Խերսոն քաղաքում օրհնվեց Հայոց Ցեղասպանությանը նվիրված խաչքար

Դեկտեմբերի 18-ին Ուկրաինայի Հայոց թեմի առաջնորդ Գերաշնորհ Տ. Մարկոս եպիսկոպոս Հովհաննիսյանի հանդիսապետությամբ Խերսոն քաղաքում օրհնվեց Հայոց Ցեղասպանությանը նվիրված խաչքար: Սկզբնաղբյուր՝ armchurch.info։

Արարողությանը ներկա էին Նիկոլաև քաղաքի հայ համայնքի հոգևոր հովիվ Արժանապատիվ Տ. Վարագ քահանա Յապարյանը, Խերսոնի քաղաքապետ Վլադիմիր Միկոլայենկոն, հայ համայնքի նախագահ Տիգրան Մկրտչյանը, տարբեր կառույցների ներկայացուցիչներ և հավատացյալ ժողովուրդ:

Վերջին երկու տարվա ընթացքում Ուկրաինայում տեղադրվել են տասից ավելի խաչքարեր, ևս տասը առաջիկայում պետք է տեղադրվեն երկրի տարբեր հայաբնակ շրջաններում: