Times.am | Ս. Վարդանանց տոնին նվիրված հանդիսություն Մայր Աթոռ Սուրբ Էջմիածնում
USD
EUR
RUB

Ս. Վարդանանց տոնին նվիրված հանդիսություն Մայր Աթոռ Սուրբ Էջմիածնում

 
 

Փետրվարի 8-ին, Մայր Աթոռ Սուրբ Էջմիածնում տեղի ունեցավ Ս. Վարդանանց զորավարների տոնին նվիրված հանդիսություն, որին ներկա էին Մայր Աթոռի միաբաններ, Գևորգյան հոգևոր ճեմարանի և հայաստանյան տարբեր կրթական հաստատությունների սաներ: Այս մասին տեղեկացնում է ter-hambardzum.net-ը։

Միջոցառումը բացվեց Տերունական աղոթքով, որից հետո հնչեցին ՀՀ և ճեմարանի օրհներգերը: Բացման խոսքով հանդես եկավ Գևորգյան հոգևոր ճեմարանի տեսուչ Հոգեշնորհ Տ. Գարեգին վարդապետ Համբարձումյանը:

Ճեմարանի տեսուչը գոհունակությամբ արձանագրեց, որ Ն.Ս.Օ.Տ.Տ. Գարեգին Բ Ամենայն Հայոց Հայրապետի օրհնությամբ ավանդույթ են դարձել Երևանի պետական համալսարանի ուսանողների և հոգևոր ճեմարանի սաների համատեղ ջանքերով Վարդանանց տոնին կազմակերպվող հանդիսությունները:

Անդրադառնալով օրվա խորհրդին Հայր Սուրբն ի մասնավորի նշեց. «Տոնական այս օրը մեզ, մեծ պատերազմում ընկած Սուրբ Վարդանին և նրա քաջարի զինակիցներին, մեր կյանքում վերարժևորելու հնարավորություն է ընծայում: Հերոսական անցյալն ու պատմությունը մեր մեջ, որպես հավելյալ երկրորդ սիրտ բաբախելու միջոցով մեզ տալիս է հնարավորություն ինքնավստահ ու փորձառու դեմ հանդիման կանգնել մերօրյա բազմադեմ մարտահրավերներին ու գայթակղություններին: Այո՛, գայթակղությունը մեծ էր ուրանալու հայրենիքը, հավատքը, Քրիստոսին ու նվաստացյալ, բայցև բարեկեց կյանք ունենալ օտարի անտանելի լծի տակ: Սակայն Վարդանանք ընտրեցին պահել իրենցը, իրենց դիմագիծն ու հայրենիքը, թեև փոքր ածու, բայց լի աստվածատուր այն բնորոշիչներով, որոնց համար հարյուր տարի առաջ հայ ազգը կրկին պայքարեց ու հաղթեց: Շուրջ երեսուն տարի առաջ պայքարեց ու հայրենատեր դարձավ դարեր ի վեր հայոց եկեղեցիների ու վանքերի ղողանջով սրբված պատմական Խաչեն գավառին` հայոց Արցախ աշխարհին: ….Խիզախությունը ոչ թէ վախի բացակայությունն է, այլ հաղթանակը դրա հանդեպ, ինչպես ապրիլը մեզ ամենքիս ի ցույց դրեց հայորդյաց ոգու օրինակով:

Հիրավի, որպես ժառագներ խնկելի քաջերի, այսօր մեզ մնում է լինել այնքան քաջ, որ երբեք ամեն բան օտար նորարարի ու ժամանակակիցի կեղծ լույսի ներքո չառնի հայի դարավոր փորձառությամբ և իմաստությամբ մեզ ավանդված արժեքների տեղը»:

Վերջում Հայր Սուրբը ճեմարանի տեսչական, դասախոսական, ուսանողության և ներկաների անունից շնորհավորեց Վեհափառ Հայրապետին անվանակոչության ուրախալի օրվա առիթով՝ մաղթելով քաջառողջ կյանքի բյուրավոր օրեր` անսասանորեն հովվելու համայն հայոց ազգը:

Հանդիսության մասնակիցներին ողջունեց նաև ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր, տ. գ. թ. Ռուբեն Մարկոսյանը:

