USD
EUR
RUB

Երևանի կոնսերվատորիայում տարածաշրջանում առաջինը Ինովացիոն ակուստիկ լաբորատորիա կստեղծվի

 

Կոնսերվատորիայի ռեկտոր Շահեն Շահինյանը մանրամասներ է հայտնում

«Առավոտին» հետաքրքրեց Երեւանի Կոմիտասի անվան պետական կոնսերվատորիայի www.conservatory.am կայքում տեղադրված տեղեկատվությունը՝ «Ինովացիոն ակուստիկ լաբորատորիայի» ստեղծման աշխատանքներն իրականացվում են նորարարությունների մրցակցային հիմնադրամի շրջանակներում:

Միջազգային նման ծրագրերը հիմնականում ենթադրում են ոչ թե երաժշտական, այլ համալսարանական բարձրագույն կրթության բաղկացուցիչ մաս: Այս նորարարության առիթով պարզաբանում խնդրեցինք կոնսերվատորիայի ռեկտոր, պրոֆեսոր Շահեն Շահինյանից: Մեր զրուցակիցը նշեց, որ տարածաշրջանում սա առաջին նման լաբորատորիան է եւ նման նորարարությունն առաջին հայացքից իսկապես դժվար ընկալելի է երաժշտական բնագավառում, մասնավորապես՝ կրթական: Հետո էլ ասաց. «Ծրագիրը նախաձեռնել ենք Համաշխարհային բանկի հետ, որը կնպաստի մեր բուհի մագիստրատուրայի կատարողական բաժնի ուսանողների կարողությունների եւ հմտությունների զարգացմանը: Այս լաբորատորիան հնարավորություն է տալիս մեկ սենյակի սահմաններում ստանալ տարբեր հնչողություն, ընդ որում՝ ստեղծված է նաեւ ձայնագրման ստուդիա, որը «կմարզի» ուսանողի կատարողական արվեստը, որպեսզի ցանկացած համերգասրահում՝ լինի 100 կամ 3000 հանդիսատեսի համար նախատեսված կամ ցանկացած պայմաններում, առավել մրցունակ լինի: Ընդ որում, լավագույն ուսանողների համար ձայնագրություններ կատարելու անվճար հնարավորություն է սա»: Հավելեց նաեւ, թե նման գերժամանակակից պայմանները խթան են մեր արվեստի տարածմանն ու միջազգայնացմանը:

Պարոն Շահինյանը հայտնեց նաեւ, թե վերոնշյալ ծրագրի շրջանակներում կոնսերվատորիան ձեռք է բերել եվրոպական արտադրության գործիքներ եւս (ռոյալ, տավիղ, կոնտրաբաս, գոսեր):

Հետաքրքրությանը, թե իրենց ինչպես հաջողվեց հասնել նման եզակի հաջողության, մեր զրուցակցի պատասխանը հետեւյալն էր. «Բուհերն ընդհանրապես հույսը պետք է դնեն ոչ միայն պետական ֆինանսավորման վրա, այլեւ աշխատանքներ տանեն միջազգային ծրագրերի միջոցով ֆինանսներ հայթայթելու ուղղությամբ, օրինակ՝ եվրոպական բուհերը վաղուց են ընտրել այդ ճանապարհը: Եվ վերջապես, մենք էլ Եվրասիական կրթական համակարգում ենք… Կան նաեւ ուսանողների եւ դասախոսների փոխանակման ծրագրեր…»: Իսկ «փոխանակման» ծրագրերի մասնակցե՞լ են հարցին՝ մեր զրուցակիցը պատասխանեց. «Եվրոպական տարբեր կրթական կառույցների հետ մեր բուհն այս պահին երեք տարբեր ծրագրերում է ընդգրկված: Մեր ժամանակներում դա նույնիսկ պարտադիր է ու անհրաժեշտ՝ դասախոսների եւ ուսանողների շփման լայն դաշտ ունենալու համար: Ասածս վերաբերում է մասնավորապես կատարողական արվեստում տեղեկացված լինելուն, որպեսզի իրացվես եվրոպական մասնագիտական շուկաներում: Մոտ օրերս չորս դասախոս կմեկնի Բարսելոնա՝ դասընթացների»:

Ռեպլիկին՝ փաստորեն, ամեն ինչ հարթ է ընթանում, պարոն Շահինյանը պատասխանեց. «Ուսանողների հետ կապված՝ այո, իսկ դասախոսները ունեն լեզվի հետ կապված խնդիրներ: Բանն այն է, որ նրանք պետք է տիրապետեն երեք լեզվի՝ անգլերեն, գերմաներեն, ֆրանսերեն»:

Ռեկտորին հայտնեցինք մեզ հետ զրույցում Պենդերեցկու տիկնոջ՝ Էլժբետա Պենդերեցկայի հիացական կարծիքը հայկական կատարողական արվեստի, մասնավորապես՝ երգչախմբերի ու նվագախմբերի մասին: «Պենդերեցկու երաժշտության երեւանյան փառատոնը միանշանակ իրադարձություն է մեր երկրի համար, թեեւ մաեստրոն 11 տարի է, ինչ տարբեր առիթներով այցելում է Հայաստան, Երեւանը համարելով իր երկրորդ տունը: Բոլորիս համար, մասնավորապես՝ կոնսերվատորիայի, մեծ պատիվ է, քանի որ պետական երաժշտական կոլեկտիվները, որոնք մասնակցում են փառատոնին՝ բացառապես մեր կոնսերվատորիայի շրջանավարտներ են»,- ասաց Շահեն Շահինյանը:

ՍԱՄՎԵԼ ԴԱՆԻԵԼՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
website by Sargssyan