USD
EUR
RUB

Մայր հողի գանգատը

 
 

Երազում Մայր Հողը հարցրեց Վահանին․

-Ճանաչո՞ւմ ես ինձ, Վահան, գիտե՞ս ես ով եմ։

-Ո՛չ, դու ո՞վ ես, չեմ ճանաչում,- պատասխանեց Վահանը։

-Ես Մայր հողն եմ, ամբողջ աշխարհին կերակրողը։ Ես քո տատն եմ, սիրելի՛ Վահան,-
ասավ լացակումած Մայր հողը։

-Ինչո՞ւ ես լալիս, տատի՛,- հարցրեց այս անգամ Վահանը։

-Ինչպե՞ս չլամ, սիրելիս, իմ անհոգ զավակը, էն երկրագործը, ինձ շատ է բարկացնում։ Նա
միայն վարելը գիտե և շարունակ միևնույն սերմը գցելը։ Ինձ չի կերակրում, չի
պարարտացնում։ Ասա՛ նրան, Վահան, որ ես իրանից շատ դժգոհ եմ։

-Կասեմ, տատի′, կասեմ։

-Ասա՛ նրան, որ եթե նա ինձ ամեն տար պարարտացնի ու սերմը փոխի, ես նրան մի
տարում չորս տարվա պաշար կտամ։

-Լավ, լավ, տատի՛, այդ էլ կասեմ։

-Հոգիս հանեց այս անպետք քոլը։ Մի դժվար բան չի սրանից ազատվելը։ Թող աշնանը մի
բերան վարի ինձ, գարնանը մի անգամ էլ արորով շուռ տա, ամառը թողնի արևի տակ,
պրծավ գնաց։ Վահա՛ն, այս էլ հիշեցրու նրան։

-Այդ էլ կասեմ, տատի՛, միամիտ կաց։

-Դու նրանց այսպես ասա․ Մայր հողը պատվիրում է, որ իրեն լսես, եթե ուզում ես՝ հաց
ունենաս։ Ականջս տարավ նրա անտեղի գանգատը, թե հողը ծերացել է, ուժից ընկել է, էլ
բանի պետք չէ։

Ո՛չ, հենց ի՛նքն է անպետքը։ Այս էլ ասա, Վահան։

-Կասեմ, կասեմ, տատի, միամիտ կաց։

-Գիտե՞ս, Վահան, ես տեսակ-տեսակ հյութեր ունեմ, հյութ ունեմ, հացաբույսերի համար
է, հյութ ունեմ, որ գետնախնձորի է պետք։ Հյութ էլ ունեմ, որ զանազան
բանջարեղեններին է հարկավոր։ Ամեն բույս իրեն հարկավոր հյութն է ծծում։ Իմ բոլոր
հյութերը որ ծծեն, չէ՞ որ ուժասպառ կլինեմ։ Ժամանակ էլ չեն տալիս, որ նոր հյութեր
հավաքեմ։ Կովը, որ կով է, նրան կթելուց հետո ժամանակ են տալիս, որ կաթ հավաքի։

Ձիուն էլ շարունակ չեն հեծնում, սրան էլ են հանգիստ տալիս։ Այդ էլ կասես, Վահան։

-Իմացա, տատի՛, իմացա։ Բոլորը մեկ-մեկ կասեմ,- քնի մեջ բղավեց Վահանն ու իր
ձայնից զարթնեց։

Զարթնեց ու պատմեց իր հորը։

Աթաբեկ ԽՆԿՈՅԱՆ (Խնկո Ապեր)

 

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan