USD
EUR
RUB

Գեղեցկությունը կապ չունի, ռոյալն է մեղավոր»

 
 

Հարցազրույց գերմանացի երիտասարդ դաշնակահարուհի Կատարինա Թրոյթլերի հետ

– Օրիորդ Թրոյթլեր, «Առավոտի» հետ ձեր առաջին հանդիպումն է, բայց հայ հանդիսատեսի հետ՝ երրորդը: 2016թ. Հայաստանի ազգային ֆիլհարմոնիկ նվագախմբի տնօրինության «խիստ» ընտրության արդյունքում հրավեր ստացաք մասնակցելու նվագախմբի հիմնադրման 60-ամյակին նվիրված համերգաշրջանին: Հետաքրքիր է՝ ընդունո՞ւմ եք ցանկացած հրավեր…

– Հազվադեպ եմ ասում ոչ: Ձեր նվագախմբի եւ ունկնդրի հետ առաջին հանդիպումից հետո հասկացա, որ իսկապես բծախնդիր հանդիսատես ունեք եւ նվագախումբ, որի երաժիշտները ոչ միայն բարձրակարգ են, այլեւ նվիրված՝ երբեք ժամին չեն նայում: Ինձ հետաքրքիր է նաեւ աշխատել տարբեր դիրիժորների հետ, օրինակ՝ այս անգամ չինացի Ջեյմս Փ Լիուն է, նախորդ անգամ՝ հայկական նվագախմբի գլխավոր դիրիժոր Էդուարդ Թոփչյանը… Եվ հետո՝ ոչ միայն Հայաստան, այլեւ տարբեր երկրներ մի քանի անգամ հյուրախաղերի գնալիս նոր ծրագիր եմ ներկայացնում: Երեւանում առաջին անգամ Ռախմանինովի երկրորդ կոնցերտն էր, հետո՝ Բրամսի առաջինը, այս անգամ՝ Մոցարտի 12-րդը:

– Նախընտրում եք նվագախմբերի՞ հետ, թե՞ կամերային ելույթները:

– Մենահամերգներիս ոչ միայն թիվը, այլեւ աշխարհագրությունն է ավելի մեծ. Ամերիկայի, Եվրոպայի, Ասիայի երկրներ: Գարնանը Լիոնի հայ համայնքի կողմից ունեմ մենահամերգի հրավեր: Չգիտեմ, գուցե դրան նպաստել է Հայաստան այցելություննե՞րս… Այդ առիթով տուն վերադառնալուց հետո որոշել եմ անմիջապես «դիմել» Արամ Խաչատրյանի ստեղծագործություններին: Նվագախմբերը շուրջ տասն են, սկսած եվրոպական, ասենք՝ Լոնդոնի սիմֆոնիկից մինչեւ Հայաստանի ֆիլհարմոնիկը:

– Մրցույթների մասնակցության առումով ռեկորդակիր եք, ավելին՝ մշտապես արժանացել եք առաջին մրցանակի ու բազմաթիվ հատուկ մրցանակների…

– Չեմ կարծում, թե շատ մրցույթների եմ մասնակցել. դրանք ընդամենը վեցն են: Բայց կառանձնացնեի հատուկ մրցանակները, որոնց շնորհիվ մասնակցել եմ նաեւ վարպետության դասընթացների, օրինակ՝ հանրահայտ անուններ Արի Վարդիի, Միխայիլ Վոսկրեսենսկու, Մատտի Ռաեկալլիոյի, Մարգուլիսի, Ռադոսի, Դմիտրի Բաշկիրովի, Էրիկ լը Սաժի եւ այլ հայտնի երաժիշտների ղեկավարությամբ:

– Երիտասարդ արվեստագետի համար ձեր ստեղծագործական կենսագրությունը շա՜տ հարուստ է: Ձեր գեղեցկությունը «դերակատարում» ունի՞ այդ հարցում:

– Հարցի ենթատեքստը հասկացա: Բոլոր ժամանակներում մշակույթի տարբեր ոլորտների հայտնի դեմքերի կենսագրություններից, ընդ որում՝ թե կանանց եւ թե տղամարդկանց, իհարկե, տասնամյակներ անց բացահայտվում է նրանց «ոչ ստեղծագործական» գործունեությունը: Ընդ որում, այդ հարցում որոշիչ չէ կնոջ գեղեցկությունը: Չկարծեք, թե խուսափում եմ կոնկրետ պատասխանից: Բայց իմ դեպքում հարուստ կենսագրությանս «մեղավորը» ռոյալն է… 

ՍԱՄՎԵԼ ԴԱՆԻԵԼՅԱՆԸ

Լրահոս
Ուրարտուի արվեստը կներկայացվի Բրիտանական թանգարանում Սեն Հովհաննիսյանը` Արա Գյուլերի հետ հանդիպման ու նրա հումորի մասին Հող հայրենի Ամենասուրբ Երրորդութեանն Լևոն Խեչոյան․ Այգին «Աշխարհին ապացուցել եմ, որ ես էլ ես եմ» «Հին ու նոր Երևան»՝ նվիրված Երևանի 2800-ամյակին Սբ. Հովհան Մանդակունի․ Անասնամոլների, իգամոլների և արվամոլների մասին Ինչպես լուսանկարչության գագաթը հայտնվեց Արարատի գագաթին Պատվավոր «Օսկարի» դափնեկիրները Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին
website by Sargssyan