USD
EUR
RUB

Ինչպես կազմակերպել տոնական օրերը. մշակութային անոնս

 

Տոնական միամսյակի առթիվ բազմաթիվ միջոցառումներ են կազմակերպվել. հայ կանայք ընտրության լայն հնարավորություն ունեն՝ ցուցահանդես, դասական համերգ ու ներկայացումներ: Panorama.am-ը ներկայացնում է փոքրիկ անոնս՝ ուր գնալ և ինչ դիտել տոնական այս օրը և ոչ աշխատանքային օրերին:

Համերգ

Տոնական միջոցառումները մեկնարկում են Արամ Խաչատրյան համերգասրահում, որտեղ կկայանա համերգ՝ երգչուհիներ Սոնայի և Քրիստինե Պեպելյանի, ինչպես նաև նրանց գործընկերների՝ Արամ MP3-ի և Մհերի մասնակցությամբ:

Մարտի 9-ին «Նարեկացի» արվեստի միությունում տեղի կունենա Գևորգ Վարդանյանի ջութակի մենահամերգը: Կոմիտասի անվան կամերային երաժշտության տանը մարտի 9-ին կկայանա «Սիրեր իմ, կառնիմ…» խորագրով համերգ, որի ժամանակ հնագույն երաժշտության «Տաղարան» համույթը կներկայացնի հայկական ավանդական երաժշտություն:

Մարտի 10-ին Կոմիտասի անվան կամերային երաժշտության տանը Հայաստանի պետական կամերային նվագախմբբի և Մարտա Գարդոլինսկայի համերգն է, իսկ Արամ Խաչատրյան համերգասրահում՝ դասական երաժշտության երեկո, որի հասույթը կտրամադրվի «Նվիրիր կյանք» հիմնադրամին՝ աջակցելու արյունաբանական չարորակ հիվանդություններ ունեցող երեխաներին:

Թատրոն, ներկայացում

Սոս Սարգսյանի անվան Համազգային թատրոնը մարտի 8-ին հրավիրում է դիտելու «Ա՜խ, կանայք, կանայք» ներկայացումը, | Հ. Պարոնյանի անվան երաժշտական կոմեդիայի պետական թատրոնը՝ «Մորգանի խնամին», Երևանի Հ. Ղափլանյանի անվ. դրամատիկական թատրոնում այսօր «Զավեշտալի կատակերգություն հյուրանոցում» ներկայացումն է, Մ. Մկրտչյան արտիստական թատրոնում՝ «Փշրված պատրանքների մի գիշեր» տրագիկոմեդիան: Գ. Սունդուկյանի անվան ազգային ակադեմիական թատրոնում մարտի 8-ին «Մեծապատիվ մուրացկաններ» ներկայացումն է, Երևանի պետական կամերային թատրոնում՝ «Cabaret Restart» երաժշտական շոու-ներկայացման պրեմիերան:

Մարտի 9-ին Մ. Մկրտչյան արտիստական թատրոնում կներկայացվի «Ամեն գող գող չէ» կատակերգությունը, Պետական կամերային երաժշտական թատրոնում՝ «Սեքսուալ խառնաշփոթ հյուրանոցում» ներկայացումը: Հ. Պարոնյանի անվան երաժշտական կոմեդիայի պետական թատրոնը մարտի 9-ին առաջարկում է դիտել «Սիրային քառանկյունի» կատակերգությունը: Երևանի պետական կամերային թատրոնում նույն օրը «Չկա տղամարդ՝ չկա պրոբլեմ» ներկայացումն է, Երևանի Հ. Ղափլանյանի անվ. դրամատիկական թատրոնում՝ «Ֆիգարոյի ամուսնությունը»:

Մարտի 10-ին Գ. Սունդուկյանի անվան ազգային ակադեմիական թատրոնում «Ռիչարդ Երրորդ» ներկայացումն է, Երևանի Հ. Ղափլանյանի անվ. դրամատիկական թատրոնում՝ «Հոլիվուդ... Hollywood...» 2 մասանոց կատակերգությունը, Հ. Պարոնյանի անվան երաժշտական կոմեդիայի պետական թատրոնում «Ուշ լինի, նուշ լինի» ներկայացումն է, իսկ Մ. Մկրտչյան արտիստական թատրոնում՝ «Կամակոր կնոջ սանձահարումը» կատակերգությունը:

Մարտի 11-ին Երևանի Հ. Ղափլանյանի անվ. դրամատիկական թատրոնում «Անվերջ վերադարձ» թատերական ֆանտազիան է, Հ. Պարոնյանի անվան երաժշտական կոմեդիայի պետական թատրոնում՝ «Վերջին կանգառ» լուրջ կատակերգությունը, Երևանի պետական կամերային թատրոնում կներկայացվի «Սիրո խոստովանություն» պիեսը, Մ. Մկրտչյան արտիստական թատրոնում «Վատ տղաները» կատակերգությունն է:

Հանդիպումներ

Մարտի 10-ին «Նարեկացի» արվեստի միությունում տեղի կունենա «Դանիել Երաժիշտի հետ» խորագիրը կրող նախագծի հերթական հանդիպումը:

Հումոր, պարոդիա

Հ. Թումանյանի անվան պետական տիկնիկային թատրոնում մարտի 8-ին, 9-ին, 10-ին և 11-ին Հովհաննես Դավթյանի «Խառը կանացի» ներկայացումն է:

Մանկապատանեկան ներկայացում

Երևանի պատանի հանդիսատեսի թատրոնում մարտի 9-ին և 11-ին «Ոսկե բանալի» ներկայացումն է:
Խամաճիկների պետական թատրոնում մարտի 9-ին կներկայացվի «Թոմ Սոյերի արկածները» ներկայացումը:

Պետական կամերային երաժշտական թատրոնը մարտի 10-ին հրավիրում է դիտելու «Խաղալիքների մոլորակը» ներկայացումը, Խամաճիկների պետական թատրոնը՝ «Փոքրիկն ու Կառլսոնը», Երևանի պատանի հանդիսատեսի թատրոնը՝ «Լոռեցու հարսնացուն»

Երևանի պատանի հանդիսատեսի թատրոնի բեմում մարտի 10-ին և 13-ին Շխոնց Միհրանն է:

Պետական կամերային երաժշտական թատրոնը մարտի 11-ին հրավիրում է դիտելու «Մոխրոտիկ. երազանքներն իրականանում են» ներկայացումը, Խամաճիկների պետական թատրոնում նույն օրը «Իսկական ընկերը» ներկայացումն է:

Օպերա, բալետ

Ա. Սպենդիարյանի անվան օպերայի և բալետի ազգային ակադեմիական թատրոնում մարտի 10-ին կարելի է դիտել «Շոպենիանա - Կարմեն-սյուիտ – Լորկիանա» բալետային ներկայացումը:

Ցուցահանդես

«Արթբրիջ» գրախանութ-սրճարանում մարտի 8-ին Անուշ Ավետիսյանի աշխատանքների ցուցադրությունն է: Ավետիսյանի աշխատանքների անհատական ցուցահանդես-վաճառքը մարտի 1-ից 15-ն է:

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
website by Sargssyan