«Վարդանանց պատերազմում սուրբ նահատակների արյան գնով ձեռք բերված բարոյական հաղթանակը մեր ազգի ինքնության խորհրդանիշն է: Այն սրբագործեց մեր ժողովրդի ազգային, կրոնական կյանքն ու բարոյական նկարագիրը: Վարդանանց տոնը, հիրավի, հայրենասիրության և ոգու առկայության դրսևորում է: Ոգեկոչելով, արժևորելով մեր հերոսների սխրանքը՝ փորձում ենք այն օրինակ դարձնել նոր սերնդի համար, որն ապրում է նոր կյանքով, նոր նպատակով, նոր տեսիլքով և նոր հեռանկարներով: Մեր համալսարանում և, վստահ եմ, Հայաստանի գրեթե բոլոր բարձրագույն ուսումնական հաստատություններում այսօր ունենք նոր Վարդաններ»,- ասաց պրն. Մարկոսյանը՝ հավելելով, որ ազգ-բանակ հայեցակարգի համատեքստում համալսարանների կամարներից ներքո իրականացվում են հայրենաճանաչողական, հոգևոր և ռազմահայրենասիրական տարբեր ծրագրեր:

Այնուհետև Ս. Վարդանանց սխրանքի մասին բանախոսություն կարդաց Երևանի պետական համալսարանի Հայաստանի հարակից երկրների պատմության ամբիոնի վարիչ, դասախոս պ. գ. դ., պրոֆեսոր Հայրապետ Մարգարյանը:

Ցերեկույթի ընթացքում Վարդանանց խորհրդին նվիրված հոգևոր ու հայրենասիրական երգերով և ասմունքով ելույթ ունեցան Գևորգյան հոգևոր ճեմարանի և Երևանի պետական համալսարանի ուսանողները:

Ավարտին իր պատգամն ու օրհնությունը ներկաներին բերեց Մայր Աթոռի Հոգևոր-կրթական բարձրագույն հաստատությունների վերատեսուչ Գերաշնորհ Տ. Գևորգ եպիսկոպոս Սարոյանը:

Սրբազան Հայրը, շնորհակալություն հայտնելով ներկաներին և միջոցառման աջակիցներին, նշեց, որ Երևանի պետական համալսարանի և Գևորգյան հոգևոր ճեմարանի միջև ձևավորված այս գեղեցիկ ավանդությունը, ձևավորվելով իր պաշտոնավարման սկզբում, շարունակվում է առ այսօր: «Իմ խորին համոզմամբ հայի քրիստոնեական ինքնությունը հիմնված է երեք պատմական իրադարձությունների վրա. դրանք են Հայոց դարձը, Գրերի գյուտը և Վարդանանց հերոսամարտը:

Պատմությունը ցույց է տվել, որ սրանք շարունակվող իրադարձություններ են մեր կյանքում, և այս իրադարձությունների համագումարից է ծնվել ազատության, սեփական «ես»-ի համար պայքարի ոգին: Եվ մեր պարտականություն է` վառ պահել այդ պայքարի ոգին մեր մեջ և փոխանցել հաջորդող սերունդներին»,- նշեց Գևորգ Սրբազանը:

Հանդիսությունն ավարտվեց «Պահպանիչ» աղոթքով:

Լրահոս
Ո՞ւր, հոգիս Բոլոր խնդիրները ձեր հաղորդագրության մեջ չեն տեղավորվի. «Ծիրանի ծառ» փառատոնի տնօրեն ԱՄԵՆԱՅՆ ՀԱՅՈՑ ԿԱԹՈՂԻԿՈՍՈՒԹՅԱՆ ԹԵՄԱԿԱՆ ԿԱՌՈՒՑՎԱԾՔԸ 1995-2018 ԹԹ. Ի՞նչ է նշանակում Հաղորդություն «Քրիստոնյա Հայաստան» երկշաբաթաթերթը լույս է ընծայել բացառիկ՝ նվիրված Հայաստանի առաջին Հանրապետության և Սարդարապատի հերոսամարտի 100-ամյակներին Հայտնի հայազգի գործարարի թանգարանն անվանել են Պորտուգալիայի լավագույն մշակութային կենտրոնը Ստեղծվել է Երևանի հիմնադրման 2800-ամյակին նվիրված միջոցառումները նախապատրաստող հանձնաժողով Միքայել Պողոսյան․ Խոսքեր Պարույր Սևակին Ինձանից այնքան ես բացակա եղել Ջրերի վրայով քայլողը Ծառատակի խնձորը նոր ջրհեղեղ է… «Շնորհակալություն մեր երջանիկ մանկության համար». «Սոյուզմուլտֆիլմ»-ը 2 հոլովակ է հրապարակել՝ նվիրված մանկագիր Ուսպենսկիի հիշատակին Հարվածել Եկեղեցուն կնշանակի վերացնել այլասերման տարածման հիմնական արգելքը. Արշակ եպիսկոպոս Խաչատրյան Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները
Ամենաընթերցված
website by Sargssyan