USD
EUR
RUB

«Հայոց ցեղասպանության պատճառով հայության կրած նյութական վնասները. «լքյալ գույք» և «հայրենազրկում» թեմայով գիտաժողով՝ Սփյուռքի նախարարությունում

 

Մարտի 16-ին Սփյուռքի նախարարությունում տեղի ունեցավ «Հայոց ցեղասպանության պատճառով հայության կրած նյութական վնասները. «լքյալ գույք» և հայրենազրկում» թեմայով գիտաժողովը:

Բացման խոսքով հանդես եկավ ՀՀ սփյուռքի նախարար Հրանուշ Հակոբյանը: Ողջունելով ներկաներին՝ նախարարը մասնավորապես նշեց. «Հայոց Ցեղասպանության ճանաչման, դատապարտման վերաբերյալ հազարավոր քննարկումներ են եղել, բայց հազվադեպ են անդրադարձել հայ ժողովրդի կրած նյութական վնասներին, կորցրած գույքին: Կատարելով Հայոց ցեղասպանության 100-րդ տարելիցի համահայկական հռչակագրի պահանջները՝ գումարել ենք այս կլոր սեղան-քննարկումը, որը վերաբերում է ցեղասպանության ճանաչման, դատապարտման և հետևանքների վերացման հարցերին: Ցեղասպանության հետևանքով հայկական ունեցվածքի կորուստներն ամրագրված են 1919-1920թթ. Փարիզի խաղաղության վեհաժողովին ներկայացված փաստաթղթում: Ուզում եմ շնորհակալություն հայտնել բոլոր գիտնականներին, փորձագետներին, հետազոտողներին և հորդորել, որ շարունակեն իրենց ուսումնասիրությունները, որպեսզի արդյունքում ամբողջական շտեմարան ստեղծվի»:

«Հատուցման հիմնախնդրի պատմաիրավական ձևակերպման կարևորությունը» թեմայով զեկուցում ներկայացրեց ՀՀ ԳԱԱ Պատմության ինստիտուտի տնօրեն, ակադեմիկոս Աշոտ Մելքոնյանը: Նա իր գոհունակությունը հայտնեց, որ պետական կառույցը՝ Սփյուռքի նախարարությունը, նախաձեռնել է թեմայի քննարկումը: Պատմաբանի կարծիքով՝ պետական մակարդակով խնդրի հետազոտումը կօգնի փոխել հայի բարդույթավորված տեսակը:

ՀՅԴ Հայ դատի և քաղաքական հարցերի գրասենյակի պատասխանատու Կիրո Մանոյանն անդրադարձավ «Ցեղասպանության հատուցման խնդիրները՝ համահայկական օրակարգի նյութ» թեմային: Նա անդրադարձավ Սևրի պայմանագրին և Վուդրո Վիլսոնի իրավարար վճռին, նշեց, որ հայկական հարցը ենթակա է լուծման միջազգային իրավունքի շրջանակներում:

ՀՀ Սահմանադրական դատարանի խորհրդական Վլադիմիր Վարդանյանը ներկայացրեց Հայոց ցեղասպանության նյութական վնասների հատուցման իրավական հեռանկարները:

ՀՀ ԳԱԱ պատմության ինստիտուտի Հայոց ցեղասպանության պատմության բաժնի վարիչ Արմեն Մարուքյանը զեկուցում ներկայացրեց «Հայոց ցեղասպանության նյութական հետևանքների հաղթահարման կառուցակարգերի և գործիքակազմի հստակեցման հարցի շուրջ» թեմայով:

Իրավաբանական գիտությունների թեկնածու, Միջազգային և համեմատական իրավունքի կենտրոնի համահիմնադիր Տարոն Սիմոնյանն անդրադարձավ Հայոց Ցեղասպանության համար Թուրքիայի Հանրապետությանը պատասխանատվության ենթարկելու հնարավոր կառուցակարգերին, նշեց նպատակին հասնելու կոնկրետ ուղիները:

