USD
EUR
RUB

Վիրահայոց թեմի առաջնորդը մասնակցեց «Կրոնները Վրաստանում» ցուցահանդեսի բացմանը

 
 

2018 թվականի հունվարի 30-ին,Վրաստանի Ազգային թանգարանում բացվեց «Կրոնները Վրաստանում» խորագրով ցուցահանդես, որը համատեղ նախաձեռնել էին Վրաստանի Կրոնի հարցերով պետական գործակալությունը և Ազգային թանգարանը: Այս մասին տեղեկացնում է armchurch.info-ն։

Ցուցահանդեսին ցուցադրված էին Վրաց Ուղղափառ Եկեղեցու և երկրում գործող տարբեր կրոնական համայնքների հանդերձանքը, գրականությունը և ծիսական արարողությունների պարագաները: Ցուցահանդեսն ունի ինչպես ճանաչողական, այնպես էլ տեղեկատվություն մատուցելու նպատակ, նպաստելու է տարբեր կրոնների միջև համագործակցության զարգացմանը և հասարակության գիտակցության բարձրացմանը:

Ցուցահանդեսի բացմանը ներկա էին Վրաստանի խորհրդարանի, կառավարության անդամներ, դիվանագիտական կորպուսի և կրթական գերատեսչությունների ներկայացուցիչներ, Վրաստանում գործող տարբեր կրոնական դավանանքների առաջնորդներ, հոգևոր և աշխարհիկ պաշտոնյաներ:

Միջոցառմանը իր օրհնաբեր ներկայությունն էր բերել Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը:

Ցուցահանդեսը բացեց Կրոնի հարցերով պետական գործակալության նախագահ Զազա Վաշախմաձեն: Վերջինս կարևորեց երկրի հասարակությանը Վրաստանում գործող տարբեր կրոնական ուղղություններին և նրանց յուրահատկություններին ծանոթացումը, կրոնների առանձնահատկությունների և գործունեության մասին ճիշտ իրազեկումը:

Վրաստանի Մշակույթի նախարար Միխեիլ Գիորգաձեն, Ազգային թանգարանի տնօրեն Դավիթ Լորթքիփանիձեն և ներկա կրոնական կազմակերպությունների ներկայացուցիչները բարձր գնահատեցին հանդուրժողականության ոգով հագեցած ցուցահանդեսի բովանդակությունը, ցուցանմուշների ճիշտ ընտրությունը և երկրի կրոնական հազվագյուտ բազմազանության ցուցադրումը: Բանախոսների կողմից միանշանակ ընդգծվեց «Կրոնները Վրաստանում» ցուցահանդեսի կարևորությունը և որ այն կնպաստի Վրաստանում կրոնական հանդուրժողականության և փոխադարձ հարգանքի միջավայրի խորացմանը:

Ցուցահանդեսի կազմակերպումը ողջունեց նաև Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը: Թեմակալ առաջնորդը ընդգծելով Վրաստանի բազմազգ և բազմակրոն լինելը, արժևորեց Վրաց Ուղղափառ և տարբեր կրոնների միջև համագործակցության և փոխադարձ հարգանքի խորացմանը նպատակաուղղված Կրոնի գործակալության արգասաբեր գործունեությունը, արժևորեց սույն ցուցահանդեսի կազմակերպումը, որը բացի էական նշանակությունից, ունի նաև երիտասարդությանը և աճող սերնդին հարգանքի և համագործակցության ոգով դաստիարակելու նպատակ:

Ցուցահանդեսի բացման հանդիսությանը Վիրահայոց թեմի առաջնորդին ընկերակցում էին Քվեմո Քարթլիի տարածաշրջանի Բոլնիսի և Թեթրիծղարոյի շրջանների հայության հոգևոր հովիվ, արժանապատիվ Տեր Հուսիկ քահանա Հարությունյանը, Իրավական հարցերի և համագործակցության բաժնի տնօրեն Միքայել Ավագյանը և վարչա-տնտեսական բաժնի տնօրեն Կարեն Երիցյանը:

Լրահոս
Ուրարտուի արվեստը կներկայացվի Բրիտանական թանգարանում Սեն Հովհաննիսյանը` Արա Գյուլերի հետ հանդիպման ու նրա հումորի մասին Հող հայրենի Ամենասուրբ Երրորդութեանն Լևոն Խեչոյան․ Այգին «Աշխարհին ապացուցել եմ, որ ես էլ ես եմ» «Հին ու նոր Երևան»՝ նվիրված Երևանի 2800-ամյակին Սբ. Հովհան Մանդակունի․ Անասնամոլների, իգամոլների և արվամոլների մասին Ինչպես լուսանկարչության գագաթը հայտնվեց Արարատի գագաթին Պատվավոր «Օսկարի» դափնեկիրները Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին
website by Sargssyan