USD
EUR
RUB

Հայաստանում ԵՄ պատվիրակության ղեկավար․ «Միլիանավոր եվրոնոներ կուղղվեն մշակույթի ոլորտ»

 
 

Եվրոպական միության՝ Արևելյան գործընկերության «Մշակույթ և ստեղծարարություն» ծրագրի շրջանակներում հունվարի 17-ին Մարտիրոս Սարյանի տուն-թանգարանում կայացավ ծրագրի փակման արարողությունը: Միջոցառմանը ներկա էին Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին, ՀՀ մշակույթի նախարարի տեղակալ Ներսես Տեր-Վարդանյանը և Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը: Տիկին Սարիբեկյանը նշեց, որ ծրագրի նպատակն է ապահովել մշակութային եւ ստեղծարար ոլորտների աջակցությունը, ինչպես նաեւ նպաստել նրանց ներդրման մեծացմանը Հայաստանում, Բելառուսում, Ադրբեջանում, Վրաստանում, Մոլդովայում եւ Ուկրաինայում:

Ի դեպ, ծրագիրը կառավարում է Բրիտանական խորհրդի կողմից գլխավորող կոնսորցիումը՝ համագործակցելով Մոլդովայի Սորոսի հիմնադրամի, Լեհաստանի մշակույթի ազգային կենտրոնի և Գյոթե ինստիտուտի հետ: «Միջոցառման վայրը Սարյանի տուն-թանգարանն ընտրելը շատ խորհրդանշական է, այստեղ զետեղված են հայ մեծ գեղանկարչի գործերը: Սարյանը կտավների միջոցով առաջ է տանում այն գաղափարը, որ արվեստը միայն իրականության արտացոլումը չէ, այն նաեւ պահանջում է երեւակայություն, ազատ մտքի արտահայտման հնարավորություն, ինչն անհրաժեշտ է նաեւ ստեղծարար ոլորտի զարգացման համար:

Մշակույթ եւ ստեղծարարություն ոլորտն այսօր շատ մեծ դեր ունի հասարակության կենսունակության բարձրացման, ինչպես նաեւ տարբեր երկրների մշակույթների մերձեցման, երկխոսության համար: Շատ մեծ է այս ոլորտի նշանակությունը տնտեսության զարգացման համար»,-նշեց Արեւիկ Սարիբեկյանը: Պյոտր Սվիտալսկին կարեւորեց ԵՄ-Հայաստան համագործակցությունը` շեշտելով, որ այս տարի Եվրոպական Միությունը նշելու է Եվրոպական ժառանգության տարին. «Մշակութային ժառանգության տարի է հայտարարված, եւ կարեւոր կլինի, որպեսզի շեշտադրվի, թե Հայաստանն ինչ ներդրում է ունեցել Եվրոպական մշակույթի եւ ժառանգության զարգացման գործում: Հուսով եմ, որ այս ծրագիրը մեծ նպաստ ունեցավ, որպեսզի Հայաստանը դառնա նաեւ «Ստեղծագործ Եվրոպա» ծրագրի մասնակիցը: Լիահույս եմ, որ այս տարի Հայաստանն ի վերջո կիրականացնի անհրաժեշտ ձեւակերպումները ծրագրի մասնակիցը դառնալու համար: Իմ համոզմամբ, ստեղծարարությունը Հայաստանի, հայկական ինքնության կարեւոր եւ ուժեղ կողմերից մեկն է»:

Հայաստանում ԵՄ պատվիրակության ղեկավարը նշեց, որ Եվրամիությունը պատրաստվում է միլիոններ ուղղել մշակույթի ոլորտ. «Ւնձ թվում է այդ միլիոնավոր եվրոներն իրենց նպատակին կծառայեն: Հայաստանը տաղանդների երկիր է: Վստահ ենք, որ այդ տաղանդները կգտնվեն ոչ միայն ստեղծարար, այլեւ երկրի տնտեսական զարգացման ոլորտներում»: Հայաստանում «Մշակույթ և ստեղծարարություն» ծրագրի ազգային համակարգող Նորայր Երզնկյանը ներկայացրեց բոլոր հաջողությունները, որոնք գրանցվել են ծրագրի իրականացման արդյունքում: Նա նշեց, որ ծրագրի կայքի ստեղծման պահից ունեցել են 600000 այցելու, ամեն օր կայքը թարմացվել է Արեւելյան Գործընկերության բոլոր երկրների լեզուներով, ծրագրի ընթացքում թարգմանվել եւ հայերեն է տպագրվել երկու գիրք, ավելի քան 6000 մարդ ստացել է տարբեր առցանց դասընթացները հաղթահարելու վկայական եւ այլն, իսկ հայ մասնագետներից Անուշ Բեղլոյանը նույնպես դասախոսական թիմի կազմում է ներգրաված եղել: Անդրադարձ եղավ նաեւ «Ստեղծարար քաղաքներ ու մարզեր» նախաձեռնությանը: Մշակույթի փոխնախարար Ներսես Տեր-Վարդանյանի խոսքով, «Մշակույթ եւ ստեղծարարություն» ծրագիրը փաստեց, որ աշխարհի եւ մասնավորապես Եվրոպայի հետ երկխոսելու գլխավոր լեզուն Հայաստանի համար մշակույթն, ինչ վերաբերում է ստեղծարարությանը, այն մշակույթի նոր տեսակի զարգացման ուժ է:

Գոհար ՀԱԿՈԲՅԱՆ

Լրահոս
Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով Եզերքը Աիդ Անի Ամսեյան. Բանաստեղծություններ Անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան Եղիսե մարգարե Կյանքից հեռացել է ՀՀ ժողովրդական արտիստ, բեմադրիչ Ռաֆայել Ջրբաշյանը Երևանի պաստառային արվեստի պատմությունը՝ ցուցահանդեսում
website by Sargssyan