Հայաստանի ազգային արխիվի գիտահետազոտական աշխատանքների բաժնի գլխավոր արխիվագետ Անահիտ Քոչարյանը ներկայացրեց «Առաջին համաշխարհային պատերազմի ժամանակ հայ ժողովրդի կրած նյութական կորուստները որոշող քննիչ բյուրոյի գործունեություն»-ը: Նա պատմական անդրադարձ կատարեց կառույցի աշխատանքի տարբեր ժամանակաշրջաններին:

Թուրքագետ, Արևմտահայոց հարցերի ուսումնասիրության կենտրոնի ավագ գիտաշխատող Մելինե Անումյանը ներկայացրեց զեկուցում «Լքյալ գույքի հարցի արծարծումը` ըստ երիտթուրքերի դատավարությունների փաստաթղթերի (1919-1921 թթ.)» թեմայով, անդրադարձավ այդ փաստաթղթերի հիման վրա արված հետազոտությունների արդյունքներին:

«Հայոց ցեղասպանության պատճառով հայության կրած նյութական վնասները. «լքյալ գույք» և հայրենազրկում» խորագրով գիտաժողովի երկրորդ նիստը մեկնարկեց Միջազգային և համեմատական իրավունքի կենտրոնի համահիմնադիր Լևոն Գևորգյանի «Հայոց Ցեղասպանության համար Թուրքիայի Հանրապետության պատասխանատվության հիմնախնդիրներ․իրավահաջորդություն և վերագրելիություն» զեկուցմամբ: ԵՊՀ Պատմության ֆակուլտետի դեկան Էդիկ Մինասյանն անդրադարձավ Հայոց ցեղասպանության մշակութային ժառանգության կորուստի հիմնախնդիրին, նշեց նաև, որ մշակութային ցեղասպանությունը շարունակվում է մինչ օրս, մասնավորապես Ադրբեջանի տարածքում: ԳԱԱ Արևելագիտության ինստիտուտի ավագ գիտաշխատող Անուշ Հովհաննիսյանը, հանդես գալով «Հայոց «լքյալ գույքի» թեման ներթուրքական դիսկուրսում» զեկուցմամբ, մանրամասն ներկայացրեց վերջին տարիներին Թուրքիայում Հայոց ցեղասպանության, հայրենազրկման, լքյալ գույքի թեմայով զարգացումները, գիտական շրջանակներում տարվող հակահայկական հետազոտությունները, նաև այն թուրք պատմաբանների աշխատությունները, որոնցում Հայոց ցեղասպանության թեման չի կեղծվում: Այնուհետև զեկուցումներով հանդես եկան Մատենադարանի Արխիվային բաժնի ավագ գիտաշխատող Անահիտ Աստոյանը («Հայերի ունեզրկումը Մեծ Եղեռնի տարիներին»), Երևան քաղաքի պատմության թանգարանի գիտաշխատող Անի Ոսկանյանը («Հայերի հողազրկման քաղաքականությունը Օսմանյան կայսրությունում /19-րդ դարի վերջ-20-րդ դարի սկիզբ/»), ՌՊՀՀ-ի (РБГУ) Հոլոքոսթի և ցեղասպանության պատմության միջազգային գիտակրթական կենտրոնի վերլուծաբան Արմինե Անտոնյանը («Անտոն Փափազյանի գույքի բռնագրավման մասին տեղեկությունները Ռուսաստանի պետական պատմական արխիվի փաստաթղթերում»):

Գիտաժողովի ավարտին տեղի ունեցավ մտքերի փոխանակում, հնչեցին առաջարկություններ:

Ամփոփելով գիտաժողովը՝ Սփյուռքի նախարարն այն համարեց բավականին հետաքրքրական և շնորհակալություն հայտնեց զեկուցողներին առարկայական, կառուցողական ելույթների համար:

ՀՀ սփյուռքի նախարարության տեղեկատվության և հեռահաղորդակցության վարչություն

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan