USD
EUR
RUB

«Երաժշտությամբ մենք նաև հաղթում ենք չարին» Դանիել երաժիշտ

 
 

Խաչատրյանի 5-րդ միջազգային փառատոնի շրջանակում հերթական կամերային համերգը նախատեսված է նոյեմբերի 28-ին` Հայաստանի ազգային պատկերասրահում:

Առաջին անգամ հանդիսատեսին կներկայացվի «Արքայական համերգ» խորագրով ծրագիրը, որը ներառում է տարբեր ժամանակների տարբեր արքաների ստեղծագործություններ:

Փառատոնային համերգին ընդառաջ զրուցեցինք ՀՀ վաստակավոր գործիչ Դանիել Երաժշտի հետ:

-Մաեստրո, հայ ունկնդիրը նոյեմբերի 28-ին հնարավորություն կունենա մասնակիցը լինել «Արքայական համերգի»: Ի՞նչ է այն իրենից ներկայացնում։

-Այս համերգին հնչում են թագավորների, կան նաև առաջին հայացքից ոչ թագավորների գործեր, օրինակ՝ Բախ է հնչելու: Բախը երաժշտության «արքայության» թագավորն է:

Բախը գրել է իր մեծակերտ շարքը՝ «Երաժշտական ընծա» Ֆրիդրիխ թագավորի տված թեմայով: Այդ ստեղծագործության մեջ զգացվում է երկու թագավորների շունչը: Դա ինձ համար շատ կարևոր է:

-Կա՞ն հայ արքաների ստեղծագործություններ:

-Հայ արքաներից ինձ հայտնի չէ որևէ ստեղծագործող:Բայց քանի որ հայերը և՛ աշխարհագրորեն, և՛ պատմականորեն յուրահատուկ իրավիճակում են, մենք դարեր շարունակ պետականություն չենք ունեցել, եկեղեցին ստանձնել է ղեկավարի դերը, և մեր կաթողիկոսները եղել են առաջնորդներ: Պարտադիր չէ, որ անունը թագավոր լինի:

Օրնակ՝ Կոմիտաս կաթողիկոսը, Ներսես Շնորհալին, Աշոտ Պատրիկ Բագրատունին ևս գործեր են հեղինակել: Պատրիկ նշանակում է իշխան, նա միակ աշխարհիկ մարդն է, որի շարականը եկեղեցին ընդունեց և կանոնացրեց, ու այն տեղ գտավ շարակնոցում:

–«Արքայական համերգ» նախագիծը հանդիսատեսին է ներկայացվում Խաչատրյանի 5-րդ միջազգային փառատոնի շրջանակում…

-Ես շատ շնորհակալ եմ իմ հարազատ, սիրելի Երիտասարդական նվագախմբին: Նրանք պայծառացնում են Կոմիտասի անվան կոնսերվատորիայի պատիվը, քանի որ հաստատում են, թե ինչպիսի՜ դասեր են ստացել:

Այս արդյունքը կոնսերվատորիայի տված դասերն են: Արդյունքը պայծառացնում է ոչ միայն Հայաստանը, այլև արտերկիրը շնորհիվ համակրելի, տաղանդավոր, լուսակիր մաեստրո Սերգեյ Սմբատյանի: Շնորհակալ եմ, որ հնարավորություն տրվեց իրենց տիեզերական սիմֆոնիայում դառնալ մեկ հնչյուն:

-Կարծում եմ՝ դժվար կլինի ամբողջացնել, այնուամենայնիվ` ի՞նչ է երաժշտությունն ընդհանրապես, ու ի՞նչ ունի այս համերգը փոխանցելու հանդիսատեսին:

-Երաժշտությունն Աստծո հետ խոսելու լեզու է, ապրելակերպ է ինձ համար, քանի որ ֆիզիկական ու նյութական կյանքը պատվանդան է, սևագրություն, նախանվագ նախքան մահը, անմահությունը: Կյանքը պատվանդան է, արձանը երաժշտությունն է: Եվ, իրոք, երաժշտությունը մեզ տանում է դեպի երկինք, ի տարբերություն նյութական կյանքի՝ այնտեղ կա ներդաշնակություն, խաղաղություն, հաշտություն: Միջնադարյան պոետ Առաքել Սյունեցին հրեղեն խոսքեր է ուղղել Նարեկացուն՝ «Չարին հաղթեմ քո երգով, քաղցրանվագ քո դեղով»: Այո, երաժշտությամբ մենք նաև հաղթում ենք չարին։

Կարինե ԳՐԻԳՈՐՅԱՆ

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan