USD
EUR
RUB

Արտերկրում ուսանած բալետի արտիստները ցանկանում են ներուժն իրացնել հայրենիքում

 
 

Օրերս Ալ. Սպենդիարյանի անվան օպերայի եւ բալետի ազգային ակադեմիական թատրոնի բալետային խմբի ղեկավար, ՀՀ արվեստի վաստակավոր գործիչ Արմեն Գրիգորյանը «Առավոտին» տեղեկացրեց, որ բալետի երիտասարդ արտիստներ Նարե Սուքիասյանն ու Էդմոնդ Բաղդասարյանը ուսանելով արտերկրի հեղինակավոր մասնագիտական հաստատություններում եւ ունենալով բազում հաջողություններ, վերադարձել են հայրենիք:

Մեզ հետ հանդիպման ժամանակ երիտասարդ արվեստագետները հավաստիացրին, որ մեծ ցանկություն ունեն համալրել օպերային թատրոնի բալետային խումբը, կարիերա անել հայրենիքում, ինչի առիթով խնդրել են Արմեն Գրիգորյանին՝ առայժմ թույլատրել իրենց՝ մասնակցելու դասական պարի պարապմունքներին: Նարե Սուքիասյանն ասաց, որ ուսանել է Լիսաբոնի պարարվեստի կոնսերվատորիայում, ժամանակին Մարիինյան թատրոնի պրիմա պարուհի Իրինա Զազիալովայի ղեկավարությամբ: Այդ ժամանակահատվածում բեմ է բարձրացել հեղինակավոր այնպիսի թատրոններում, ինչպիսիք են Orient, Camoes մշակութային օջախները:

Մեր զրուցակիցը նաեւ հավելեց. «Ի սկզբանե ցանկություն եմ ունեցել ստեղծագործական կյանքս զուգահեռել նաեւ բեմադրական աշխատանքների հետ: Այդ թատրոններում ինչ-որ չափով իրականացրի երազանքս: Մի շարք համարների թվում բեմադրեցի նաեւ Կոմիտասի «Չինար ես»-ը ու հանդես եկա լեհ համակուրսեցուս հետ»: Հավելեց նաեւ, թե այժմ ուսանում է Երեւանի կինոյի եւ թատրոնի պետական ինստիտուտի պարարվեստի ռեժիսուրա ֆակուլտետում: Բալետի արտիստը նշեց նաեւ, թե Լիսաբոնում ուսումնառության տարիներին մասնակցել է վարպետության դասընթացների:

Առանձնացրեց դրանցից մեկը. «Դրեզդենի համալսարանում վարպետության դասեր եմ ստացել ազգությամբ շվեդ, ճանաչված Մաց Էքի նախկին սանից, որն այժմ նրա փորձավարներից է: Պատրաստեցի Սմոքի մենախոսությունը Առվո Փերթիի երաժշտությամբ՝ նույնանուն բալետից: Սա իսկապես մեծ փորձություն էր ինձ համար»:

Մեկ այլ բալետային պատմություն ունի Էդմոնդ Բաղդասարյանը, որը դեռեւս Երեւանի պարարվեստի քոլեջի երկրորդ կուրսից տեղափոխվել է Մոսկվա, ուսումը շարունակել Լավրովսկու անվան պարարվեստի ուսումնարանում՝ Ռոման Մալենկոյի արվեստանոցում: Այդ ընթացքում մասնակցել է Ֆրանսիայում եւ Էստոնիայում կայացած մրցույթ-փառատոների: Երիտասարդ պարողի խոսքերով՝ «2017-ին հանդես գալով Բազիլի վարիացիայով Մինկուսի «Դոն Կիխոտում», արժանացա մեծ ուշադրության, ինչի արդյունքն էր մասնակցությունս Ստանիսլավսկու եւ Դանչենկոյի թատրոնում վարպետության դասընթացներին, հայտնի անուն Սերգեյ Ֆիլինի ղեկավարությամբ: Ընդ որում, այդ առաջարկն արել էր անվանի Մարգարիտա Դրոզդովան: Ստացվեց այնպես, որ ընդունվեցի աշխատանքի դարձյալ Մոսկվայի Նատալի Ի Սացի բալետի ակադեմիական թատրոնում, որտեղ աշխատեցի ընդամենը մեկ շաբաթ: Իսկ հիմա, ինչպես տեսնում եք՝ Երեւանում եմ»: Հետաքրքրությանը՝ վերադարձել են հայրենիք ու փաստորեն որոշել բալետի արտիստի կարճատեւ կյանքը կապել Երեւանի թատրոնի հետ, մեր երկու զրուցակիցները պատասխանեցին, այո, եթե իրենց «գտնեն» Երեւանի թատրոնում եւ ապահովված լինեն բարեկեցիկ ստեղծագործական կյանքով:

