USD
EUR
RUB

Հնագետները Հայաստանում Ք.ա. 7-րդ հազարամյակի բնակատեղի են հայտնաբերել

 
 

Նախորդ տարի հայ հնագետները 39 արշավախումբ են կազմակերպվել՝ Հայաստանի տարբեր մարզերում և հուշարձաններում պեղումներ կազմակերպելու համար: Դրանցից 16-ը՝ այլ երկրի գիտական կենտրոնների հետ ստեղծված համատեղ խմբեր են եղել: Այսօր լրագրողների հետ հանդիպմանն այս մասին տեղեկացրեց ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը: Այս մասին տեղեկացնում է Panorama.am-ը։

Նա հայտնեց, որ Լեռնագոգ 1 հնավայրի պեղումների արդյունքում առաջին անգամ այս տարածաշրջանում գտել են ստացիոնար բնակատեղի, որի ստորին շերտերը թվագրվում են Ք. Ա. 8-րդ հազարամյակի վերջ, 7-րդ հազարամյակի սկզբով, սակայն Հայաստանի տարածքի բնակատեղիների հնագույն շերտերը ք.ա. 6-րդ հազարամյակի են:

Ավետիսյանի խոսքով՝ հերթը մշակույթի նախարարությանն է, ով պետք է իրականացնի հուշարձանների ցուցակագրման ու պահպանության խնդիրը: Նա նշեց, որ նախորդ տարի Հյուսիս-Հարավ ճանապարհի տակ մնացող հուշարձաններն են պեղել: «Մաստարայի հարևանությամբ մի քանի օբյեկտներ ենք պեղել՝ կարասների մեջ, վաղ բրոնզեդարյան բնակատեղի է, տարածքն անտիկ շրջանում օգտագործել են որպես գերեզմանոց: Այդ կարասներից յուրաքանչյուրի մեջ թաղում կա:

Հարևանությամբ կառույց կա, այդտեղ նաև դամբարաններ են պեղել, դրանք ճանապարհի եզրին էին, չպեղելու դեպքում կմնային ճանապարհի տակ»,- ասաց նա: Ավետիսյանը տեղեկացրեց, որ մինչև դեկտեմբերի 10-ը պեղումներ են արել, ճանապարհը մաքրել են, որևէ հուշարձան չի մնացել ճանապարհի տակ:

ՀՀ ԳԱԱ Հնագիտության և ազգագրության ինստիտուտի գիտաշխատող Արթուր Պետրոսյանը նշեց, որ դեռ 2015 թ. հետախուզական աշխատանքներ էին կատարում, Լեռնագոգի այդ տարածքում գտել էին 10-րդ հազարամյակի մարդու սարքած գործիքները, որոնք հայտնի են մեր տարածաշրջանում:

«Սկզբում դա գտանք, հետո ցանկանում էինք հասկանալ՝ դրանք ինչ-որ կերպ կապ ունե՞ն քարից ճարտարապետության հետ: 2015 թ. փոսորակ արեցինք, այդտեղից գտած ածուխը երբ թվագրեցինք, թիվը տվեց 8-րդ հազարամյակի վերջ, 7-րդի սկիզբ, 2017-ին որոշեցինք ավելի մեծ մասշտաբով պեղել: Մենք մեր առջև խնդիր էինք դրել՝ գտնել անխաթար շերտեր և եթե հնարավոր է՝ ոսկրաբանական նյութ»,- ասաց նա:

Պետրոսյանը հայտնեց, որ ածուխի ուսումնասիրությունից հետո հստակ կարելի է պնդել, որ Լեռնագոգն այդ շրջանի հնավայր է, այն հասարակությունը, որ ապրում էր այդտեղ, արդեն որոշակի ճարտարապետության էր տիրապետում:

Ճապոնիայի Տոկայի համալսարանի դոկտոր Մակոտո Արիմուրան տեղեկացրեց, որ 5 տարի է՝ սկսել է համագործակցել հնագիտության և ազգագրության ինստիտուտի հետ, և իր հետաքրքրությունների շրջանակներում է՝ հասկանալ Հայաստանի նեոլիթիզացիայի խնդիրը:

«Ես աշխատել եմ Սիրիայում և Թուրքիայում, այնտեղ շատ կան նեոլիթյան հուշարձաններ: Եվ ի՞նչ գիտենք մենք Կովկասի մասին, Կովկասում 10-6-րդ հազարամյակը պարզ չէ, լավ ուսումնասիրված չէ: 6-րդ հազարամյակից վաղ ոչինչ չգիտեինք մենք: Մի քանի հնավայրեր գիտեինք, բայց դրանք փոքր հնավայրեր են՝ հիմնականում ժայռածածկեր կամ քարայրներ: Մենք չգիտեինք՝ որն է այն վայրը, որտեղ ապրել են»,- ասաց նա:

Արիմուրան հայտնեց, որ 5 տարի առաջ ընդհանուր հետախուզական աշխատանքներ են կատարել և գտել «Լեռնագոգ 1» հնավայրը: Այս տարի իր կոլեգաների, ուսանողների հետ եկել են Լեռնագոգ, բազմաթիվ առարկաներ են գտել՝ օբսիդիանից, ոսկորից, և այդտեղից ստացած ռադիոածխածնային տվյալներն ասում են, որ Լեռնագոգը 7-րդ հազարամյակի է: Իսկ անակնկալը ճապոնացի գիտնականի համար այն էր, որ Լեռնագոգում ճարտարապետություն հայտնաբերվեց:

Լրահոս
Նախագահ Արմեն Սարգսյանն այցելել է հացադուլ հայտարարած կինոռեժիսորին Հայաստան Երբեք չմեռնես. Հովհաննես Գրիգորյան. մաս 1-ին Համերգային երեկո՝ նվիրված Հայկանուշ Դանիելյանին «Ինքներդ վրեժխնդիր մի՛ եղեք» Շերլոք Հոլմսի մասին պատմող բոլոր ստեղծագործությունները բնագրից առաջին անգամ թարգմանվել են հայերեն Հանձնվել է այլընտրանքային Նոբելյան մրցանակը Քամիները բոլոր․․․Ռազմիկ Դավոյան Մոցարտի «Ռեքվիեմ»-ը ներկայացվեց Գյումրու Սև բերդում Երաժշտությունն ամոքիչ ուժ ունի. Սերգեյ Սմբատյան Մոր աղոթքներն յուր երեխաների համար «Անվանի լուսանկարիչների մեծ մասը մասնագիտական կրթություն չունի» Մարդկային բարդ ու խճճված փոխհարաբերություններ՝ Էդգար Բաղդասարյանի «Էրկեն կիշեր» ֆիլմում Օրոր Մայր Հայաստանին Տաթևիկ Սազանդարյան․ Իմ Երևան Մի հացադուլի պատմություն Արարատ Սարգսյան. «Գյումրիում սիրելի անկյուններ կան, որտեղ սիրտդ ավելի արագ է խփում» Նոր նշանակումներ Եվրոպայում կանվանեն տարվա լավագույն ֆիլմը Հոգեհանգստյան արարողություն՝ 1988թ. երկրաշարժի զոհերի հիշատակին Այսօր 1988-ի երկրաշարժի 30-րդ տարելիցն է Գեղարդի վանքին տրամադրվել է ՅՈՒՆԵՍԿՕ-ի ուժեղացված պաշտպանության կարգավիճակ Վարդապետների մասին Գալյա Նովենց Մեկնարկեց սոցիալական նոր ծրագիր 1988 թ. երկրաշարժի 30-րդ տարելիցի առիթով Եղիշե Չարենց․ Նավզիկե Կհնչեն Ալեքսեյ Շորի ստեղծագործությունները Առնո Բաբաջանյանի կյանքում «բարի քեռին» Արամ Խաչատրյանն էր, իսկ ուսանող-դաշնակահարի դեպքում՝ Երեւանի կոնսերվատորիան Ջուզեպե Վերդիի հանրահայտ «Ռեքվիեմը» կրկին հայաստանյան բեմում է Ամենայն Հայոց Կաթողիկոսն իր օրհնությունը բաշխեց նորընծա վարդապետներին Կկատարվի հոգեհանգստյան արարողություն ի հիշատակ 1988 թ. երկրաշարժի զոհերի Ռուբեն Սևակ․ Երթալ․․․ Ռենտգենը՝ որպես արվեստ Ով է դառնալու թանգարանի ղեկավար՝ կրկին ոչ թումանյանագե՞տ Արթնություն և սթափություն Ձմեռային հեքիաթ»՝ Երևանի պատմության թանգարանում Ճշմարտության նահատակը «Սերն ու հավատարմությունը բացատրություն չունեն» Սպիտակի երկրաշարժի 30-րդ տարելիցին նվիրված միջոցառումներ՝ Գյումրիում, Վանաձորում և Սպիտակում Փակիր աչքերդ չերևաս
website by Sargssyan