Ձյուն-ձյուն
13/12/2017 17:20
Նմանատիպ
Ու թող ձյուն լինի անվերջ`
Միևնույն է, քեզ համար
Դա կլինի ոչ թե ձյուն`
Այլ հուշերդ անհամար:
Ամեն մի փաթիլ, անվերջ
Կխտացնի սեղմ, ժլատ,
Ձմեռները որ անցան`
Ու հալվեցին լուռ, անձայն…
Ձյուն-ձյուն
Հուշերի,
Անձայն
Վշտերի`
Ձյուն-ձյուն…
Թե երկու տաքուկ հայացք
Իրար են դիպչում-փակչում`
Դա ձմեռն է հեգնորեն
Փչում…
Հերիք է խաղա արև,
Կցրվի պատրանքն անթև,
Հայացքները կանջատվեն`
Ողջույն…
Ձյուն-ձյուն
Հուշերի,
Անձայն
Վշտերի`
Ձյուն-ձյուն…
Ու մայթեր ճերմակ, սառած,
Սայթաքելիս` երանի
Ընկնեիր մանկությանդ մեջ`
Հանկարծ…
Ու ձեռքը քո մայրիկի
Օգներ, որ բարձրնայիր,
Թաթիկները քո շփեր`
Պաղած…
Ձյուն-ձյուն
Հուշերի,
Անձայն
Վշտերի`
Ձյուն-ձյուն…
Ձյուն-ձյուն…
Խոսք՝ Վահրամ ԹԱԹԻԿՅԱՆ1976
Կատարում՝ Լիլիթ ՊԻՊՈՅԱՆ