USD
EUR
RUB

«Հայերն ու իտալացիները նման են մշակույթով, արտաքինով և անկեղծ զրույցի մեջ ներքաշելու արվեստով»

Հարցազրույց իտալացի ճանաչված օպերային երգիչ Ռոբերտո Սկանդիուցիի հետ

– Մաեստրո, դուք դասվում եք իտալական վոկալ դպրոցի հսկա բասերի, այդ թվում՝ երջանկահիշատակ Էցիո Պինցայի, Չեզարե Սիեպիի եւ մյուսների թվում: Բայց, չգիտես ինչու, միջազգային մամուլը համարում է, որ համաշխարհային ձեր կարիերայի սկիզբը դրվել է ոչ թե Իտալիայում, այլ Մեծ Բրիտանիայում՝ 1991թ., Լոնդոնի «Քովեն Գարդեն» թատրոնում, որտեղ հանդես եք եկել Յակոպո Ֆիեսկոյի դերերգով՝ Վերդիի «Սիմոն Բոկանեգրա» օպերայում:

– Վաղուց եմ նկատել, որ հայերն ու իտալացիները նման են ոչ միայն մշակույթով, բնավորությամբ ու արտաքինով, այլեւ անկեղծ զրույցի մեջ ներքաշելու արվեստով: Իհարկե, դա այդպես է, բայց պետք է խոստովանեմ, որ մինչ Լոնդոնում առաջին անգամ հանդես գալը, հայրենիքում ինձ ճանաչում էին. հասցրել էի բեմ բարձրանալ Հռոմի, Միլանի, Վենետիկի, Ֆլորենցիայի թատրոններում, զուգահեռ հանդես գալով իբրեւ համերգային կատարող: Իսկ «Քովեն Գարդենում» բեմելից հետո իսկապես արձագանքը շատ մեծ էր, ինչը կարծես միջազգային պայթյուն լիներ:

– Դատելով ձեր պատասխանից՝ կարելի՞ է ենթադրել, որ դուք լավ եք ճանաչում հայերին եւ շատ եք շփվել նրանց հետ: Եթե դա այդպես է, նրանց թվում կա՞ն արվեստագետներ:

– Իմ շփումը միայն հայ արվեստագետների հետ է, որոնք մեծ թիվ են կազմում մասնավորապես վոկալ արվեստում: Ի դեպ, ունեք հիանալի վոկալ դպրոց: Չթվեմ, որ հանկարծ այս պահին որոշ անուններ չսպրդեն:

– Հավանաբար համաշխարհային օպերային գրականությունում չկա մի երկ, որտեղ բասի դերերգով հանդես եկած չլինեք…

– Համաշխարհային օպերային գրականությունն այնքան ընդարձակ է, որ դեռեւս կան օպերաներ, որոնք, չգիտես ինչու, չեն բեմադրվում: Ես այդ պարտիաները լրացնում եմ համերգային կատարումներով: Ի լրումն ասեմ, որ այսօր էլ ժամանակակից կոմպոզիտորների կողմից ստեղծվում են նույնպես բարձրարվեստ օպերաներ…

– Հանդես եք եկել դիրիժորական արվեստի այնպիսի երեւելիների ղեկավարությամբ, ինչպիսիք են Ռիկարդո Մուտին, Կլաուդիո Աբբադոն, Լորին Մաազելը, Վալերի Գերգիեւը, Ֆաբիո Լուիզին… Հիմա էլ պատրաստվում եք բեմ բարձրանալ Էդուարդ Թոփչյանի հետ:

– Ասացի, չէ՞, որ նման ենք անկեղծ զրույցի մեջ ներքաշելու արվեստով… Անշուշտ, թվարկեցիք երեւելի դիրիժորների անուններ: Հայաստան ժամանել եմ մեկ-երկու օր ուշացումով, բայց արդեն այն հանգամանքը, որ ձեր մաեստրոն՝ Թոփչյանը, մինչ նվագախմբի ու երգչախմբի հետ փորձը մեներգիչներիս հրավիրել է առանձին պարապմունքի: Դա խոսում է նրա՝ չնայած երիտասարդ տարիքին, բարձր պրոֆեսիոնալիզմի մասին:

– Զուգադիպությո՞ւն է, թե՞ ազգակցական կապ ունեք ձեր անուն-ազգանվամբ ճանաչված դաշնակահար- երգեհոնահարի եւ կինոդերասան Ռոբերտո Սկանդիուցիների հետ:

