USD
EUR
RUB

Բալետի պարուհու կոչումն ավելի քիչ քննարկվեց, քան Լոպեսի շոուի նրա տոմսը

 
 

Հատկապես վերջին շրջանում, բուռն խոսակցությունների առիթ է հանդիսացել մշակույթի ոլորտում կոչումների շնորհումը, որոշ արվեստագետների դեպքում էլ՝ կոչումի հետ մեկտեղ բնակարան նվիրելը:

Երբ 2017թ. Սյուզի Փիրումյանը, որը ավելի քան 15 տարի Ալ. Սպենդիարյանի անվան օպերայի եւ բալետի ազգային ակադեմիական թատրոնի առաջատար մենապարուհի է, արժանացավ ՀՀ վաստակավոր արտիստի կոչման եւ պետության կողմից բնակարան ստացավ, այդ թեմայով ավելի քիչ խոսվեց, քան այն մասին, որ արվեստագետը Արաբական Միացյալ Էմիրություններում ներկա է գտնվել Ջենիֆեր Լոպեսի շոուին, որի տոմսը նվեր էր ստացել:

«Առավոտի» հետ հանդիպման ժամանակ Սյուզի Փիրումյանը հավաստիացրեց, որ ամուսինը խաղարկության ժամանակ էր շահել տոմսը եւ միասին երեք անմոռանալի ու հագեցած օրեր են ապրել Դուբայում: Հավելեց նաեւ, թե արվեստում երբեք կուռք չի ունեցել, բայց մեկուկես ժամ տեւողությամբ նման շոուի հանդիսատես լինելը հեքիաթի էր նման: Շարունակելով «հեքիաթի» թեման, մեր զրուցակիցն ասաց, որ անցյալ տարի ավարտել է Երեւանի կինոյի եւ թատրոնի պետական ինստիտուտը (ՀՀ վաստակավոր արտիստ Նադեժդա Դավթյանի արվեստանոց)՝ որպես բալետմայստեր եւ Ավետ Տերտերյանի ու Էդգար Հովհաննիսյանի երաժշտությունների համադրմամբ դիպլոմային աշխատանք ներկայացրել Ղազարոս Աղայանի «Անահիտ» հեքիաթը:

«Բեմադրել ենք ես ու գործընկերս՝ ՀՀ վաստակավոր արտիստ Սեւակ Ավետիսյանը. «Անահիտը» երկուսիս դիպլոմային աշխատանքն էր: Իրականացրել ենք մեր թատրոնի արտիստների մասնակցությամբ, գլխավոր՝ Անահիտի եւ Վաչագանի դերապարերով էլ հանդես եկանք ես ու Սեւակը»,- ասաց արվեստագետը: Հետո էլ հավաստիացրեց, թե թատրոնի գեղարվեստական ղեկավարի տեղակալ Կարեն Շահինյանն ու գլխավոր բալետմայստեր Վիլեն Գալստյանն առաջարկել են «Անահիտը» ընդգրկել թատրոնի խաղացանկ:

«Այդ ժամանակահատվածում ես ու Սեւակն այնքան էինք սպառվել, որ միանգամից չարձագանքեցինք: Մյուս կողմից էլ՝ առաջին քննադատները լինելով մեր արվեստի հանդեպ, գուցե վերանայենք ու հավանաբար որոշ փոփոխություններ կատարենք»,- հավելեց պարուհին:

Մեր դիտարկմամբ՝ Սյուզի Փիրումյանը միակ արտիստն է, որը զբաղված լինելով խաղացանկային բոլոր ներկայացումներում, հանդես է գալիս միայն գլխավոր դերապարերով, կերտել է մեկը մյուսից տարբեր կերպարներ, այդ թվում՝ Կարմեն, Ջուլիետ, Կիտրին, Ժիզել, Ֆրիգիա, Գայանե եւ այլն: Աշխատել է թատրոնում բեմադրություններ իրականացրած բոլոր խորեոգրաֆների հետ՝ Մաքսիմ Մարտիրոսյանի, Ռուդոլֆ Խառատյանի, Վիլեն Գալստյանի, Հովհաննես Դիվանյանի, Նորայր Մեհրաբյանի, Յուրի Գրիգորովիչի, Արմեն Գրիգորյանի եւ այլն, բալետային խմբի կազմում հանդես է եկել ՌԴ քաղաքներում, Եգիպտոսում, Թուրքիայում, Սիրիայում, ԱՄԷ-ում եւ այլուր: Հիմա էլ դարձյալ խմբի հետ պատրաստվում է մեկնել Մալայզիա, որտեղ կներկայացվեն հատվածներ տարբեր ներկայացումներից: Վաստակավոր արտիստը կմարմնավորի Մաշային՝ Չայկովսկու «Շչելկունչիկ», Ֆրիգիային եւ Գայանեին՝ Խաչատրյանի «Սպարտակ» ու «Գայանե» բալետներում: Դիտարկմանը՝ վաղուց մեզանում «ավանդույթ» է դարձել, որ երեխաները ժառանգում են ծնողների մասնագիտությունը, Սյուզի Փիրումյանը «արդարացավ». «Տղաս՝ Ալեքսը, ուսանում է Երեւանի պարարվեստի քոլեջում: Այդպես էլ պետք է լիներ, որովհետեւ մեծացել է կուլիսներում: Դուստրս՝ Անին, դեռ փոքր է, բայց արդեն լուսանկարչի խորհրդով ինձ հետ մասնակցել է ֆոտոսեսիաների…»:

ՍԱՄՎԵԼ ԴԱՆԻԵԼՅԱՆ

 

Լրահոս
Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով Եզերքը Աիդ Անի Ամսեյան. Բանաստեղծություններ Անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան Եղիսե մարգարե Կյանքից հեռացել է ՀՀ ժողովրդական արտիստ, բեմադրիչ Ռաֆայել Ջրբաշյանը Երևանի պաստառային արվեստի պատմությունը՝ ցուցահանդեսում
website by Sargssyan