USD
EUR
RUB

Ընկույզկոտրիչը և մկների թագավորը

 
 

Դեկտեմբերի 24-ին բժշկական խորհրդական Շտալբաումի տանը բոլորը պատրաստվում են Սուրբ Ծննդյան տոներին: Երեխաները՝ Ֆրիցը և Մարին, փորձում են գուշակել, թե այս անգամ ինչ նվերներ կստանան գաղտնիքների վարպետ, կնքահայր Դրոսսելմայերից, որը հաճախ է վերանորոգում իրենց տան ժամացույցները:

Երեկոյան երեխաներին մոտ են թողնում եղևնուն, որի տակ դրված են նվերները՝ նոր տիկնիկներ, հուսարներ և այլն: Կնքահայրը պարող տիկնիկներով գեղեցիկ մեխանիկական դղյակ է սարքել, սակայն այն շուտ ձանձրացնում է երեխաներին, քանի այդ դղյակը հնարավոր չէր մտնել: Մարին գտնում է Ընկույզկոտրիչին: Փորձելով ընկույզ կոտրել նրանով, Ֆրիցն իսկույն կոտրում է նրա երկու ատամը: Ընկույզկոտրիչին սկսում է խնամել Մարին: Գիշերը երեխաները պահում են խաղալիքները ապակե պահարանի մեջ:

Մարին մնում է պահարանի մոտ և վկա է դառնում մկների յոթգլխանի թագավորի առաջնորդած մկների և Ընկույզկոտրիչի առաջնորդած տիկնիկների բանակների ճակատամարտին: Տիկնիկները մկների ճնշմանը չդիմանալով, հանձնվում են, և երբ մկների թագավորը հասնում է Ընկույզկոտրիչին, Մարին նետում է նրա վրա իր կոշիկը…

Աղջիկը զարթնում է կապկպած արմունկով: Պարզվում է, երեկոյան անզգուշորեն կոտրել է պահարանի ապակին: Նրա գիշերվա պատմությանը ոչ ոք չի հավատում: Կնքահայրը բերում է վերանորոգված Ընկույզկոտրիչին և պատմում է կռու ընկույզի մասին հեքիաթը:

Թագավորն ու թագուհին ունենում են դուստր: Դա արքայադուստր Պիրլիպատն է:

Մկների թագուհին, վրեժ լուծելով իր ազգականների համար, որոնց սպանել են պալատական ժամագործ Դրոսսելմայերի սարքած թակարդները, գեղեցկուհուն վերածում է այլանդակի: Հիմա նրան կարող է հանգստացնել միայն ընկույզների շխկշխկոցը:

Դրոսսելմայերը իր ծանոթ աստղագետի հետ կարողանում են պարզել, որ Պիրլիպատին նախկին տեսքին կարող է վերադարձնել Կրակատուկ ընկույզը, որը հատուկ եղանակով պիտի կոտրի գեղեցիկ երիտասարդը: Դրոսսելմայերը և աստղագուշակը գտնում են Կրակատուկը և երիտասարդին, որը Դրոսսելմայերի եղբորորդին է: Շատ երիտասարդներ փորձում են կոտրել ընկույզը, սակայն կոտրում են ատամները: Երբ թագավորը խոստանում է, որ կնության կտա դստերը ընկույզը կոտրել կարողացողին, հայտնվում է Դրոսսելմայերի ազգականը: Նա կոտրում է ընկույզը, սակայն չի կարողանում կատարել ամոբողջությամբ ծեսը, քանի որ նրա ոտքի տակ է նետվում մկների թագուհին: Մուկը սատկում է, սակայն նա վերածվում է Ընկույզկոտրիչի: Թագավորը վռնդում է Դրոսսելմայերին և աստղագետին, իսկ վերջինս գուշակում է, որ Ընկույզկոտրիչի այլանդակությունը կանցնի, երբ նա կհաղթի մկների թագավորին և գեղեցիկ աղջիկը կսիրի նրան:

Մեկ շաբաթից Մարին ապաքինվում է և սկսում է մեղադրել Դրոսսելմայերին այն բանի համար, որ սա չի օգնում Ընկույզկոտրիչին: Կնքահայրն ասում է, որ միայն Մարին կարող է օգնել նրան: Այդ ընթացքում մկների թագավորը սկսում է գիշերներով այցելել Մարիին և պահանջել նրա քաղցրավենիքը, փոխարենը խոստանալով չվնասել Ընկույզկոտրիչին:

Ծնողներն անհանգստանում են, որ տանը մկներ են հայտնվել: Մկների թագավորը պահանջում է աղջկա գրքերը: Մարին սկսում է արտասվել և կրծքին է սեղմում Ընկույզկոտրիչին, ասելով, որ երբ այլևս տալու ոչինչ չունենա, չի կարողանա պաշտպանել նրան: Ընկույզկոտրիչն ասում է, որ ինքը կարող է պաշտպանել իրեն: Բայց նա չունի սուր: Ֆրիցը օգնում է Մարիին սուր գտնել Ընկույզկոտրիչի համար:

Գիշերը Ընկույզկոտրիչը գալիս է Մարիի մոտ արյունոտ սուրը ձեռքին, իսկ մյուս ձեռքին յոթ ոսկե թագեր, որոնք հանել է մկների թագավորիր գլխից: Նա տանում է աղջկան իր կախարդական աշխարհը:

Առավոտյան Մարին արթնանում է իր անկողնում: Նրա պատմությանը ոչ ոք չի հավատում: Յոթ թագերի մասին Դրոսսելմայերն ասում է, որ ինքն է նվիրել աղջկան:

Ընկույզկոտրիչը կանգնած է պահարանի մեջ:

Բայց մի օր տան շեմին հայտնվում է Դրոսսելմայերի ազգականը, որը սեր է խոստովանում Մարիին և տանում է իր թագավորություն: Ասում են, որ Մարին հիմա էլ այնտեղ թագուհի է:

Հեքիաթն՝ համառոտ
Էռնստ Թեոդոր Ամադեուս Հոֆման

Լրահոս
Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ Ավետիք Իսահակյան․ Այդ ոչինչը ես եմ Կորուստներդ խլող չկա Չալոն Հաճախ շրջագայող հայ լուսանկարիչը «հյուրախաղերի» է մեկնում այն երկիր, որը գնահատում է լուսանկարչական արվեստը Մեծամորում հայտնաբերվել է մ.թ. II-III դարերով թվագրվող տղամարդու թաղում Սերգեյ Սմբատյանը Հռոմում կղեկավարի համերգ՝ նվիրված Երևանի 2800-ամյակին Տիգրան Հեքեքյանը ահազանգում է` հերթական հուշարձան շենքը հատուկ խարխլել են Մահացել է գրականագետ և քննադատ Կարեն Ստեփանյանը Գուրգեն Մահարի Գնացքն առաջ է սուրում
website by Sargssyan