USD
EUR
RUB

«Ագենտի հիվանդությամբ չեմ տառապում»

 
 

Հայտարարում է սոպրանո Դիանա Հարությունյանը

Ալ. Սպենդիարյանի անվան օպերայի եւ բալետի ազգային ակադեմիական թատրոնի 85-ամյա պատմության ընթացքում մտաբերում ենք միայն մեկ բեմադրություն (եթե չենք սխալվում), որ ներկայացված լինի միջազգային փառատոնի, այն էլ Իսպանիայի Մերիդա քաղաքում անցկացվող օպերային արվեստի հեղինակավոր փառատոնում: Խոսքը Դոնիցետիի «Պողիկտոս» օպերայի մասին է, որը 1993թ. բեմադրել է Տիգրան Լեւոնյանը (բեմադրող դիրիժոր՝ Օհան Դուրյան): Այն հիշյալ միջազգային փառատոնին ներկայացվեց 1998թ., իսկ 2017թ. աշնանը Ժաննա Թամիզյանի կողմից վերականգնվեց (դիրիժոր՝ Հարություն Արզումանյան):Այս բեմադրությունը 1995թ. ներկայացվել է նաեւ Մեծ թատրոնում:

Ժամանակին «Առավոտն» անդրադարձել է վերականգնված «Պողիկտոսին»: Այս անգամ կրկին անդրադարձն այդ օպերային ստիպեց վերջերս կայացած ներկայացումից հետո մեներգիչների երկրորդ կազմին մասնագետների բարձր կարծիքը: Հատկապես այն, որ թե նախկինում եւ թե վերականգնված ներկայացմանը Պաոլինայի դերերգով հանդես եկած թատրոնի պրիմադոննա Անահիտ Մխիթարյանի կողքին նույն դերերգով փայլել է սոպրանո Դիանա Հարությունյանը: Նշենք նաեւ, որ երկրորդ կազմում դարձյալ առաջին անգամ հանդես եկող Պերճ Քարազյանի (Պողիկտոս), Դավիթ Բաբայանցի (Սեւերո), Պողոս Բեազբեկյանի (Կալիստեն) մասին մասնագետները նույնպես հնչեցրին հիացմունքի խոսքեր:

Կարելի է պատկերացնել երգչուհու հոգեվիճակը, երբ հանձնարարվում է մի դերերգ, որը ժամանակին ունեցել է հիանալի մեկնաբաններ՝ հանձինս Անահիտ Մխիթարյանի եւ Հասմիկ Հացագործյանի: Թեպետ Դիանա Հարությունյանը հանդես է եկել նաեւ Նորմայի դերերգով՝ Բելինիի համանուն օպերայում, որով 1970-ականների կեսերից սկսած փայլել է սոպրանոների մի ողջ համաստեղություն, այդ թվում՝ Գոհար Գասպարյանը, Անահիտ Մխիթարյանը, Հասմիկ Պապյանը եւ ուրիշներ: Նման դեպքերում ինչպե՞ս է կատարողին հաջողվում հաղթահարել, ասենք, հոգեբանական դժվարությունները: Այս հարցին ի պատասխան՝ Դիանա Հարությունյանն ասաց. «Հարգանքով եմ վերաբերվում կոլեգաներիս, յուրաքանչյուրն իր տեսակի մեջ է ներկայացնում կերպարը: Ինչ վերաբերում է «Պողիկտոսում» կերտածս Պաոլինային, աշխատել եմ երբեք չհամեմատվել, զուգահեռներ չանցկացնել այլոց հետ, քանի որ վստահ եմ՝ նման դեպքում «կխեղճացնես» ինքդ քեզ: Իմ ձայնը լիրիկո դրամատիկ սոպրանո է, հետեւաբար, այն այլ հնչողություն ունի»:

Դիանա Հարությունյանի առաջին դերերգը 2009թ.-ին էր, Դոնա Էլվիրան՝ Մոցարտի «Դոն Ժուանում»: Երգչուհուն հանդիպել ենք նաեւ երկրորդական դերերգերով՝ Վերդիի օպերաներում. «Տրավիատայում»՝ Անինա, «Տրուբադուրում»՝ Ինես: Խաչատրյանի «Դիմակահանդես» բալետում էլ երգչուհին վոկալիզով հնչեցնում է Նինայի ձայնը:

