Դու ինչպես մի աստղ
16/11/2017 21:15
Նմանատիպ
Ինչ-որ մի լույս ցոլցլաց երազիս մութ խորքում,
Զարթնեց մի այրող կարոտ իմ սրտում:
Վեր թռա ես գիշերվա կեսին,
Դու եկար ինչպես տեսիլ:
Ինձ փարվեցիր կարոտով ու իջար դու ծնկի,
Տեսա մի մոլոր կաթիլ արցունքի:
Սիրտդ լի էր զղջումով մի լուռ,
Ինձ տվիր անուշ մորմոք:
Քեզ գրկեցի ներումով ու համբույր բաշխեցի,
Բայց դու մի աստղի նման մարեցիր,
Դու ընկար ցած երկնքից մի լույս,
Իմ սրտում թողած մի հուր…
Խոսք` Գ. Բանդուրյանի
Երաժշտ.` Ռ. Ամիրխանյանի
Կատարում են Սևակ Ամռոյանը և Լուսինե Աղաբեկյանը