USD
EUR
RUB

Մայր Աթոռ Սուրբ Էջմիածնում տոնախմբվեց Տեառնընդառաջը

 
 

Փետրվարի 14-ին Հայաստանյայց Առաքելական Սուրբ Եկեղեցին նշեց Տեառնընդառաջի տոնը: Տերունական տոնի կապակցությամբ Միածնաէջ Մայր Տաճարում մատուցվեց Ս.Պատարագ: Պատարագիչն էր Մայր Աթոռի Ս. Էջմիածնի միաբան Հոգեշնորհ Տ. Կոմիտաս վարդապետ Հովնանյանը:

Իր քարոզում Հայր Սուրբը, անդրադառնալով օրվա խորհրդին, ներկայացրեց Մանուկ Հիսուսին ընդառաջ դուրս եկած Սիմեոն ծերունու կերպարը:

«…Արդարությունը կերակուր չէ, որ ճաշակես, արդարությունը հոգևոր արժեք է, որ պիտի կարողանաս արժևորել էությանդ մեջ այնպես, ինչպես Սուրբ Գիրքն է ասում՝ Աստծո նման արդար եղեք, որովհետև Տերը սուրբ է:

Տեսնում եք, սիրելինե՛ր, Տեառնընդառաջն այլ իմաստ ունի մեզ համար, որովհետև յուրաքանչյուր երևույթի հիշատակությունը գալիս է մեզ համար ապրելակերպի դաս լինելու, որպեսզի մենք հասկանանք, թե ինչպիսի՛ն ենք պարտավոր լինել:

Ինչու՞ հանճարեղ եղավ Սիմեոն ծերունին, որովհետև առաջին մեկ վարկյանից նրա ամբողջ կյանքի իմաստն էր լինել արդարության ջահակիր, աստվածային իմաստության ջահակիր», – ասաց Հայր Կոմիտասը:

Հայր Սուրբը հորդորեց ներկաներին նմանվել Սիմեոն ծերունուն: «Կատարյալ հավատացյալը պետք է լինի իմաստուն, հանճարեղ, զորություն ունեցող, գիտության և աստվածպաշտության ռահվիրա հանդիսացող անձ: Ահա, սա է Տեառնընդառաջի գաղափարը, սա է, որ գալիս է մեզ դաս տալու, որովհետև բոլորդ այսօր մի Սիմեոն ծերունի եք, եկել եք ընդառաջ մեր Տիրոջը, բայց ի՞նչ հոգով և ի՞նչ զգացումով: Որքա՞ն են մաքուր ձեր ձեռքերը, հոգիներն ու մտքերը: Որքա՞ն եք կարողացել ձեր մեջ քրիստոնեական արդարությունը ապրեցնել: Որքա՞ն եք կարողացել ինչ-որ տեղ իրականացնել «Ես սուրբ եմ, դուք էլ սուրբ պիտի լինեք» աստվածային հրամանը: Ահա, այստեղ է, որ արժևորվում է իրապես Տեառնընդառաջի տոնակատարությունը…:

Տերը կծագի այնտեղ, որտեղ քո ճշմարիտ հավատքն է, որտեղ քո մաքրությունն ու ազնվությունն է, որովհետև այդտեղ է, որ ապրում է Աստված», – ընգծեց Հայր Սուրբը:

Վերջում Հայր Սուրբն ամենքին մաղթեց, որ սիրով լինեն միմյանց նկատմամբ, որովհետև ուր սեր է, այնտեղ Աստծո օրհնությունն է:

Հավարտ Սուրբ Պատարագի, հանդիսապետությամբ Գերաշնորհ Տ. Մուշեղ եպիսկոպոս Բաբայանի, կատարվեց նորապսակ զույգերի օրհնության կարգ, որին մասնակցեցին նաև նորապսակ միաբան սարկավագները:

Սկզբնաղբյուր՝ armchurch.info։

Լրահոս
Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում
website by Sargssyan