USD
EUR
RUB

Ցավն այնքան սարսափելի էր, որ ինձ թվում էր՝ կզրկվեմ ձեռքերից. Տիգրան Նալչաջյա

 

«Արթնացիր». հենց այսպես է կոչվում ռեժիսոր, դերասան Տիգրան Նալչաջյանի նոր ֆիլմը, որը հեղինակը հանրությանը կներկայացնի մարտի 1-ից: Ֆիլմի նկարահանման աշխատանքներն արդեն ավարտվել են: Երիտասարդ հերոսներով երիտասարդական այս ֆիլմը, հեղինակի խոսքով, բազմաժանր է` կառուցված դրամայի շուրջ:

«Այս պատմությունն ինձ գրավեց նրանով, որ քաղաքային պատմություն է թե՛ իր ոճով, թե՛ դերասաններով, թե՛ սցենարով տարբերվում է մեր շուկայում առկա ֆիլմերից, և կարծում եմ՝ բազմաժանրության շնորհիվ գրավիչ կլինի ցանկացած տարիքի հանդիսատեսի համար: Սյուժետային շատ բացահայտումներ անել չեմ կարող, սակայն կասեմ, որ ֆիլմում կան հետաքրքիր շրջադարձեր, իրադարձություններ, պայքար, սեր, և այդ ամենի կենտրոնում երիտասարդ հերոսներն են, ովքեր սյուժեով կապված են իրար հետ: Ֆիլմն ունի դաստիարակչական նշանակություն, քանի որ լավն ու վատը ներկայացված է այնպես, որպեսզի վատը օրինակելի չդառնա», - Aysor.am-ի հետ զրույցում մանրամասնեց Տիգրան Նալչաջյանը:

Նա հանդես է գալիս ոչ միայն որպես սցենարիստ և ռեժիսոր, այլ նաև որպես գլխավոր դերակատար՝ մարմնավորելով երիտասարդ և հաջողակ ճարտարապետի, ում կյանքի ընթացքը փոխվում է իրադարձությունների պատճառով:

«Հերոսներից յուրաքանչյուրն ունի իր ճանապարհը, որը հագեցած է մեծ խոչընդոտներով ու դժվարություններով: Իմ հերոսը պատրաստվում է ամուսնության առաջարկություն անել իր նշանածին, սակայն դեպքերի ընթացքը կտրուկ փոխվում է… Կերպարիս նշանածին մարմնավորում է երիտասարդ և տաղանդավոր դերասանուհի Միլենա Ավանեսյանը: Մյուս գլխավոր դերը խաղում է իմ գլխավորած դերասանական դպրոցի սան Օֆելյա Հարությունյանը, ում համար սա առաջին դերն էր կինոյում, սակայն, վստահաբար ասում եմ, որ հանդիսատեսի մոտ կստեղծվի տպավորություն, թե նա ունի տարիների մեծ փորձ: Առաջին քայլերն արել է իմ գլխավորությամբ, շարունակում է հաճախել ստուդիա և նրա խաղի գլխավոր պատասխանատուն հենց ես եմ, որովհետև նրա հետ երբեք ուրիշ դասախոս և ռեժիսոր չի աշխատել: Ֆիլմում նկարահանվել են նաև դերասանուհիներ Մարգարիտա Հունանյանը, Աննա Գևորգյանը, իմ ստուդիայի շրջանավարտ Ադամ Կարապետյանը և ստուդիայի սան Լիլյա Գևորգյանը, ով նույնպես մեծ պոտենցիալ ունի», - ընդգծեց մեր զրուցակիցը:

Դիտարկմանը՝ սովորաբար ռեժիսորները նախընտրում են իրենց աշխատանքներում վաստակաշատ դերասանների ներգրավել՝ ֆիլմն առավել ճանաչելի դարձնելու նպատակով, նկատեց.

«Կան ճանաչված անտաղանդներ, ովքեր միտում չունեն զարգանալու և սովորելու, աշխատասեր չեն: Եվ հակառակը` կան հանդիսատեսի համար դեռևս անհայտ, սակայն տաղանդավոր երիտասարդներ: Ես, որպես ռեժիսոր, միանշանակ, երկրորդի կողմնակիցն եմ: Իսկ առհասարակ ինձ հետաքրքրում է դերասանի համապատասխանությունը դերին` թե՛ արտաքնապես, թե՛ իր ներքին հնարավորություններով: Անկախ նրանից՝ ճանանաչված է, թե ոչ, միշտ պատրաստ եմ համագործակցել իրենց մեջ արվեստ կրող դերասանների հետ: Իմ ֆիլմում կտեսնեք խոսքերիս ապացույցը»:

1 ժամ 30 րոպե տևողությամբ ֆիլմի նկարահանումներն իրականացվել են Երևանում և հարակից վայրերում: Սա ռեժիսորի երկրորդ լիամետրաժ աշխատանքն է, հեղինակ է նաև մի քանի կարճամետրաժ ֆիլմերի:

«Սա շատ լուսավոր ֆիլմ է, թեև հուզիչ տեսարաններ ունի, սակայն ընդհանուր առմամբ ամեն ինչ տանում է դեպի դրականը: Օֆելյայի մարմնավորած կերպարը` Անին, հենց այդ դրականի շարժիչ ուժն է ֆիլմում: Նշեմ, որ սաունդթրեյքերը «Նեմրա» խմբինն են, որն էլ ավելի է գեղեցկացնում մեր ֆիլմը: Ի դեպ, երաժշտություններից երկուսի հեղինակն էլ ես եմ… Ինչ վերաբերում է տեղանքին՝ մանրակրկիտ աշխատանք ենք կատարել: Ոչ մի պատահական վայրում չի եղել նկարահանում, ամեն ինչին շատ մանրակրկիտ մոտեցում ենք ցուցաբերել, որպեսզի չտուժի ֆիլմի կադրային և նկարչական մասը, ինչը ես շատ եմ կարևորում», - նշեց նա:

Ֆիլմի նկարահանման մեկնարկը տրվել է նախորդ ձմռանը: Ռեժիսորը խոստովանեց՝ նկարահանման ընթացքը հեշտ չի եղել, բայց դա բնական է, նկարահանման հրապարակում դժվարությունները միշտ էլ առկա են:

«Դրանք լինում են տարաբնույթ, սակայն արդյունքում հարթվում են: Ինձ համար կարևորը վերջնարդյունքն է: Բայց կմանրամասնեմ մեկ դրվագ. քանի որ ֆիլմն իր մեջ ներառում է ինչպես ձմեռային հատված, այնպես էլ ամառային` նկարահանել սկսեցինք անցած ձմռանը և շարունակեցինք ամռանը: Մեր բախտը բերեց, որ անցյալ տարի իսկական ձմեռ եղավ և շատ գեղեցիկ տեսարաններ ստացվեցին: Ու հենց այդ տեսարաններից մեկում էլ, որտեղ ես պետք է նկարահանվեի ձյան մեջ պառկած, ձեռքերս այնպես էին փայտացել, ու ցավն այնքան սարսափելի էր, որ ինձ թվում էր, թե կզրկվեմ ձեռքերից: Դա անցած ձմռան ամենացուրտ օրն էր», -Aysor.am-ի հետ զրույցը եզրափակեց Տիգրան Նալչաջյանը:

Հեղինակ՝ Նելլի Մարգարյան

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
website by Sargssyan