USD
EUR
RUB

Օրվա կադրը․ Գյումրիում ո՞վ ունի պարտադրելու իրավունք

 
 

Այսօր առավոտից համացանցում բուռն քննարկման թեմա են դարձել Գյումրու պետական դրամատիկական թատրոնի կողմից Գյումրու մուտքի ու ելքի մոտ տեղադրված սոցիալական գովազդները, որտեղ Ֆրունզիկ Մկրտչյանը ժպիտով քաղաք մտնողներին պարտադրում է․«Պարտադիր թատրոն կերթաք», իսկ Գյումրիից հեռացողներից ճշտում․«Թատրոն գնացի՞ք»։

Ակնհայտ է, որ այս ցուցապաստառները բարձրացրել են բազմաթիվ օգտատերերի տրամադրությունը, որոնք տարածելով իրենց էջերում, գրել են «Սուպեր», «Բռավո, շատ լավն է» «Գյումրին Գյումրի է», «Միայն սրա համար արժե Գյումրի գալ» և այլն։

Գյումրու Վարդան Աճեմյանի անվան դրամատիկական թատրոնի տնօրեն Տիգրան Վիրաբյանն Aravot.am-ի հետ զրույցում, պարզաբանելով նման գովազդ անելու գաղափարը, նշեց․ «Գյումրու թատրոնը և ընդհանրապես թատրոնը հետաքրքիր դարձնելու համար ամենօրյա աշխատանքներ պիտի կատարենք, որովհետև մենք պիտի կարողանանք հասարակության ուշադրությունը սևեռել արվեստի այս կարևոր կետի վրա, որը կոչվում է թատրոն։

Գյումրու դրամատիկական թատրոնը հանրահռչակման մասով բազմապիսի գործիքակազմ է օգտագործում, որ թատրոնն էլ ավելի հետաքրքիր լինի հասարակության համար, ոչ միայն արտաքինից, այլ նաև ներկայացումների որակով, խաղացանկային քաղաքականությամբ։ Թատրոնը հետաքրքիր դարձնելու համար չէր կարող Գյումրի մտնող առաջին պաստառը չլիներ թատրոն ուղղորդող հանդիսատեսին:

Տեսեք մենք առաջին պաստառը տեղադրել ենք՝ գրելով, որ «Պարտադիր թատրոն կերթաք»։ Շատ երկար մտածեցինք պարտադիր բառի վրա՝ մտածելով, որ պարտադրելու իրավունք ով ունի այս քաղաքում, ո՞ր գյումրեցին ունի, և բնականաբար՝ միաձայն եկանք այն եզրահանգման, որ պարտադիր բառի իրավունքը միայն Մհեր Մկրտչյանինն է։ Նա կարող է պարտադրել գնալ թատրոն և քաղաքի հետդարձի ճանապարհին հարցնել՝ «Թատրոն գնացի՞ք»։ Նա հարցնում է այն մարդկանց, որոնց ուղղորդել է թատրոն։ Եվ դուք տեսնում եք՝ չենք առանձնացրել Գյումրու Վարդան Աճեմյանի թատրոնն, այլ ընդհանրապես թատրոն գնալու մասին ենք խոսում։ Մենք սա անում ենք ոչ միայն մեր համար, այլ Գյումրու տիկնիկային թատրոնի համար, որովհետև այն նույնպես այս քաղաքի կարևոր մշակութային կառույցներից մեկն է և ընդհանրապես թատրոն գնալու մասին է խոսքը։ Ներքին տուրիզմի մասով Գյումրին բավական առաջընթաց ունի. և՛ մայրաքաղաքից, և՛ հանրապետության տարբեր վայրերից գալիս են Գյումրի, բնականաբար առաջինը, որ իրենց ուղղորդում ենք, դա թատրոնն է։ Մենք այս պաստառների փոքր տարբերակները տեղադրելու ենք Գյումրի-Երևան երթուղիներում, «Հարավ Կովկասյան» երկաթուղու հետ հիմա բանակցում ենք, որպեսզի կարողանանք գնացքներում տեղադրենք: Եվ մենք ամեն րոպե մարդկանց ուշադրության կենտրոնում կլինենք, և Գյումրի եկողին կուղղորդենք դեպի թատրոն»։

Նունե ԱՐԵՎՇԱՏՅԱՆ

 

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan