USD
EUR
RUB

Աշխատանքը և դրա պտուղները

 
 

Սուրբ Գիրքը վկայում է աշխատանքի հանդեպ բարոյական երկու մղումների մասին. աշխատել ինքնուրույն սնվելու համար՝ որևէ մեկին չծանրաբեռնելով, նեղություն չտալով և աշխատել կարիքավորին օգնելու համար: Ս. Պողոս առաքյալը գրում է. «… թող աշխատի իր ձեռքերով բարիք արտադրել, որպեսզի կարո՛ղ լինի տալու նրան, ով կարիքի մեջ է» (Եփեսացիներ Դ 28): Նման աշխատանքը դաստիարակում է մարդու հոգին և ամրապնդում մարմինը, քրիստոնյային հնարավորություն տալիս դրսևորել իր հավատն աստվածահաճո գործերով և մերձավորների հանդեպ սիրով (տե՛ս Մատթեոս Ե 16): Բոլորս ենք հիշում սուրբ Պողոս առաքյալի խոսքերը. «Ով չի ուզում աշխատել, թող հաց էլ չուտի» (Բ եսաղոնիկեցիներին Գ 10):

Եկեղեցու հայրերը և ուսուցիչները միշտ շեշտում են աշխատանքային գործընթացների էթիկական նշանակությունը: Սուրբ Հովհան Ոսկեբերանը կոչ էր անում անվանել «անպատվություն ոչ թե աշխատանքը, այլ պարապությունը»: Աշխատանքային ճգնակեցության օրինակ են եղել բազմաթիվ վանքերի վանականներ: Նրանց տնտեսական գործունեությունը շատ առումներով ընդօրինակելի է, իսկ վանական խոշոր համալիրների հիմնադիրները հոգևոր բարձր հեղինակության հետ մեկտեղ նաև ջանասեր աշխատավորի համբավ ունեին:

Եկեղեցին օրհնում է մարդկանց բարօրությանն ուղղված ցանկացած աշխատանք: Ընդ որում նախընտրություն չի տրվում մարդկային գործունեության տեսակներից որևէ մեկին, եթե այդ գործունեությունը համապատասխանում է քրիստոնեական բարոյական նորմերին: Աստվածաշնչային առակներում Հիսուս Քրիստոս մշտապես հիշեցնում է զանազան մասնագիտությունների մասին՝ չառանձնացնելով դրանցից որևէ մեկը: Նա խոսում է սերմնացանի (Մարկոս Դ 3-9), ծառաների և տնտեսի (Ղուկաս ԺԲ 42-48), վաճառականի և ձկնորսների (Մատթեոս ԺԳ 45-48), տանուտերի և այգու մշակների (Մատթեոս Ի 1-16) մասին:

Սակայն արդի ժամանակաշրջանը ծնունդ է տվել մի ամբողջ արդյունաբերության զարգացման՝ ուղղված հատուկ ցոփությանը և մեղքի քարոզմանը, այնպիսի կործանարար կրքերի և սովորույթների բավարարմանը, ինչպիսիք են հարբեցողությունը, թմրամոլությունը, անառակությունը և ամուսնական անհավատարմությունը: Եկեղեցին վկայում է գործունեության նման տեսակներին մասնակցության մեղսալից բնույթի մասին, քանի որ դրանք բարոյապես քայքայում են ոչ միայն աշխատավորներին, այլև հասարակությունն ընդհանրապես:

Աշխատավորն իրավունք ունի օգտվել իր աշխատանքի պտուղներից. «Ո՞վ այգի կտնկի և նրա պտղից չի ուտի: Ո՞վ հոտ կարածացնի և հոտի կաթից չի խմի» (Ա Կորնթացիներ 7): Եկեղեցին ուսուցանում է, որ ազնիվ աշխատանքի դիմաց վճարելուց խուսափելը ոչ միայն հանցագործություն է մարդու դեմ, այլև մեղք է Աստծո հանդեպ:

Սուրբ Գրքում ասվում է «… Նույն օրը տուր նրան վարձը, քանի դեռ արևը մայր չի մտել, որովհետև նա տնանկ է, և դա է նրա հույսը: Նա քո մասին թող չբողոքի Տիրոջը, և քեզ վրա որպես մեղք թող չբարդվի» (Բ Օրենք ԻԴ 14), «Վա՜յ նրան, ով կկառուցի իր տունը, բայց ոչ արդարությամբ… Նրա մերձավորը նրա համար ձրի գործ կանի, բայց նրա վարձը նա չի հատուցի նրան» (Երեմիա ԻԲ 13), «Ահավասիկ, ձեր դաշտերը մշակած մշակների վարձը ձեզ մոտ պահեցիք. ձեր կողմից զրկվածն աղաղակում է, և հնձվորների բողոքը հասավ Ամենակալ Տիրոջ ականջին» (Հակոբոս Ե 4):

Միևնույն ժամանակ աստվածային պատվիրանը հրահանգում է հոգ տանել այն մարդկանց մասին, ովքեր տարբեր պատճառներով չեն կարող վաստակել իրենց ապրուստը, այսինքն՝ տկարների, հիվանդների, եկվորների (փախստականների), որբերի ու այրիների մասին, և նրանց հետ կիսել իրենց աշխատանքի պտուղները, «…որպեսզի քո Տեր Աստվածը քեզ օրհնի բոլոր այն գործերում, որոնց ձեռնարկում ես» (Բ Օրենք ԻԴ 19):

Շարունակելով աշխարհում ծառայությունը Քրիստոսի, Ով Իրեն նույնացրեց հենց ընչազուրկների ու թշվառականների հետ, Եկեղեցին պաշտպանում է խոնարհներին և անզորներին: Դրա համար էլ Եկեղեցին կոչ է անում աշխատանքի պտուղների արդարացի բաշխման, որի դեպքում հարուստը սատարում է աղքատին, առողջը՝ հիվանդին, աշխատունակը՝ ծերին: Հասարակության բարօրությունը և ինքնապաշտպանությունը հնարավոր են միայն այն դեպքում, երբ նյութական միջոցները բաշխելիս բոլոր քաղաքացիների կյանքի, առողջության և նվազագույն բարեկեցության ապահովումը համարվում է անվերապահ առաջնահերթություն:

Ռուսերենից թարգմանեց
Լարիսա ՆԱՎԱՍԱՐԴՅԱՆԸ
Շողակն ԱՐԱՐԱՏՅԱՆ

Լրահոս
Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր
website by Sargssyan