– Ոչ, ազգակցական կապ չունենք, պարզապես զուգադիպություն է:

Զրույցը՝ ՍԱՄՎԵԼ ԴԱՆԻԵԼՅԱՆԻ

 

Լրահոս
Իսկ ինչու՞ ներել… Շնչե հովիկ Եթե հարցնես Ինչու է եկեղեցին խաչը վստահում աստվածաշնչյան պատվիրաններ խախտողին. հարցազրույց «Կրկնակի հերոս է նա, ով հաղթում է ոչ միայն զենքով, այլև խելքով» Յիրիկյան. Նորն ու նորարարությունը երբեք հեշտ ու արագ չեն ձևավորվում Նախարարի հետ տեղում գնահատվեց Գյումրու Ս․ Ամենափրկիչ եկեղեցու վերականգնան, տարածքի վերակարգման ավարտական փուլի ծրագիրը Ի՞նչ անուններով մկրտել մեր երեխաներին «Առաջին ու հիմնական գույնը ծնվում է գույների քաոսից» Ջիգարխանյանի ընկերը պատմել է դերասանի վիճակի մասին Տղան և օձը «Պետք է լինի կենտրոնացված պետական կազմակերպություն» «На улице Мира». Նորա Գրիգորյանը և Կ. Ստանիսլավսկու անվան ռուսական թատրոնը Սումգայիթի ջարդերի մասին փաստագրական ներկայացում են պատրաստում Սիրում եմ մի փոքր «չարչարել» հանդիսատեսին. Շարլ Ազնավուր Բացվեց Գումբուրդո գյուղի նորակառույց հանրային դպրոցը Սուրբ Սարգիս զորավարի Անվան հետ կապված ՈՒխտատեղիները և սովորույթները Ռուբեն Սևակ․ Հոգիս Լավ զրույցը Իբր Զարդ Հորովել Հայաստանում ԵՄ պատվիրակության ղեկավար․ «Միլիանավոր եվրոնոներ կուղղվեն մշակույթի ոլորտ» «Թաբոր լեռան վրայ» Պյոտր Սվիտալսկի․ «Սարյանը Հայաստանի այցեքարտն է Եվրոպայում» Freedom House. «Ազատությունն աշխարհում-2018». Հայաստանը և Լեռնային Ղարաբաղը «մասամբ ազատ» են, Ադրբեջանը՝ ոչ ազատ Մենք հաճախ կենտրոնանում ենք բաժակի վրա՝ մոռանալով վայելել սուրճի համը Ռուբեն Սևակ․ Դուն Հրաշքն ես Սերժ Սարգսյանը՝ ՀՀ ապագա նախագահի մասին․ «Նա պետք է վայելի հեղինակություն և որ ամենակարևորն է՝ անկողմնակալ մարդ լինի, ով երբեք քաղաքականությամբ չի զբաղվել» Նախագահ Սարգսյանը Հայաստանի ազգային հերոս Հովհաննես Չեքիջյանին հանձնել է Հայրենիքի շքանշանը Հայոց եկեղեցու կացությունը Սովետական իշխանության արշալույսին ՈՒրիշ ձկներ են ջրում Սոս Ջանիբեկյանը, Մաց Լանգբական, Տատյանա Սպիվակովան ու Նաիրա Զաքարյանը՝ Ջիվան Ավետիսյանի «Դրախտի դարպասը» ֆիլմում Քելե, քելե Սարկավագուհիների ավանդույթի վերականգման հարցում պետք է զգույշ լինել. Վահրամ քահանա Մելիքյան Արտերկրում գործող միակ պետական հայկական թատրոնի դերասանները հնրավորություն կունենան հանդիսատեսին ներկայանալ սեփական, վերանորոգված թատրոնի շենքում Էլ իմաստ չունի... Ընտրուեց Գերմանիոյ Հայոց Թեմի համար Առաջնորդական Տեղապահը Երկնագույն լուսացույցը Նախանձի մասին (բարոյախրատական պատում) Դեպի բանակ ճանապարհը անցնում է եկեղեցով Շքեղ հայկական թատրոն Հայաստանի սահմաններից դուրս․ Տիգրան Վիրաբյանի գրառումը
website by Sargssyan