Արմեն Գրիգորյանը գովեստի խոսքեր հնչեցրեց նաեւ բալետի արտիստ Դավիթ Գրիգորյանի հասցեին, որին առայժմ հանդիպել ենք Խաչատրյանի «Սպարտակ» բալետում եւ Բիզեի «Կարմեն» օպերայում՝ անսամբլային դերապարերով: Այս արտիստի մասին, որը դեռեւս 5 տարի է՝ թատրոնում է, մեզ հետ զրույցում հիացմունքով էր արտահայտվել նաեւ Ռիմա Պիպոյանը, որի բեմադրությունները Դավիթ Գրիգորյանի եւ Թագուհի Մարկոսյանի ներկայացմամբ՝ նրան հաջողություն էին բերել դեռեւս 2016թ.՝ մոսկովյան «Դիանա Վիշնյովա կոնտեքստ», ապա Սերբիայում կայացած խորեոգրաֆների եւ բալետի արտիստների մրցույթներում:

2017-ին էլ հիշյալ զույգը՝ դարձյալ պիպոյանական խորեոգրաֆիայով, մասնակցելով «Global Fest Մոսկվա» մրցույթին «Blessed» բեմադրությամբ, իրեն հավասարը չի ունեցել «Ժամանակակից պար» անվանակարգում: Այս մրցույթն ունեցել է ներկայացուցչական ժյուրի, որի կազմում են եղել նաեւ հիմնադիրները՝ բալետային արվեստի դեմքեր Ալլա Սիգալովան եւ Եգոր Դրուժինինը:

ՍԱՄՎԵԼ ԴԱՆԻԵԼՅԱՆ

Լրահոս
Եկեղեցին Հայկական Ջորջ Մարտինը խոստացել է «Գահերի խաղի» շարունակությունը Ժողովուրդը չի կարող ղեկավարել պետությունը. Հենրիկ Էդոյան Անապատի նկարիչը Մեր պատմիչները և մեր գուսանները Տոն Ս. Հակոբ Մծբնա Հայրապետի, Մարուգե ճգնավորի և Մելիտոս եպիսկոպոսի «Մարդի՛կ, ուշքի եկեք» Ստամբուլում առաջին անգամ բացվել է Սերգեյ Փարաջանովին նվիրված ցուցահանդես Արշակ Չոպանյան․ Հայկական դյուցազներգությունը Հայից Հայ․ Արա Շիրազ Սա այն թթխմորն է, որ այսօր հրամցնում են մեզ Երաժշտասերները վայելեցին Ալեքսեյ Շորի ստեղծագործությունները Համազգային թատրոնի դերասանները դադարեցնում են գործադուլը Սպիտակի նախկին գլխավոր ճարտարապետը հեռվից հեռու էլ տեղյակ է խնդիրներին Ռեժիսոր Հովհաննես Գալստյանը որոշել է դադարեցնել հացադուլը Ռազմիկ Դավոյան Համբերություն Հայրենիքում Կյանքը ափի մեջ. Մրո Ալեքսեյ Շորին շնորհվեց Երևանի պետական կոնսերվատորիայի պատվավոր դոկտորի կոչում Արմենուհի Մանուկյան. «Հայաստանի առաջին տիկնիկային թատրոնը պետք է ունենա իր շենքը» Նախկին նախարարի հետ շփումներից հետո նախարարների բանավոր խոսքին չեմ հավատում. Ռեժիսոր Հովհաննես Գալստյան Մոսկվայում տեղադրվելու է Շառլ Ազնավուրի հուշարձանը Հայր մեր.Կոմիտասեան Վերդիի «Ռեքվիեմի» ցնցող մեկնաբանությունը օպերային թատրոնում ՝ ի հիշատակ երկրաշարժի զոհերի Պարույր Սևակի մտքերից Վիգեն Չալդրանյանը դեռևս անդրդրվելի է. Համազգային թատրոնի դերասան «Թուրքիայի նախագահին նամակով խնդրեցի ընդունել Ցեղասպանությունը» Queen խմբի հիթը դարձել է 20-րդ դարից եկած ամենահայտնի երգը Նոր նշանակումներ Նախագահ Արմեն Սարգսյանն այցելել է հացադուլ հայտարարած կինոռեժիսորին Հայաստան Երբեք չմեռնես. Հովհաննես Գրիգորյան. մաս 1-ին Համերգային երեկո՝ նվիրված Հայկանուշ Դանիելյանին «Ինքներդ վրեժխնդիր մի՛ եղեք» Շերլոք Հոլմսի մասին պատմող բոլոր ստեղծագործությունները բնագրից առաջին անգամ թարգմանվել են հայերեն Հանձնվել է այլընտրանքային Նոբելյան մրցանակը Քամիները բոլոր․․․Ռազմիկ Դավոյան Մոցարտի «Ռեքվիեմ»-ը ներկայացվեց Գյումրու Սև բերդում Երաժշտությունն ամոքիչ ուժ ունի. Սերգեյ Սմբատյան
website by Sargssyan