USD
EUR
RUB

Արմեն Ամիրյանի հանձնարարականների մեծ մասն այսօր վերաբերվում էր Արցախին

Ստեփանակերտի թատրոնի շենքի նորոգումն Արցախի հետ համագործակցության ամենակարևոր գործն է այս պահին. նախարար Արմեն Ամիրյանն այսօր թռուցկաժողովում տեղակալ Արև Սամուելյանին հանձնարարեց կարճ ժամկետում գնահատել վերանորոգման աշխատանքի ծավալը, կազմել նախահաշիվը, ինչից հետո կորոշվի ֆինանսավորման համար դրամահավաքի եղանակը։

Վերանորոգումն արվելու է մասնավոր ընկերությունների, անհատների նվիրատվություններով։

Հայաստանի մշակույթի նախարարության ՊՈԱԿ-ներն Արմեն Ամիրյանի հանձնարարությամբ մեկ ամսվա ընթացքում պետք է որևէ միջոցառում իրականացնեն՝ լավ կազմակերպված գովազդով, իսկ տոմսերի վաճառքից ստացված հասույթն ուղղեն Ստեփանակերտի թատրոնի շենքի նորոգմանը։

Մյուս կողմից, յուրաքանչյուր ամսվա ընթացքում ՀՀ մշակույթի նախարարության առնվազն մեկ ստեղծագործական խումբ ( ՊՈԱԿ) պետք է հյուրախաղեր ունենա Արցախի որևէ բնակավայրում. «Պրն Պողոսյա′ն, Ձեր հսկողությամբ»,- տեղակալ Արթուր Պողոսյանին դիմեց նախարարը։

Նախարար Ամիրյանը երկօրյա այցով Արցախի Հանրապետությունում էր, որտեղ իր պաշտոնակից Սերգեյ Շահվերդյանի հետ փետրվարի 3-ին պատմամշակութային ժառանգության պահպանության համագործակցության հուշագիր ստորագրեց.

« Այն, ինչ ընդգրկված է հուշագրին կից գործնական ծրագրում, ընդամենը շատ փոքր մասն է այն ամենի, ինչ կարող ենք անել ամբողջ այս տարվա ընթացքում»,- Երևանում խորհրդակցությանն այսօր նախարարության աշխատակիցներին փոխանցեց նախարարը՝ շարադրելով կոնկրետ այլ հանձնարարականներ նույնպես՝

. Ստեփանակերտի թատրոնի կոլեկտիվին ՀՀ մշակույթի նախարարությունը Ղարաբաղի բարբառով ներկայացում է պատվիրում. կազմել նախահաշիվը և ներկայացնել ֆինանսավորման,

. Հայաստանի և Արցախի ջազային խմբերի, անհատ կատարողների համատեղ համերգների կազմակերպում՝ Գորիսից մինչև Ստեփանակերտ ( հարավով՝ մինչև Երևան, և հյուսիսով՝ մինչև Ստեփանակերտ),

. օտարերկրյա հյուրախաղերում ընդգրկել Արցախի խմբերին կամ կատարողներին,

. մայիս ամսին կազմակերպել Համահայկական նվագախմբի ելույթը նաև Արցախում,

. Հայաստանի հարավային բնակավայրերում պետական ստեղծագործական խմբերի այս տարվա բոլոր ելույթները պետք է շարունակվեն Արցախում,

. Արցախի բոլոր թանգարանների, հնավայրերի շուրջ տեղեկատվությունը պետք է ներառվի այն բոլոր ծալաթերթերում ու գովազդային գրքույկներում, որոնք հրատարակում և տարածում են ՀՀ մշակույթի նախարարությունը, նրա ՊՈԱԿ-ները,

. ուսումնասիրել Հայաստանի ազգային պատկերասրահում Այվազովսկու գործերի ժամանակավոր ցուցադրությունը միառժամանակ Ստեփանակերտ կամ Շուշի տեղափոխելու հնարավորություններն ու պայմանները,

. կազմակերպել հայկական Գորգի փառատոն Ստեփանակերտում, հնարավորության դեպքում՝ միջազգային,

