USD
EUR
RUB

Երաժշտական դեգերումներ՝ Դանիել Երաժիշտի հետ

 
 

Ջութակահար, դիրիժոր, երաժշտագետ Դանիել Երաժիշտի հետ «Նարեկացի» միությունում հերթական հանդիպման թեման «Սուրբ Գրիգոր Նարեկացու «Հավիկ» տաղի «մեկնաբանություններն» էին՝ հայ կոմպոզիտորների արվեստում: Այս մասին տեղեկացնում է Panorama.am-ը։

«Այս ամենը նպատակ ունի ոչ միայն երաժշտության խորհրդաբանությունը բացահայտելու, գեղեցիկի, իդեալի հետ հաղորդվելու, նրա առաքելությունը ճանաչելու, այլև համաշխարհային երաժշտության համապատկերում հայկականի տեղը և դերը գիտակցելու ու արժևորելու»,- նշեց Դանիել Երաժիշտը:

Հանդիպման ծրագիրը հարուստ էր՝ Կոմիտաս, Էդգար Հովհաննիսյան, Վարդ Մանուկյան, Քիմ Քաշքաշյան, Աննա Մայիլյան, Նարեկացիական ընթերցումներ:

«Երաժշտական հանդիպում Դանիել Երաժշտի հետ» հերթական միջոցառումն ամփոփվեց կոմպոզիտոր Էդգար Հովհաննիսյանի՝ Նարեկացու «Հավիկ» տաղի հիման վրա ստեղծված 1-ին Սիմֆոնիայի ձայնագրության ունկնդրմամբ:

«Սա մեր սիրո և երախտագիտության յուրատեսակ արտահայտությունն է մեծ վարպետի ծննդյան օրվա կապակցությամբ»,- ասաց Դանիել Երաժիշտը:

Թեպետ, ըստ երաժշտագետի, կանայք առանձնապես չեն հաջողում արվեստի մեջ, սակայն կին կոմպոզիտորներից մեկը՝ Վարդ Մանուկյանը, այդ օրինաչափությանը չի ենթարկվում.

«Կանանց մեջ Բախ, Բեթհովեն հազվադեպ է հանդիպում. նախատեսված չէ: Ըստ հոգեբան Օտտո Վայնինգերի՝ կանանց մոտ երկու բան չի ստացվում՝ երաժշտությունը՝ կոմպոզիցիան, երաժշտություն ստեղծելը, և փիլիսոփայությունը, մնացած հարցերում կինը բարձունքների է հասնում: Մենք կնոջս հետ շատ ենք վիճում այս թեմայով, նա դեմ է Վայնինգերին, ինձ ասում է՝ լավ գիրք չէ, մի կարդա, մի օր էլ ասաց՝ գիտե՞ս ինչ, քո այդ Բեթհովենին էլ, Բախին էլ՝ իր ֆուգաներով, կին է բերել»:

«Դանիել Երաժիշտի հետ» հանդիպումների բովանդակությունը, օրակարգը երաժշտական արվեստն է՝ իր տարբեր ժանրային, ոճական և այլ դրսևորումներով։

Երաժշտագետը հանդիպման մասնակիցների դատին ներկայացրեց «Հավիկ» տաղի իր՝ բազմաձայն մշակումը: Այն կատարում է «Գանձեր» անսամբլի մենակատար Գևորգ Հունանյանը՝ ջութակով:

Իր համար ամենահուզիչ այդ պահից հետո դահլիճում տիրող լռությունը Դանիել Երաժիշտը կոտրեց կոմպոզիտոր Ռիխարդ Շտրաուսի կյանքից մի դրվագ պատմելով. «Երբ Ռիխարդ Շտրաուսը ներկայացնում էր իր «Էլեկտրա» օպերան, ավարտից հետո քար լռություն էր դահլիճում, կոմպոզիտորը սարսափեց, որ ոչ մի վերաբերմունք չկա, մտածեց՝ տապալված է ընդունելությունը, կարծեմ՝ Վիեննայում էր այդ ընդունելությունը: Նա ոտքի կանգնեց ու ամբողջ դահլիճով մեկ ասաց՝ ես չգիտեմ՝ դուք՝ ինչպես, բայց իմ օպերան ինձ դուր եկավ»:

«Նարեկացի» արվեստի միությունում Դանիել Երաժիշտի հետ հերթական հանդիպումը կլինի հունվարի 27-ին: Թեման՝ «Գյոթե-Մոցարտ» համադրությունը: Հանդիպման օրը պատահական չէ. այդ օրը նշվում է ավստրիացի նշանավոր կոմպոզիտոր Վոլֆգանգ Ամադեուս Մոցարտի ծննդյան 262-ամյակը:

Լրահոս
Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով Եզերքը Աիդ Անի Ամսեյան. Բանաստեղծություններ Անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան Եղիսե մարգարե Կյանքից հեռացել է ՀՀ ժողովրդական արտիստ, բեմադրիչ Ռաֆայել Ջրբաշյանը Երևանի պաստառային արվեստի պատմությունը՝ ցուցահանդեսում
website by Sargssyan