USD
EUR
RUB

Ցուցահանդես՝ նվիրված «կնոջ դժվարին ճակատագրի երգիչ» Նվարդ Զարյանի 100-ամյակին

 
 

Հայաստանի ազգային պատկերասրահում մարտի 16-ին բացվեց ցուցահանդես՝ նվիրված քանդակագործ, նկարչուհի Նվարդ Զարյանի 100-ամյակին: Ազգային պատկերասրահի տնօրեն Արման Ծատուրյանը նշեց, որ այս տարվա մեկնարկը տալիս են մեծանուն քանդակագործի ցուցահանդեսով, նախորդ տարին էլ ամփոփել են մեկ այլ մեծանուն քանդակագործով՝ Արա Շիրազով:

«Մենք, այսպես ասած, քանդակագործների գիծն ենք վերցրել, որովհետև Ազգային պատկերասրահը միայն նկարներ չեն, Նվարդ Զարյանի 100-ամյակը մենք որոշեցինք անել հետաքրքիր, փոքր, գողտրիկ, բայց շատ գեղեցիկ հնչեղությամբ, ես միշտ ասում եմ՝ «տերյանական ցուցահանդես», դուք դա կզգաք: Ներս մտնելով՝ դուք կտեսնեք, որ քանդակագործի ցուցահանդես է, բայց ինձ թվում է՝ գրաֆիկական աշխատանքները, որ տրամադրել է ընտանիքը, ոչ պակաս են, շատ լավն են և մի պահ ապակողմնորոշում են, առաջինը՝ նայես գրաֆիկական աշխատանքները, թե քանդակները»,- ասաց նա:

Ծատուրյանը նշեց, որ ցուցահանդեսին ներկայացված գրաֆիկական աշխատանքները դուր են եկել ոչ միայն իրեն, այլև շատերին, ուստի խնդրեց, եթե հնարավոր է՝ վերջում դրանք հանգրվանեն Հայաստանի ազգային պատկերասրահում, որպեսզի հավաքածուն ավելի համալիր լինի:

Ցուցահանդեսի համակարգող Անահիտ Մարգարյանը նշեց, որ ցուցադրվող գործերում ազգային պատկերասրահի հավաքածուն է և քանդակագործի հարազատների տրամադրած նմուշները՝ 18 քանդակ, 11 գեղարվեստական աշխատանքներ՝ խառը տեխնիկայով արված, որից 10-ը տրամադրել է Նվարդ Զարյանի եղբոր որդին, ցուցադրված է նաև մեկ գեղանկար՝ Կոստան Զարյանի դիմանկարը, որ պատկանում է Մինաս Ավետիսյանի վրձնին: Մարգարյանն ասաց, որ քանդակագործի հարազատների տրամադրած հարուստ արխիվային նյութը մի գեղեցիկ հոլովակի հիմք է դարձել:

«Երբ դուք դիտեք այդ գործերը, կտեսնեք, որ դրանք բազմաժանր են՝ լինեն հաստոցային քանդակներ, ժանրային կամ դիմաքանդակներ՝ արված տարբեր նյութերից, նրա սիրելի նյութերը եղել են քարը և մարմարը, անպաճույճ նյութերից, ինչպիսիք են ցեմենտը, բետոնը կամ մանր երկաթյա կտորտանքները, նա կարողացել է ստեղծել կանանց ֆիգուրներ»,- ասաց նա: Մարգարյանը նշեց, որ իտալացի քննադատներից մեկը քանդակագործին անվանել է «կնոջ դժվարին ճակատագրի երգիչ», ով արվեստում իր ուրույն տեղն ունի:

Նվարդ Զարյանի եղբոր որդին՝ Արա Զարյանը, նշեց, որ ցավոք՝ իր հորաքրոջ՝ Նվարդի հետ, շատ չի շփվել. ինքը 1956 թ. ծնվել է Հռոմում և մինչև 1963 թ. հորաքրոջ հետ հանդիպումներ շատ են ունեցել: Նա պատմեց՝ ընտանիքով բոլորը հավաքվում էին, իրենք երեխաներով շփվում էին, սակայն 1963 թ. որոշեցին տեղափոխվել, վերահաստատվել Հայաստանում: Դրանից հետո Արա Զարյանը հորաքրոջը երկու անգամ է տեսել, երբ նա տարբեր առիթներով եկել է Հայաստան՝ նաև 1964 թ. ցուցահանդեսի հետ կապված: Կար մի ծրագիր՝ գլխավոր պողոտայի վրա տեղադրել քանդակների մի շարք, Նվարդ Զարյանը մոդելներ է արել, որոնցից մի քանիսը այստեղ ցույց են տվել:

«Ցավոք, այդ ծրագիրը չիրականացավ, դրա հետ կապված իմ մեջ հուշ է մնացել՝ մեր տունը Աբովյան փողոցի վրա էր, Չուբարն այնտեղ արվեստանոց ուներ՝ Կաթողիկեի բակում փոքր ավտոտնակ կար, ինքն այնտեղ աշխատում էր, հորաքույրս եկել էր, իրենք ծանոթ էին, մեկ ամսով թողել էին, ինքն այնտեղ աշխատում էր, ես դպրոցից որ գալիս էի, միշտ գնում էի իր մոտ, տեսնում էի՝ ինչպես է կավից ծեփում, ես սկսեցի իր հետ այնտեղ բաներ անել՝ քանդակներ և այլն, վերջը ինքն այնքան հավանեց, որ դրանք թրծեցինք և մինչև հիմա ես դրանք ունեմ»,- ասաց նա:

Արա Զարյանն ասաց, որ ցուցադրությանը դատարկաձեռն չի եկել, այլ՝ անակնկալով. Նա ընթերցեց քանդակագործի հոր՝ Կոստան Զարյանի բանաստեղծությունը, որ նա ձոնել է նորածին դստերը:

Սկզբնաղբյուր՝ Panorama.am:

Լրահոս
Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ
website by Sargssyan