USD
EUR
RUB

Նկարիչ Վլադիմիր Աբրահամյանի անհատական ցուցահանդեսին ներկայացվել է նրա պատկերագիրքը

 
 

Հայաստանի նկարիչների միությունում տեղի է ունեցել միանգամից երկու մշակութային միջոցառում. բացվել է ՀՀ վաստակավոր նկարիչ Վլադիմիր Աբրահամյանի 75 ամյակին նվիրված անհատական ցուցահանդեսը և ներկայացվել է նկարչի ստեղծագործությունների «Հուշապատում» պատկերագիրքը։ Այս մասին տեղեկացնում է Panorama.am-ը։

Նկարիչների միությունից հայտնում են, որ բացմանը ներկա են եղել ՀՀ մշակույթի նախարարի տեղակալ Ներսես Տեր-Վարդանյանը, Անտարես հրատարակչության տնօրեն Արմեն Մարտիրոսյանը, նկարիչներ, ուսանողներ, արվեստասերներ։

Արմեն Մարտիրոսյանն իր խոսքում կարևորել է պատկերագրքի տպագրումը՝ ընդգծելով, որ գիրքն է մնալու պատմության մեջ։ Հայաստանի նկարիչների միության նախագահ Կարեն Աղամյանը ևս մեկ անգամ բարձր գնահատելով Վլադիմիր Աբրահամյանի արվեստը՝ խոսել է նրա վառ անհատականության, յուրօրինակ ներկապնակի ու առանձնահատուկ վարպետության մասին։

Ելույթ է ունեցել նաև բանաստեղծ, նկարիչ Արևշատ Ավագյանը, ով քաջատեղյակ լինելով Վ. Աբրահամյանի արվեստին ուրախալի է համարել, որ ցուցահանդեսում ներկայացված են նաև նկարչի 2016, 2017 թվականներին ստեղծած աշխատանքները։

Անհատական ցուցահանդեսին ներկայացված են նկարչի հինգ տասնյակից ավելի տարիների ստեղծագործությունները, այդ թվում 2017 թ-ին ստեղծված գործերը։ Դիտողը լայն հնարավորություն է ունեցել ծանոթանալու նկարչի գունեղ ներկապնակին, հիանալու նրա յուրօրինակ արվեստով։

Նկարչի ստեղծագործությունների «Հուշապատում» պատկերագիրքը տպագրվել է ՀՀ մշակույթի նախարարության մասնակի ֆինանսավորմամբ։ Այն լույս է տեսել Անտարես հրատարակչությունում։ «Հուշապատում»-ը ՀՀ վաստակավոր նկարիչ Վլադիմիր Աբրահամյանի ստեղծագործությունների առաջին ընդգրկուն պատկերագիրքն է՝ նվիրված 1949 թ-ին բռնադատված (1991թ -ին արդարացված) հոր՝ Սմբատ Աբրահամյանի և 6 երախաներին միայնակ մեծացրած մոր՝ Սիրանույշ Աբրահամյանի հիշատակին։

Նկարչի բազմաժանր ստեղծագործությունները, մյուս հեղինակների հետ միասին, համառոտ ներկայացվել են տարբեր գրքերում։ Այս պատկերագրքում ներկայացված են Վլադիմիր Աբրահամյան նկարչի ներկապնակի ամենավառ գույները, ընդգրկված են նրա յուրօրինակ ստեղծագործության լավագույն կտավները։ 76-ամյա նկարիչն այսօր էլ ստեղծագործում և իր հարուստ փորձն է փոխանցում երիտասարդներին։

Վլադիմիր Աբրահամյանի բազմաթիվ ստեղծագործություններ գտնվում են ՀՀ տարբեր թանգարաններում, անհատական հավաքածուներում (ԱՄՆ, Ֆրանսիա, Լիբանան, Արաբական Միացյալ Էմիրություններ, Լեհաստան, Գերմանիա, Չինաստան, Ռուսաստան):Վ. Աբրահամյանը շուրջ 250 գրքերի գեղարվեստական ձևավորման հեղինակ է։

Վլադիմիր Աբրահամյանն այն գեղանկարիչներից մեկն է, ում ստեղծագործությունները ինքնատիպությամբ և‎ գույների յուրօրինակ զգացողությամբ առաջին իսկ հայացքից գրավում են արվեստասերների ուշադրությունը: Գուցե այդ է պատճառը, որ շատ կարճ ժամանակահատվածում նա կարողացավ արժանանալ խստաբարո արվեստաբանների ուշադրությանն ու դրվատանքին:

Նրա բոլոր կտավներին բնորոշ է իսկական արվետագետին հատուկ որոնումը: Իրենց արտահայտչամիջոցներով այդ ստեղծագործությունները երբեք չեն կաշկանդում դիտողի երևակայությունը, քանզի դրանք խիստ անձնական ապրումներ չեն և անձնականից վեր բարձրանալով ձեռք են բերում համամարդկային հնչեղություն:

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan