Պուտինը Սարգսյանին է հանձնել 22 տարի առաջ Երևանում գողացված Միխայիլ Վրուբելի հայտնի կտավը
Նմանատիպ
Ռուսաստանի նախագահ Վլադիմիր Պուտինը Հայաստանի նախագահ Սերժ Սարգսյանին է հանձնել 22 տարի առաջ Երևանում Ռուսական արվեստի թանգարանից գողացված Միխայիլ Վրուբելի «Դևը և հրեշտակը Թամարի հոգու հետ» կտավը։ Այս մասին տեղեկացնում է Aysor.am-ը։
Նշենք, որ պաշտոնական բանակցություններից հետո նախագահները այցելել են Տրետյակովյան պատկերասրահ, որտեղ «Հայկական մշակույթի օրերի» շրջանակում ներկայացված են Մարտիրոս Սարյանի ստեղծագործությունները։
Գեղանկարիչ Միխայիլ Վրուբելի հայտնի կտավի հայտնաբերման և վերադարձի մասին այս տարվա մարտին առաջին անգամ խոսել էր Հայաստանի նախագահ Սերժ Սարգսյանը Մոսկվայում:
Ամփոփելով ՌԴ նախագահ Վլադիմիր Պուտինի հետ բանակցությունները Ս.Սարգսյանը առանձնահատուկ շնորհակալություն էր հայտնել նրան Վռուբելի կտավը Հայաստանին վերադարձնելու համար:
«Ռուսաստանի համապատասխան մարմինների ջանքերի շնորհիվ այս կտավը գտնվել է, և այսօր Վլադիմիր Վլադիմիրին հայտնեց Հայաստանին այդ նկարը փոխանցելու ռուսական կողմի մտադրության մասին», – ասել էր Ս.Սարգսյանը:
Հետևեք մեզ նաև Telegram-ում