USD
EUR
RUB

Հուշարձանները վերականգնող կազմակերպություններից վեցի գործն ուղարկվել է դատախազություն

 
 

2018-ին հուշարձանների ուսումնասիրման ( այդ թվում՝ պեղումների) նախագծման և վերականգնողական աշխատանքի մրցույթները հայտարարված են: Լրագրողների հետ հանդիպմանն այսօր հայտարարեց մշակույթի նախարար Արմեն Ամիրյանը:

Պայմանագրով շինարարների առջև պայման է դրված շինհրապարակներում տեղադրել առնվազն երեք տեսախցիկ՝ աշխատանքի ընթացքին նաև առցանց (նախարարության կայքէջի միջոցով) 24 ժամ հետևելու հնարավորություն ապահովելու նպատակով:

Անցյալ տարի իրենց աշխատանքում թերացած շինարարական կազմակերպություններ են եղել, նրանց հնարավորություն է տրվել մինչև հունիսի մեկը շտկելու բոլոր թերությունները:

«Խախտումներ են արձանագրվել վեց շինարարական կազմակերպությունների մասով: Նախարարությունը նրանց հետ սկսել է բանակցություններ: Վերջնական որևէ արդյունքի չի հասել, և գործն ուղարկվել է դատախազություն: Շուրջ 65 միլիոն դրամի խախտում է արձանագրվել, և այժմ իրավապահները զբաղվում են այդ հարցով»,-մանրամասնեց նախարարը:

Ամիրյանին նաև մտահոգում է որակյալ կադրերի պակասն ու հուշարձանների հանդեպ քաղաքացիական ոչ պատշաճ վերաբերմունքը:

« 24 հազար գրանցված հուշարձան ունենք հանրապետությունում: 24 հազար պահակ, բնականաբար, չենք կարող կանգնեցնել: Չափազանց կարևոր է հասարակության ուշադրությունը: Այդ ուշադրությունը պետք է սևեռված լինի մեր պատմամշակութային հուշարձաններին»,-ասաց նախարարը:

Ասուլիսի մյուս բանախոս փոխնախարար Արև Սամուելյանի խոսքով, պեղումներ իրականացնելու մրցույթ է հայտարարվել երեք հուշարձանների մասով՝ Ամբերդ ամրոցը, Լոռի բերդ համայնքի միջնադարյան ամրոցը(այս տարվա նախագիծը վերաբերում է մասնավորապես բաղնիքին), Նուռնուսի 13-րդ դարի եկեղեցին:

«Պեղման, նախագծման և վերականգնման աշխատանքներ կիրականացվեն Դվին հնավայրում, ինչպես նաև Արտաշատ պատմական մայրաքաղաքի տարածքում: 2011 թվականին այստեղ բացվել է չափազանց արտառոց մի խճանկար: Վերջինի վերականգնման և ամրակայման աշխատանքն ավարտելուց հետո խճանկարի կրկնօրինակը կցուցադրվի Հայաստանի պատմության թանգարանում: Մենք երազում ենք, որ մեր անտիկ Դվինն ու Արտաշատը՝ Պոմպեյների նման, հետագայում դառնան մի վայր, որտեղ զբոսաշրջիկները կծանոթանան մեր մայրաքաղաքների հարուստ պատմությանը»,-ասաց Արև Սամուելյանը:

Նախարարությունը հեռուստաընկերություններից մեկի հետ ծրագրում են նկարահանել սերիալ՝ նվիրված Դվինի պեղումներին ու հնագիտական արշավախմբին: 2018-ի ընթացքում կիրականացվի հուշարձանների պեղման՝ երեք, նախագծման՝ հինգ և վերականգնման տասն աշխատանք:

2018-ին վերականգնման աշխատանքները կշարունակվեն նաև Քոբայրավանքում, Սանահինի վանական համալիրում, Գոշավանքում, Կոտայքի մարզի Սոլակ համայնքի Մայրավանք, Շիրակի մարզի Հոռոմ համայնքի Սուրբ Հռիփսիմե և Սյունիքի մարզում գտնվող Սուրբ Գևորգ եկեղեցիներում: Բյուջեով նախատեսված տասը միլիոն դրամը կհատկացվի տարվա ընթացքում հրատապ միջամտություն պահանջող հուշարձանների վերականգնմանը:

Պատմության և մշակութային հուշարձանների պահպանության գործակալության պետ Արմեն Աբրոյանի տվյալներով, 2017-ին բյուջեով նախատեսված 250 միլիոնից 199 միլիոն 457 հազար դրամը ծախսվել է հուշարձանների վերականգնման, 11 միլիոն 275 հազար դրամը՝ նախագծման և ուսումնասիրման աշխատանքներ իրականացնելու նպատակով: Խնայված 17 միլիոնը վերադարձվել է պետական բյուջե:

Սկզբնաղբյուր՝ Panorama.am:

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan