սիրելու մասին Կառավարությունը չի ուզում գրահրատարակչությունն ԱԱՀ-ից ազատել Կազմվել է հաջողված ֆիլմեր նկարահանած ռեժիսորների ցանկը Երևանի Մնջախաղի թատրոնը որպես հատուկ հյուր մասնակցելու է միջազգային փառատոնի Մշակութային ժառանգության եվրոպական տարին Հայաստանում հայտարարվում է բացված. միջոցառումներ Բյուրական արվեստի ակադմեիայում Գրիգոր Նարեկացի «Մատյան Ողբերգության» - մաս 9 Մի պահանջ եմ ունեցել՝ չխանգարել. Ռուբեն Բաբայան Նոր մշանակում Ինչ-որ մեկը Կաթողիկոսությունն ըստ եկեղեցու նվիրապետական կարգի Մաման Մորս համար գազել Ռամկավար ազատական կուսակցության կեդրոնական վարչությունն՝ ի դեմս ատենադպիր Սեւակ Հակոբյանի եւ ատենապետ Սերխիո Նահապետյանի, կոչով են հանդես եկել, որում մասնավորապես ասված է. Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ԳՈՐԾՈՒՆԵՈՒԹՅՈՒՆԸ 1999-2011 ԹԹ. Շիրակի մարզպետը զարմացրեց նախարար Մակունցին․ նա շփոթել էր հիվանդանոցների շենքերը Հին ու նոր Մինասը՝ Հայաստանի Ազգային պատկերասրահում Մահացել է դիրիժոր Գենադի Ռոժդեստվենսկին Ում «քիմքին» կհարմարի ռեժիսորի «Մեղրի համը» «Սա ի՞նչ է տիկին Մակունց, կուրծք է»․ նախարարին Գյումրու երկրագիտական թանգարանում արտառոց նյութերի ծանոթացրեցին Ռոբեր Կետիկյանի ֆիլմով կմեկնարկի «Ոսկե ծիրան»-ը
website by Sargssyan