Երկրորդական դերերգերի մասին երգչուհին իր կարծիքն ունի. «Փոքր դերերգերի վրա աշխատելիս աճ ես արձանագրում, դրանք հաճախ հանդիսանում են կամրջակ՝ գլխավորներին հասնելու համար: Կոնկրետ իմ դեպքում՝ գլխավոր եւ երկրորդական դերերգ հասկացություններ չկան»: Զրույցի ընթացքում երգչուհուն հիշեցրինք, որ դեռեւս ուսանողական տարիներին մասնագետները մեծ ապագա էին խոստանում, նա մեկը մյուսի հետեւից մասնակցում էր մրցույթների, այդ թվում՝ Թամար Շահնազարյանի, Տաթեւիկ Սազանդարյանի, Գոհար Գասպարյանի անվան, 2008թ. Վիեննայում էլ առաջարկ էր ստացել ճանաչված մենեջերական կազմակերպության կողմից: Այս առիթով սոպրանոն հաստատեց, որ Վիեննայում ինքը համագործակցության առաջարկ է ստացել մի ագենտի կողմից, բայց իր տեւական հիվանդության պատճառով համագործակցությունը չի կայացել: Շեշտեց նաեւ. «Ագենտի հիվանդությամբ չեմ տառապում»: Թատրոնի մեներգչուհին խոսելով մոտ ապագայի իր ծրագրերից, ասաց, որ երկուսը՝ Աիդան եւ Լեոնորան պատրաստ են, որից հետո կսկսի աշխատել Տոսկայի դերերգի վրա:

ՍԱՄՎԵԼ ԴԱՆԻԵԼՅԱՆ

Լրահոս
ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով Եզերքը Աիդ Անի Ամսեյան. Բանաստեղծություններ Անհրաժեշտ է Երեւանի կոնսերվատորիայում էլ բացել էլեկտրոնային ակադեմիական երաժշտության դասարան Եղիսե մարգարե Կյանքից հեռացել է ՀՀ ժողովրդական արտիստ, բեմադրիչ Ռաֆայել Ջրբաշյանը Երևանի պաստառային արվեստի պատմությունը՝ ցուցահանդեսում Նուռը հայկական ավանդության մեջ Մեղա «Ջավախքը» ՌԴ-ից վերադարձել է մեդալներով և Գրան Պրիով Եվ ուրիշ ոչի՞նչ Այսուհետև բջիջներն ու վիրուսները նույն կարգավիճակն ունեն Եվ դու՞, Մեսչյան Մանթաշևի տունը դրվել է վաճառքի․ «Թբիլիսիի հայերի միությունը» կոչ է անում փրկել այն․ aliq.ge Ռոտերդամի միջազգային կինոփառատոնի առանցքային ծրագրերից մեկը նվիրվելու է Սերգեյ Փարաջանովին Արամի 23-ի հարցը բարդացել է, որովհետև իր բնականուն հունով չի ընթացել. Ա. Գրիգորյան Որբուկը Լևոն Խեչոյան․ Հայրս Ամենայն հայոց կաթողիկոսի խոսքը Ազգային Ժողովի 7-րդ գումարման անդրանիկ նիստի առիթով «Երջանիկ ենք հայկական «մոզաիկայի» հարստությամբ» «Մադրիդցիներն աշխարհում» ճանապարհորդական հեռուստանախագիծը եղել է Հայաստանում …տեղի է ունեցել Սուրբծննդյան տոներին Եթե դարբին ես, ձեռքերիդ ցավը չպիտի վախեցնի Ամենայն Հայոց Կաթողիկոսն այցելել է Եռաբլուր «Պետք է հրաժարվել թատրոն հանդիսատես «բերման ենթարկելու» վատ սովորույթից». Տիգրան Վիրաբյան ԵՊՀ-ում շուրջ 2 ամիս տևած ուսումնասիրության արդյունքները ուղարվեց դատախազություն. Սանասարյան Դանիել Վարուժան․ Անդաստան Աղոթք եկեղեցու և ժողովրդի համար Խնդրում են անհրաժեշտ միջոցներ ձեռնարկել դատարանի վրա կոռուպցիոն ներգործությունը կանխելու ուղղությամբ «Գիրքն արդիական է այնքան, որքան աղոթքն առ Աստված» Հայաստանի և Բելառուսի մշակույթի նախարարությունների միջև 2019-2022թթ. փոխգործակցության ծրագիր է ստորագրվել Վրաստանի եկեղեցին կճանաչի Ուկրաինայի ուղղափառ եկեղեցին Հացը Ճաճարակի ձեռագիր ավետարանը բուժման կարիք ունի Ամանորի եւ Սբ. Ծննդյան տոների արարողությունների ժամանակացույցը «Այդ միտքը դառնում է կինո կամ տիեզերանավ» Ամենայն Հայոց Կաթողիկոսն ընդունեց Տավուշի թեմից ժամանած պատանի ուխտավորներին Սերգեյ Բեզռուկովը՝ տարվա լավագույն դերասան Քաղցը՝ քաղցկեղ Սպիները
website by Sargssyan