USD
EUR
RUB

Ստեփանակերտը կունենա եկեղեցի, որն իր ձևով կհիշեցնի միաժամանակ Զվարթնոցի ու Հռիփսինեի տաճարները

 
 

2006 թվականից մեկնարկած Ստեփանակերտի Աստվածամոր սբ. Հովանի տաճարի շինարարությունը գտնվում է ավարտական փուլում: 12 տարի տևող շինարարական աշխատանքները նախատեսվում է ավարտել այս տարվա աշնանը, իսկ եկեղեցու օծումը նախատեսված է հոկտեմբերի 1-ին: Այժմ շինաշխատանքները շարունակվում են եկեղեցու գմբեթի և զանգակատան տանիքի կառուցման վրա: Եկեղեցին ունենալու է 35 մետր բարձրություն:

Aravot.am-ի հետ զրույցում Արցախի թեմի առաջնորդ Պարգև արքեպիսկոպոս Մարտիրոսյանը ասաց, որ եկեղեցու կառուցման համար բացի խոշոր նվիրատուներից, իր մասնակցությունն է ունենում նաև ժողովուրդը. «Նվիրատվություն են կատարում խոշոր բարերարներից մինչև թոշակառու տատիկներ, արցախցիներ և ոչ արցախցիներ. մի տեսակ համաժողովրդական է»:

Նրա խոսքով եկեղեցին իր ճարտարապետական ոճով հիշեցնում է Զվարթնոցի տաճարը, մի քիչ էլ Հռիփսիմե եկեղեցին` կարծես թե լինելով երկուսի ձուլումը:

Արքեպիսկոպոս Մարտիրոսյանը նշեց, որ Ստեփանակերտը ունեցել է ավելի վաղ ժամանակներում կառուցված եկեղեցի. «Ներկայիս դրամատիկական թատրոնի մուտքի մասում նախկինում եղել է Սբ. Գևորգ եկեղեցին, որին կից եղել է նաև երկդասյա հոգևոր դպրոց: Սակայն 1936 թվականին քանդվել է և կառուցվել ներկայիս թատրոնի շենքը»:

Վերջում նորից անդրադառնալով եկեղեցու կառուցմանը` նա նաև պատմեց մի դեպք, որում ըստ իրեն Աստծո նախախնամություն կա: «Ինչն է հետաքրքիր, երբ նախկին նախագահ Արկադի Ղուկասյանի հետ եկել էինք եկեղեցու կառուցման վայրը որոշելու, այդ պահին տարածքում երկու տարեց մարդիկ կային` շուրջ 90 տարեկան: Հետաքրքվեցին, թե ինչ ենք անում: Ստանալով մեր պատասխանը` նրանցից մեկը մի պահ խորհեց ու ասաց, որ իր տատիկը պատմում էր` այդտեղ փոքրիկ բազիլիկ Աստվածածին եկեղեցի է եղել (այժմ եկեղեցու հյուսիս արևմտյան մասում): Իսկ մենք այդ մասին չգիտեինք: Աստծո նախախնամությամբ ընտրեցինք նույն տեղը և նորից Աստվածածին ենք կառուցում»,- պատմեց Արցախի թեմի առաջնորդը:

Դավիթ ԱԲԱՂՅԱՆ

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan