USD
EUR
RUB

Քաջ դերձակը

 
 

Աշխատանքից հետո աղքատ դերձակը պատրաստվում է ընթրել: Սեղանին է դնում մի քանի սալորները, որոնց վրա իսկույն հարձակվում են ճանճերը: Դերձակը մի հարվածով սատկացնում է յոթին: Համարելով սա իսկական սխրանք, գոտի է կարում, որի վրա գրում է. «Մեկ հարվածով սպանում եմ յոթին»: Գնում է մեծ աշխարհ, որպեսզի բոլորն իմանան իր փառքի մասին: Ճանապարհին հանդիպում է հսկայի, որին իր բարեկամությունն է առաջարկում: Սակայն հսկան նախ փորձում է դերձակին: Հսկան վերցնում է քարը և սեղմում է այն: Քարից ջուր է հոսում: Դերձակը սեղմում է գրպանից հանած պանրի կտորը և հասնում է նույն արդյունքին: Հսկան քար է նետում երկինք: Քարը կորչում է տեսադաշտից, սակայն որոշ ժամանակ հետո վերադառնում է: Դերձակը երկինք է նետում գրպանում պահած թռչնակին, որը վեր է խոյանում և այլևս չի վերադառնում:

Հսկան բերում է դերձակին յուրայինների մոտ: Նրանք ապրում են քարանձավում: Գիշերով հսկաները, որոշելով սպանել իրենց հյուրին, երկաթե մահակ են շուռ տալիս դերձակի մահճակալի վրա: Սակայն դերձակը ողջ է մնում, որովհետև մահճակալը անհարմար էր թվացել նրան և նա քնել էր ծղոտի վրա անկյունում: Առավոտյան տեսնելով ողջ ու առողջ դերձակին՝ հսկաները փախչում են:

Դերձակը ծառայության է անցնում թագավորի մոտ: Սակայն թագավորի պահապանները վախենալով, որ նա վեճի մեջ կարող է սպանել իրենցից յոթին, համոզում են թագավորին ազատվել դերձակից: Թագավորը ուղարկում է դերձակին կռվելու երկու հսկաների դեմ՝ խոստանալով հաղթանակի դեպքում նրան տալ թագավորության կեսը և իր դստեր ձեռքը:

Դերձակը գտնում է երկու հսկաներին ծառի տակ քնած: Բարձրանում է ծառը և սկսում է քնած հսկաների վրա քարեր նետել: Հսկաներն արթնանում են, վիճում, կռվում և սպանում են իրար: Դերձակը հարվածում է մեռածներին իր սրով, որպեսզի թագավորը հավատա, որ ինքն է սպանել նրանց:

Սակայն թագավորը ևս երկու հանձնարարություն ունի դերձակի համար: Նախ ուղարկում է անտառ՝ որսալու համար վայրի կինճին, իսկ հետո մենամարտելու ահեղ միեղջյուրի հետ:

Ճարպիկ դերձակը կարողանում է երկուսի համար թակարդ լարել և որսալ նրանց:

Հարսանիքը հետաձգելու պատճառներ չգտնելով, թագավորը դերձակին կնության է տալիս իր դստերը: Որոշ ժամանակ անց, կինը գիշերով լսում է դերձակի երազում արտասանած խոսքերը և հասկանում է, որ սա հասարակ դերձակ է: Խնդրում է հորը, որ սա ուղարկի ծառաներին և նրանք կապկպեն իր ամուսնուն: Սակայն ծեր զինակիրը զգուշացնում է դերձակին պատրաստվող դավադրության մասին: Դերձակը քնած է ձևանում և իբրև թե երազում սկսում է բղավել, որ հեշտությամբ կարող է դռան ետևում թաքնված մարդկանց հախից գալ: Լսելով դա՝ դավադիրները սարսափահար փախչում են, իսկ քաջ դերձակը թագավոր է մնում մինչև կյանքի վերջ:

Գրիմ եղբայրներ

Լրահոս
Քամիները բոլոր․․․Ռազմիկ Դավոյան Մոցարտի «Ռեքվիեմ»-ը ներկայացվեց Գյումրու Սև բերդում Երաժշտությունն ամոքիչ ուժ ունի. Սերգեյ Սմբատյան Մոր աղոթքներն յուր երեխաների համար «Անվանի լուսանկարիչների մեծ մասը մասնագիտական կրթություն չունի» Մարդկային բարդ ու խճճված փոխհարաբերություններ՝ Էդգար Բաղդասարյանի «Էրկեն կիշեր» ֆիլմում Օրոր Մայր Հայաստանին Տաթևիկ Սազանդարյան․ Իմ Երևան Մի հացադուլի պատմություն Արարատ Սարգսյան. «Գյումրիում սիրելի անկյուններ կան, որտեղ սիրտդ ավելի արագ է խփում» Նոր նշանակումներ Եվրոպայում կանվանեն տարվա լավագույն ֆիլմը Հոգեհանգստյան արարողություն՝ 1988թ. երկրաշարժի զոհերի հիշատակին Այսօր 1988-ի երկրաշարժի 30-րդ տարելիցն է Գեղարդի վանքին տրամադրվել է ՅՈՒՆԵՍԿՕ-ի ուժեղացված պաշտպանության կարգավիճակ Վարդապետների մասին Գալյա Նովենց Մեկնարկեց սոցիալական նոր ծրագիր 1988 թ. երկրաշարժի 30-րդ տարելիցի առիթով Եղիշե Չարենց․ Նավզիկե Կհնչեն Ալեքսեյ Շորի ստեղծագործությունները Առնո Բաբաջանյանի կյանքում «բարի քեռին» Արամ Խաչատրյանն էր, իսկ ուսանող-դաշնակահարի դեպքում՝ Երեւանի կոնսերվատորիան Ջուզեպե Վերդիի հանրահայտ «Ռեքվիեմը» կրկին հայաստանյան բեմում է Ամենայն Հայոց Կաթողիկոսն իր օրհնությունը բաշխեց նորընծա վարդապետներին Կկատարվի հոգեհանգստյան արարողություն ի հիշատակ 1988 թ. երկրաշարժի զոհերի Ռուբեն Սևակ․ Երթալ․․․ Ռենտգենը՝ որպես արվեստ Ով է դառնալու թանգարանի ղեկավար՝ կրկին ոչ թումանյանագե՞տ Արթնություն և սթափություն Ձմեռային հեքիաթ»՝ Երևանի պատմության թանգարանում Ճշմարտության նահատակը «Սերն ու հավատարմությունը բացատրություն չունեն» Սպիտակի երկրաշարժի 30-րդ տարելիցին նվիրված միջոցառումներ՝ Գյումրիում, Վանաձորում և Սպիտակում Փակիր աչքերդ չերևաս Վահան Տերյան․ Մենության խավար Նոր հրատարակություն Մենք չենք ուզում կատարելագործվել, գերադասում ենք շարժվել փակ շրջագծով Դերասանական խումբը նորով փոխարինելը Խորհրդային Միությունից մնացած մեթոդ է Հարություն Խաչատրյանն այցելել է հացադուլ հայտարարած կինոռեժիսոր Հովհաննես Գալստյանին Ադամ Բարրոյի ձայներիզը ներառում է նաև հայկական «Ավե Մարիա» Աբգար թագավորի հնարամտությունը
Ամենաընթերցված
website by Sargssyan