USD
EUR
RUB

Լույս է տեսել Արմեն Պետրոսյանի 10-րդ գիրքը

 
 

Մարտի 15-ին «Հայ Գիրք» գրախանութում Արմեն Պետրոսյանի «Հայ ժողովրդի ծագման խնդիրը» գրքի շնորհանդեսն էր: Արմեն Պետրոսյանը ՀՀ ԳԱԱ-ի հնագիտության և ազգագրության ինստիտուտի և Մաշտոցի անվան մատենադարանի գիտաշխատող է: Նա 10 գրքի և 250 գիտական և գիտահանրամատչելի հրապարակումների հեղինակ է, որոնք տպագրվել են նաև այլ լեզուներով:

Գրքի խմբագիր Արքմենիկ Նիկողոսյանն այսպես ներկայացրեց գրողին.

«Ես մի քիչ թեական վերաբերմունք ունեմ այն գրքերի հանդեպ, որոնք վերաբերում են հայի ծագմանը: Բայց այլ վերաբերմունք կունենայի այս գրքի նկատմամբ, եթե այն Արմեն Պետրոսյանը հեղինակած չլիներ: Ցանկացած նյութ, որի մեջ նա խորանում է, լի է բացահայտումներով և անակնկալներով: Ես այս գիրքը համարում եմ մեր վերջին տարիների նվաճումներից մեկը, իր տեսակի մեջ»:

Հեղինակն ասաց.

«Դպրոցական տարիքի միջին տարիներից սկսած այս հարցը ինձ հետաքրքրել է: Եվ այս գրքում ես փորձեցի ներկայացնել այն տեսակետերն ու մոտեցումները, որոնք նմանօրինակ այլ աշխատություններում ներկայացված չեն»:

Արմեն Պետրոսյանը պատմեց, որ գիրքը գրելիս օգտվել է առասպելաբանական, պատմական, լեզվի ծագումնաբանությանը վերաբերող աղբյուրներից:«Կարելի է օգտագործել առասպելները, բայց պետք է իմանալ, որ դա պատմություն չէ, այլ հատուկ աղբյուր է, որը պետք է ունենա իր հատուկ օգտագործումը»:

«Իմ գրքում ներկայացված հիմնական խնդիրներից մեկն այն է, թե ինչքան ժամանակ առաջ է հայկական լեռնաշխարհում ծագել հայերենը: Ես փորձել եմ ցույց տալ, որ այն հիմնականում երևում է նախաուրարտական դարաշրջանում: Եթե փորձենք տեղայնացնել հայոց լեզուն, կստացվի Հայկ նահապետի ապրելու և նրա որդու տեղափոխված Այրարատ նահանգի Արարատյան դաշտը: Եվ այդ օրվանից մինչև այսօր Արարատյան դաշտը մնում է Հայաստանի կազմում»:

Գրքի վերջում ներկայացված է հայ ցեղանվան մեկնաբանության հետ կապված գիտական վարկածները, որոնք կարելի է բաժանել երեք խմբի: Ըստ առաջին վարկածի հայերի ցեղանունը կապված է Խեթական կայսրության «խաթի» անվան հետ, ըստ երկրորդ վարկածի այն կապված է «Հայասա» անվան հետ և ըստ երրորդ վարկածի՝ «Էթիունի» երկրի անվան հետ:

«Մի անգամ Չառլի Չապլինը ասել է. «Երբ ես լսում եմ, թե ինչ է գրում պատմաբանը այն դեպքերի մասին, որոնց ես անձամբ ներկա եմ եղել, ես սարսափում եմ այն մտքից, թե ինչ կարող է գրել 1000 տարի առաջ տեղի ունեցած իրադարձությունների մասին»»-իր խոսքն այսպես ավարտեց Արմեն Պետրոսյանը:

Շուշաննա ԽԱՉԱՏՐՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan