USD
EUR
RUB

Մշակութի նախարարը, առաջին տիկինն ու ԱՄՆ և ՌԴ դեսպանները հաջողություն են մաղթել Տիգրան Մանսուրյանին ու Կոնստանտին Օրբելյանին «Գրեմմի» մրցանակաբաշխությունում

 
 

ՀՀ մշակույթի նախարար Արմեն Ամիրյանի նախաձեռնությամբ դեկտեմբերի 14-ին Ալ. Սպենդիարյանի անվան օպերայի և բալետի ազգային ակադեմիական թատրոնի ճեմասրահում հանդիպեցին «Գրեմմի» 60-րդ մրցանակաբաշխության հայազգի հավակնորդներն ու նրանց համակիրները: Այս մասին տեղեկացնում է Aysor.am-ը։

«Գրեմմի» 2018-ին են առաջադրվել կոմպոզիտոր Տիգրան Մանսուրյանն ու դիրիժոր Կոնստանտին Օրբելյանը: Կոմպոզիտորի «Ռեքվիեմ» ստեղծագործությունը միանգամից երկու անվանակարգերում է ներկայացվել՝ «Լավագույն երգչախմբային ներկայացում» և «Լավագույն ժամանակակից դասական ստեղծագործություն»: Իսկ Կոնստանտին Օրբելյանն ու Դմիտրի Խվորոստովսկին առաջադրվել են «Լավագույն դասական սոլո վոկալ ալբոմ» անվանակարգում:

Մեծանուն արվեստագետներին հեղինակավոր մրցանակաբաշխության շրջանակներում հաջողություն մաղթելու էին եկել ոչ միայն արվեստագետներ, այլև քաղաքական գործիչներ և Հայաստանում մի շարք երկրների դեսպաններ։ Հյուրերի թվում էին ՀՀ առաջին տիկին Ռիտա Սարգսյանը, ՀՀ Սփյուռքի նախարար Հրանուշ Հակոբյանը, Հայաստանում ԱՄՆ դեսպան Ռիչարդ Միլսը, ՌԴ դեսպան Իվան Վոլինկինի ներկայացուցիչը և այլք:

«Այսօր բացառիկ առիթ է, որ մեր սրտի խոսքն ու ջերմությունը, մեր խոնարհումն ու հարգանքը փոխանցենք մեր երկու սիրելի մաեստրոներին՝ Տիգրան Մանսուրյանին և Կոնստանտին Օրբելյանին: Մարդիկ, ովքեր ճակատագրի բերումով ծնվել են արտասահմանում, բայց գիտակցության և հոգու կանչով վերադարձել են հայրենիք՝ ստեղծելու և արարելու երաժշտության հրաշքը: Ուսումնասիրելով «Գրեմմի»-ի պատմությունը՝ պարզեցի, որ տասնյակ մեր հայրենակիցներ տարբեր ժամանակներում և՛ նոմինացվել են, և՛ ստացել են «Գրեմմի», - ասաց Արմեն Ամիրյանը:

Նախարարը հույս հայտնեց, որ կգա մի օր, որ Օպերայի և բալետի ազգային ակադեմիական թատրոնի համերգային սրահում միասնական ծրագրով հանդես կգան «Գրեմմի»-ի արժանացած հայ երաժիշտները:

Կոնստանտին Օրբելյանը խոստովանեց՝ կրկնակի ուրախ է այն հանգամանքի համար, որ Հայաստանից ընտրվել է մեծանուն կոմպոզիտոր Տիգրան Մանսուրյանը, ում հետ միասին, հնարավոր է, առիթ ունենան բարձրացնելու հայկական դրոշը:

Տիգրան Մանսուրյանն էլ իր հերթին գովեստի խոսքեր հնչեցրեց Կ. Օրբելյանի հասցեին՝ ընդգծելով.

«Նա Հայաստան գալով՝ իր հետ բերեց իրեն ուղղված պարգևը, որն, այնուամենայնիվ, բոլորինս է լինելու: Ես ներկայացվել եմ «Գրեմմի»-ի նաև 2004 թվականին, սակայն չստացա: Գերադասելի է, որ այս տարի այդ հաղթանակն իրական դառնա»:

Ե՛վ Տիգրան Մանսուրյանը, և՛ Կոնստանտին Օրբելյանն իրենց խոսքում առանձնահատուկ հիշատակեցին Դմիտրի Խվորոստովսկու անունը, նշելով, որ հռչակավոր օպերային երգիչն անհամբեր էր սպասում այս ալբոմի հաջողությանը:

ԱՄՆ դեսպան Ռիչարդ Միլսը ժամանակից մի փոքր առաջ ընկնելով՝ այս հանդիպումն ու սպասվող հաղթանակը Սուրբ Ծննդյան նվեր համարեց:

«Հարգարժան այս այրերը տարբեր մշակույթների կրողն են եղել՝ ամերիկյան, ռուսական, և, իհարկե, հայկական: Նրանք ներկայացնում են այս երեք հզոր մշակույթները, և անչափ ուրախ եմ, որ ձայնագրությունների ակադեմիան նրանց առաջադրել է որպես մրցանակի հավակնորդներ: Լիահույս ենք, որ հունվարի 28-ին կրկին առիթ կունենանք հավաքվել այստեղ ու միասին տոնել Ձեր հաղթանակը», - նշեց դեսպանը:

ՌԴ դեսպանի ներկայացուցիչը, փոխանցելով նրա խոսքն, ասաց. «Ուրախ եմ ողջունել այն հանգամանքը, որ Հայաստանի և Ռուսաստանի կայացած արտիստները առաջադրվել են միջազգային հեղինակավոր այս մրցանակաբաշխությանը: Դարերի ընթացքում մշակույթը միավորող դեր է խաղացել երկրների և ազգերի համար, հանդես է եկել որպես ամբողջացնող կամուրջ՝ դառնալով համաշխարհային արժեք»:

Իվան Վոլինկինը կարևորել է Կոնստանտին Օրբելյանի և Դմիտրի Խվորոստովսկու համագործակցությունը, ափսոսանք հայտնելով, որ ռուս մեծագույն երգիչն այլևս մեզ հետ չէ: Դեսպանը հատուկ ընդգծել էր նաև այն հանգամանքը, որ հայ մեծանուն կոմպոզիտորի «Ռեքվիեմ»-ը առաջադրվել է միանգամից երկու անվանակարգերում:

Ստեղծագործություն, որը ստեղծվել է 10 տարվա ընթացքում և նվիրված է Օսմանյան կայսրությունում Ցեղասպանության զոհերի հիշատակին: Օր, որը հնարավոր չէ մոռանալ, որն իր ազդեցությունն է թողել ամբողջ հայ ազգի ճակատագրի վրա։

«Գրեմմի» 60-րդ մրցանակաբաշխությունը տեղի կունենա Նյու Յորքում՝ 2018 թվականի հունվարի 28-ին: Կտրելով խորհրդանշական տորթը՝ բոլորը հույս հայտնեցի, որ մրցանակաբաշխության հոբելյանական հաղթողների շարքում տեղ կգտնեն հայ երաժիշտները:

Հեղինակ՝ Նելլի Մարգարյան

Լրահոս
Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ Բարձր գրականություն Արքմենիկ Նիկողոսյանի հետ. Պարույր Սևակ Արևի լույսը «Երդիկն ի վար»
website by Sargssyan