USD
EUR
RUB

«Զվարթնոց» վոկալ քառյակը տուրիզմ է զարգացնում

 
 

Մշակութային տուրիզմն աշխարհում գնալով ավելի տարածված է դառնում: Եվրոպական երկրներում տուրիզմի այս տեսակը վաղուց «կլանել» է ինչպես անհատ արվեստագետների, այնպես էլ կոլեկտիվների: Որոշ հաշվարկներով, մշակութային զբոսաշրջիկներն ավելի շատ գումար են ծախսում, քան սովորականները:

Մեր իրականությունում այս ոլորտում ծանոթ ենք 2000թ.-ից գործող «Զվարթնոց» վոկալ քառյակին, որի գաղափարը Ազգային օպերային թատրոնի մեներգիչ, տենոր Տիգրան Կոնինյանինն է: Քառյակի կազմում են նաեւ սոպրանո Սոֆյա Սայադյանը, մեցցո սոպրանո Նունե Հարոյանը եւ բաս Վարդան Գալստյանը: Այս կոլեկտիվին կարելի է հանդիպել նաեւ Գառնիում, Գեղարդում, Զվարթնոցում, մի խոսքով՝ Հայաստանի պատմամշակութային վայրերում:

Տիգրան Կոնինյան երգչին, որը շուրջ 15 տարի է, ինչ Ազգային օպերային թատրոնի մեներգիչ է, հանդիպել ենք Սարոյի (Տիգրանյան՝ «ԱՆուշ»), Գաստոնի (Վերդի՝ «Տրավիատա»), Տղայի (Տերտերյան՝ «Երկրաշարժ»), Ռեմենդադոյի (Բիզե՝ «Կարմեն»), Դրաստամատ (Չուխաջյան՝ «Արշակ Բ»), Ֆլավիի (Բելինի՝ «Նորմա») դերերգերում եւ այլն:

Վերջերս էլ նա Դոնիցետիի «Պողիկտոսում» հրաշալի մարմնավորեց Ներսեսի կերպարը՝ թե՛ ձայնային եւ թե՛ արտիստիկ խաղով: Տենորը՝ «Տրավիատայում» եւ «Պողիկտոսում»:

«Առավոտի» հանդիպումը Տիգրան Կոնինյանի հետ կապված էր «Զվարթնոց» վոկալ քառյակի գործունեության հետ: «Համագործակցում ենք տարբեր զբոսաշրջային գործակալությունների հետ, զբոսաշրջիկներին ծանոթացնելով մեր հոգեւոր ու աշխարհիկ երգարվեստի իսկապես գանձարանային նմուշներին՝ Նարեկացուց մինչեւ Կոմիտաս»,- նշեց մեր զրուցակիցը: Հավաստիացրեց, թե պատահել են դեպքեր, երբ, ասենք, Գառնիում, Գեղարդում եւ այլ պատմամշակութային վայրերում զբոսաշրջիկը այնպես է տարվել մեր երաժշտարվեստի գոհարներով, որ կարծես մոռացել է բուն այցի նպատակը:

Մեր զրուցակիցը ասաց նաեւ, որ այս գործունեության ոլորտում իրենց ձեռք են մեկնում որոշ ՊՈԱԿ-ներ, այդ թվում՝ Հայաստանի պատմամշակութային արգելոց-թանգարանների, պատմական միջավայրի պահպանության ծառայության տնօրեն Արա Թարվերդյանը:

Երգիչը նշեց, որ նա կաջակցի 2018թ. գարնանը «Զվարթնոցի» կայանալիք հյուրախաղերին Ավստրիայում, Չեխիայում, Գերմանիայում եւ Ֆրանսիայում:

 Հետաքրքրությանը, թե ով է նշյալ շրջագայության նախաձեռնողը, երգիչը պատասխանեց. «Վերջերս Գեղարդում «Զվարթնոցի» ելույթներից մեկի ժամանակ զբոսաշրջիկների թվում էր Ավստրիայի հայ առաքելական եկեղեցական համայնքի քարտուղարը՝ Սուսաննա Գեւորգյանը, հենց նա էլ նախաձեռնեց կայանալիք եվրոպական շրջագայությունը: Մասնակցելու ենք Ավստրիայի Սուրբ Հռիփսիմե եկեղեցու օծման կեսդարյա հոբելյանին»:

Տիգրան Կոնինյանը հավելեց նաեւ, որ գալիք տարում ունեն նաեւ Դանիա ուղեւորություն. «Այս անգամ զբոսաշրջիկների թվում էր Դանիայի մշակույթի եւ եկեղեցական հարցերով նախարար Մեթե Գոկը: Հենց տեղում՝ Զվարթնոցում պայմանավորվեցինք այցելության մասին, որին հետեւեց հրավերը»:

ՍԱՄՎԵԼ ԴԱՆԻԵԼՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
website by Sargssyan