USD
EUR
RUB

Երաժշտական դպրոցների վարձերը հնարավոր է թանկանան

 
 

Երեւանի քաղաքապետարանի ենթակայությամբ գործող երաժշտական եւ արվեստի դպրոցների սաների ծնողները խուճապի մեջ են: Նրանց տեղեկացրել են, որ հունվարի 1-ից վարձերը բարձրանալու են:

Aravot.am-ին դիմած երեխայի ծնողը, որի անունն իր խնդրանքով չենք նշում, Երեւանի հարակից մարզից է: Կոնկրետ նրան երաժշտական դպրոցում պարզաբանել են, որ յուրաքանչյուր երեխայի վրա պետությունը ծախսում է 25000 դրամ, որի մի մասը փոխհատուցում է Երեւանի քաղաքապետարանը, ինչի արդյունքում ծնողները մինչ այժմ վճարում էին 7000 դրամ: Եվ ըստ ծնողի, հունվարից վարձը բարձրանալու է 1000 դրամով` երեւանաբնակների համար, իսկ մարզաբնակները ստիպված են լինելու վճարել 17000 դրամ: Ա. Սպենդիարյանի անվան երաժշտական դպրոցի փոխտնօրեն Հասմիկ Հակոբյանն ասաց, որ վարձերի բարձրացման հետ դպրոցները կապ չունեն, որոշողը Երեւանի քաղաքապետարանն է:

Արմեն Տիգրանյանի անվան երաժշտական դպրոցից Շուշան անունով հաշվետարը եւս նման մեկնաբանություն արեց. «Որոշում կայացնում է քաղաքապետարանը, որոշումն այս պահին կայացված չէ, թե ինչ կլինի,կտեղեկանանք միայն դեկտեմբերի 20-ից: Ամեն դեպքում, տնօրենը չի որոշում` գինը կփոփոխվի՞, թե ոչ: Որոշում է քաղաքապետարանը»:

Երեւանի փոխքաղաքապետ Արամ Սուքիասյանն ասաց, որ հարցը դեռեւս չի մտել օրակարգ, դեռ բուռն քննարկման փուլում է, եւ թվերի եւ որոշում կայացնելու առումով ամեն ինչ ենթակա է փոփոխման: «Մենք քննարկումներ ենք ունեցել տնօրենների հետ, որ զգուշացնեն ծնողներին, որպեսզի միանգամից անակնկալի չգան»,-ասաց փոխքաղաքապետը:

Արամ Սուքիասյանի խոսքերով վարձերի բարձրացումը պայմանավորված է Տուրքի մասին նոր օրենքով. «Նույն գործիքը տարբեր դպրոցներում տարբեր արժեքների էր, այժմ ամեն ինչ համահավասարեցվում է, ինչը չի նշանակում բարձրացում, օրինակ, կիթառի դեպքում 12000 դրամ էր, տեղ կա 6000, այժմ հավասարեցվում է արժեքը: Ներկայումս առաջարկ է ներկայացվում ավագանու քննարկմանը, որ բոլոր դպրոցներում մասնագիտական առարկաները լինեն 8000 դրամ: Դա առաջին տպավորությամբ նաեւ սոցիալական բարդություններ է առաջացնում, բայց մենք սոցիալապես անապահով ընտանիքների համար ունենալու ենք 800 տեղ: Դիմումատուներ կլինեն, որոնց սոցիալական կարգավիճակով պայմանավորված, տվյալ տարվա վարձավճարը կհոգա քաղաքապետարանը»,-ասաց քաղաքապետի տեղակալը: Նաեւ հավելեց, որ 17500 դրամը յուրաքանչյուր աշակերտի վրա ընդհանուր ծախսն է. «Պարզապես մնացյալը հոգում է քաղաքապետարանը, իսկ մյուս մասը` երեխայի խնամքով զբաղվողը: Ինչ վերաբերվում է մարզաբնակներին, նրանք ավել են վճարելու, որովհետեւ քաղաքից, քաղաքացիների հարկերից, տուրքերից գոյացած բյուջեով օրենքով իրավունք չունենք ծախս անելու այլ համայնքի բնակչին ծառայություն մատուցելու համար»:

Գոհար ՀԱԿՈԲՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
website by Sargssyan