.ամռանը հայաստանցի և արցախցի նկարիչների պլեներ կազմակերպել Ստեփանակերտում։ Բոլոր հանձնարարականներն ունեցան պատասխանատու հասցեատերեր և կատարման հստակ ժամկետներ։

ՀՀ Մշակույթի նախարարություն

Լրահոս
Մայր Աթոռ Ս. Էջմիածնում սկսվեց Գերագույն հոգևոր խորհրդի ժողովը Դավիթ Սահակյանցի «Կենաց Ծառը» Պիկասոյի նկարի տակ նոր շերտ է հայտնաբերվել Բարի իրիկուն Բեռլինալեում Բրեյվիկի մասին ֆիլմ է ցուցադրվել Նամակը, որը քեզ երբեք չի հասնելու Սերժ Սարգսյանն ասել է, որ Հայաստանում պետականածին ու պետական ինստիտուտների, քաղաքացու ու պետության կապի, բանակի մասին վեպեր չեն գրվում Հայաստանյան Կլոր սեղան հիմնադրամը շարունակում է մասնագիտական դասընթացները սիրիահայերի համար Ջազային ջութակահար Դիդիե Լոքվուդը վախճանվել է Ասա ինչ գիրք են նվիրում քեզ, ասեմ ինչ են սպասում քեզնից Փոքրիկ ընթերցողին ներկայացվեց Թումանյանի «Հեքիաթներ» ժողովածուն Տարեկան աղոթքի օրը` նվիրված թեմի շաբաթօրյա և կիրակնօրյա դպրոցների ուսուցիչներին «Նվեր զինվորին» գրքի նվիրատվության ակցիան մեր տոնավաճառի մեխն է դարձել. Ռուզան Տոնոյան Արտավազդ Փելեշյանը ցանկություն ունի ֆիլմ նկարահանելու Երվանդ Քոչարի մասին Երևանի կոնսերվատորիայում տարածաշրջանում առաջինը Ինովացիոն ակուստիկ լաբորատորիա կստեղծվի Քշիշտոֆ Պենդերեցկի․ «Սա իմ կյանքի վերջին 20-30 տարիների ընթացքում ինձ նվիրված մեծագույն փառատոներից մեկն էր»։ Բամբասանքի մեղքը Հայկ Պետրոսյան․ «Սասունցի Դավիթը մի քիչ դմբո էր, Փոքր Մհերն էլ վերջում խռովեց ժողովրդից» Ծովաստղիկս Մայրը Ամենայն Հայոց Կաթողիկոսը ցավակցագիր է հղել Իրանի նախագահին Քրիստոնեական հանդիմանություն Արտաքսման կիրակի (Մեծ պահքի Երկրորդ կիրակի) «Պենդերեցկու այցելությունը Հայաստան մշակութային մեծ իրադարձություն է»․ Լեհաստանում ՀՀ դեսպան Էդգար Ղազարյան Թանկյանի՝ 5,000 ԱՄՆ դոլարանոց մրցանակի հաղթողներն են Ամենայն Հայոց Կաթողիկոսն ընդունեց ՀՀԿ-ի կողմից նախագահի թեկնածու առաջադրված Արմեն Սարգսյանին Լինել, թե չլինել Արարատ Բեռլինի փառատոնում «Դովլաթով» ֆիլմը ծափահարություններով է ընդունվել Ամենայն հայոց բանաստեղծի ծննդյան օրը կներկայացվի նրա հեքիաթների ժողովածուն Արարատին Հասմիկի ճաշը Նուռը Քարե վարդ Սիրեցի ինչպես հեռացածին… Քո լռությունը թթվածին է Ճապոնական մոտ 70 միլիոն յենի դրամաշնորհով կվերականգնվեն ու կպահպանվեն Հայաստանի հնագիտական գտածոները Սանկտ-Պետերբուրգում երիտասարդ Ստալինի մասին ներկայացում կբեմադրվի Կյանքի իմաստի մասին Նոր Ծաղիկ
website by Sargssyan