«Չէի ուզի, որ պստլոն շուտ ձեռքը տար մեկին». Գուրգեն Խանջյան

«Չէի ուզի, որ պստլոն շուտ ձեռքը տար մեկին». Գուրգեն Խանջյան

Արձակագիր Գուրգեն Խանջյանի «Տուր ձեռքդ, պստլո» վեպն այսօր ՀՀ նախագահ Սերժ Սարգսյանի կողմից արժանացավ ՀՀ պետական մրցանակի՝ գրականության և հրապարակախոսության ոլորտում։ Այս մասին տեղեկացնում է Panorama.am-ը։

«Վեպում կենսագրական մասը շատ է, այն մի քիչ երկար գրվեց՝ երեք տարում։ Մտորումների, մարսելու բաներ կային։ Չէի ուզի, որ պստլոն շուտ ձեռքը տար մեկին, քանի որ խոսքը մահվան մասին, որ վերջում գալիս ու խլում տանում է: Մենք, իմ կարծիքով, պստլոներ ենք»,- մրցանակը ստանալուց հետո լրագրողների հետ կիսվեց արձակագիրը։

Խանջյանի համար մրցանակն անակնկալ չէր. «Մի քանի անգամ դիմել եմ մրցանակի համար, ավելորդ համեստություն չանեմ, վեպը հավասարների մեջ գոնե առաջիններրի մեջ է ու հանձնաժողովը սա հարմար գտավ»:

Գրողը հայտնեց, որ առաջիկայում, բայց շուտ չէ, նոր վեպ կլինի, սկսել է արդեն աշխատել:

Հետևեք մեզ նաև Telegram-ում