Times.am | Դավիթ Մինասյանը Արամ Մանուկյանի՝ իր էսքիզի քննարկումների մասին․ «Նորմալ եմ համարում, չեմ նյարդայնանում»
USD
EUR
RUB

Դավիթ Մինասյանը Արամ Մանուկյանի՝ իր էսքիզի քննարկումների մասին․ «Նորմալ եմ համարում, չեմ նյարդայնանում»

 
 

Aravot.am-ը քանդակագործ Դավիթ Մինասյանից հետաքրքրվեց` ինչպե՞ս է վերաբերվում Արամ Մանուկյանի իր քանդակի էսքիզի շուրջ եղած բուռն քննարկումներին, որոնք հատկապես սոցցանցերում են ծավալվել:

«Չգիտեմ ինչը կարող է դուր չգալ մարդկանց, բայց եթե աշխատանքը, որը էսքիզի փուլում է, կիսատ է, բայց հրապարակել ու քննարկվել է, չեմ ուզում մեկնաբանել: Ժամանակը կգա, կհանդիպեմ, կզրուցեմ բոլոր նրանց հետ, ովքեր ցանկություն կունենան, սոցցանցում ես չեմ ուզում ոչինչ քննարկել, որովհետեւ քննարկումը ճիշտ չէ, երբ արվում է Ֆեյսբուքում` առանց մարդու դեմքին նայելու»,-ասաց նա: Ապա հավելեց. «Քննարկումների մեջ վատ բան չեմ տեսնում, ուղղակի առայժմ լուրջ մասնագիտական քննադատություն, ադեկվատ վերլուծություն շատ քիչ եմ տեսել: Ժամանակը կգա՝ կքննարկենք, բայց ոչ Ֆեյսբուքում, այլ ուրիշ դաշտում, դա կարող է լինել արվեստանոցը, որեւէ ակումբ եւ այլն»: 

Դավիթ Մինասյանին նաեւ հարցրինք` արվեստի մարդկանցից ո՞վ է դրական արտահայտվել կամ քննադատական կարծիք հայտնել էսքիզի վերաբերյալ: «Շատ կարծիքներ եմ լսել: Ինչպե՞ս կարող էի լուրջ աշխատանքի մրցույթի մասնակցել առանց արվեստագետների գնահատականների, առանց ադեկվատ, նորմալ մարդկանց կարծիքները հաշվի առնելու: Շատ լավ ընկերների, կոլեգաների հետ քննարկումներ են եղել, բացասական կարծիքներ էլ են հնչել, դրական կարծիքներ էլ, լսել ու ամեն ինչ հաշվի եմ առնել: Իսկ այն, ինչ հիմա է կատարվում, որեւէ դրական կամ բացասական էմոցիա չի առաջացնում ինձ մոտ, ես ընդամենն աշխատում եմ, ժամանակը կգա, բոլորի հարցերին կպատասխանեմ: Աղմուկն արհեստական է, մեկը մի բան գրել է, մյուսն ասել է` վայ, էս ինչ լավ թեմա է…Իմ ձեւակերպմամբ, սա աղմուկ է ոչնչից: Նույնիսկ քննարկում եղավ, թե իրավունք ունե՞ր ավագանու անդամը դա հրապարակել… Այո, եթե արվեստանոցից դուրս է եկել էսքիզը, գնացել է քաղաքապետարան, արդեն հանրայնացվել է: Բայց կարծում եմ, որ պետք է քաղաքապետարանի կառույցներում այնպես արվեր, որ եթե դա հրապարակվում էր, ամբողջական փաթեթը հրապարակվեր, որը մրցույթի ժամանակ լուրջ ձայների է արժանացել: Չէ՞ որ միայն տեսնելով չի աշխատանքի ընտրությունը»:

Քանդակագործն ասաց, որ չի ցանկանում մտնել անպտուղ բանավեճերի մեջ, քանի որ աշխատում է եւ ժամանակ չունի. «Ժամանակը ցույց է տվել, որ բոլոր քննադատված գործերն էլ հետո հանրության հավանությանն են արժանացել: Այնպես որ, հիմա ժամանակը չէ այդ թեմայով խոսելու…Փետրվարի 13-ին ավագանու նիստով նոր պետք է ընդունվի, դեռ չի ընդունվել… Այնպես որ, կարիքը չկար նման քննարկումների»: Նրա խոսքերով, «Ֆեյսբուքն էլ գործիք է, ինչպես մուրճը կամ մատիտը, եւ այդ գործիքը կարելի է ինչպես լավ, այնպես էլ վատ նպատակով կիրառել: Այս դեպքում…նորմալ եմ համարում, չեմ նյարդայնանում: Կուզենայի, որ դա լիներ ավելի լուրջ, պատկերավոր, տեղեկատվություն ունենալուց հետո»: Դավիթ Մինասյանը նաեւ հավելեց, թե առանց տեղեկատվություն ունենալու, զուտ հույզերի հիման վրա չի կարող այս ամենն իր դեմ պատվեր որակել:

Գոհար ՀԱԿՈԲՅԱՆ

Լրահոս
Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները Նահապետ Քուչակ. Հայրեններ Հավատալ հասկանալու համար «Սոուլի թագուհի» Արետա Ֆրանկլինը մահամերձ է 1 վայրկյանում՝ 10,3 վանկ. Էմինեմը գերազանցել է ռեփ կարդալու սեփական ռեկորդը Ավստրալիայում 457 երաժիշտ միաժամանակ նվագել է Highway to Hell-ը Հարություն Խաչատրյանը նախագահում է «Պատուհան դեպի Եվրոպա» կինոփառատոնի «Կոպրոդուկցիա» ծրագրի ժյուրին Բաց փակուղի Բրեդ Փիթը կարծում է, որ Անջելինա Ջոլին «զզվելի» է վարվել՝ հանրայնացնելով իրենց ամուսնալուծության մանրամասները Ամեն ինչ անելու ենք, որ մինչ 2018-ի դեկտեմբեր տեղի ունենա Ամենափրկիչ եկեղեցու բացումը մեր խնայողությունների հաշվին. Լիլիթ Մակուն Բոտիչելլիի Վեներայի առեղծվածի նոր բացահայտումը «Ել,ել» Եսասեր հսկան «Եվրատեսիլ-2019»-ի անցկացումը վտանգի տակ է. երգի մրցույթը կարող է Իսրայելից այլ երկիր տեղափոխվել «Խաղացողը». Քըրք Քըրքորյանի մասին պատմող գիրքը ներկայացվեց Վանաձորում
Ամենաընթերցված
website by Sargssyan