USD
EUR
RUB

Մրցանակով, բայց վրդովված․ «Կարին» ավանդական երգի-պարի համույթը վերադարձել է Իտալիայից

 

Մարտ 3-11-ը Իտալիայի Ագրիջենտո քաղաքում անցկացվել է Mandorlo in Flore 73-րդ փառատոնը, որին մասնակցել էր «Կարին» ավանդական երգի-պարի համույթը և ներկայացրել UNESCO-ի Մարդկության ոչ նյութական մշակութային ժառանգության ցանցում ընդգրկված «Սասնա ծռեր» էպոսն ու Քոչարի ռազմապարը։ Իտալիայից համույթը վերադարձել է երրորդ տեղի համար նախատեսված մրցանակով, բայց վրդովված՝ կողմակալ վերաբերմունքի և կազմակերպչական թերություննների պատճառով։

Առաջին մրցանակը շնորհվել է Վրաստանի՝ Աջարիայի պետական պարի խմբին, մինչդեռ համույթի գեղարվեստական ղեկավար Գագիկ Գինոսյանի պնդմամբ` այդ խմբի ներկայությունը արդեն իսկ խախտում է, քանի որ փառատոնին պետք է մասնակցեին էթնիկ, այլ ոչ պետական խմբերը։ Եվ ամենանկատելին եղել է այն, որ վրացական խումբը երգով հանդես չի եկել։ Իսկ երկրորդ տեղում հայտնվել է Արգենտինան։

«Փակման արարողության ժամանակ բոլորին ստիպեցին իրենց ելույթները կրճատել և դարձնել 3 րոպե, և վրացական խումբը, որ մեզնից երկու համար առաջ էր, հանկարծ հայտնվեց վերջում ու ելույթ ունեցավ 7 րոպեից ավել։ Իսկ մեր բողոքը ժյուրիին, կազմակերպիչներին այն մասին, որ նման պահվածքն ուղղակի անթույլատրելի է, նրանք եկել էին մեզ մոտ ու ասում էին, որ մենք ամենալավն էինք և այլն։ Վրացիների պահվածքն այնպիսին էր, կարծես նրանք բոլոր հարցերը լուծել էին»,- պատմում է համույթի գեղավեստական ղեկավարը։

Փառատոնից 3 օր առաջ պարզվել է, որ ժյուրի գոյություն չունի, և հաղթողները որոշվելու են ինտերնետային քվեարկության շնորհիվ։ Քվեարկությունը եղել է փակ, իսկ արդյունքները հայտնել են փառատոնի կազմակերպիչները։ Համույթը ներկայացել է 25 հոգանոց կազմով՝ 16 պարող և 5 երաժիշտ։ Մի քանի ամսվա աշխատանքի շնորհիվ համույթը արել է առավելագույնը փառատոնի չափանիշներին համապատասխանելու համար։

«Սասնա ծռեր» էպոսի բեմադրությունը եղել է 19 րոպե տևողությամբ, որի մեջ ընդգրկվել են երգեցիկ հատվածներ, բանավոր խոսք, ժողովրդական խաղեր, պարեր, որը Ստամբուլի հայ հանդիսատեսին նույնպես ներկայացվել է։ Այդուհանդերձ փառատոնի ընթացքում նրանց առջև խնդիր է դրվել՝ բեմադրությունը կրճատելով հասցնել 8 րոպեի։

Վաչե Փաշինյանը, ով խմբի գործիքային կազմի ղեկավարն էր, պատմում է, որ չնայած անդադար թվացող խնդիրներին, փորձել են չկորցնել իրենց մարտական ոգին, ու արել են առավելագույնը փայլուն ներկայանալու համար։ Սակայն վերջինս հայտնում է իր մտահոգությունը ՝

«Կցանկանայի, որ մեր կառավարությունը, Մշակույթի նախարարությունը մի քիչ լուրջ հովանավորություն տրամադրեր մեր նման խմբերին։ Որովհետև ի տարբերություն մյուս խմբերի, մեր երաժիշտները չորսն էին։ Խնդիրը նմանատիպ մրցույթներում ներկայանալու համար այն է, որ գոնե պետք է երաժիշտներն էլ համապատասխանեն, ավելի լավ որակ ապահովելու համար։ Մեր սուղ պայմաններում ես նվագում եմ դուդուկ, ընթացքում հասցնում եմ արագ փոխել զուռնա, մյուսը՝ նվագում դհոլ, ապա արագ վերցնում դափը։ Մենք չորս հոգով ութ հոգու գործ էինք կատարում»։

Ինչ վերաբերում է ֆինանսական կողմին, համույթի գեղարվեստական ղեկավարը նշում է, որ պարտքեր ունի մարելու։ Համույթին մշակույթի նախարարությունը խոստացել է օգնել, սակայն ոչ ամբողջությամբ։ Գեղարվեստական ղեկավարի՝ Գագիկ Գինոսյանի խոսքով` իրենց պարտքերը 5 միլիոնից ավելի են կազմում։ Այնուամենայնիվ, նրանք չեն ընկրկում և շարունակելու են ամենուր ներկայացնել մեր ազգային արժեքներն ու մշակույթը։

«Ամենակարևոր բանը, որ Հայաստանի բոլոր ներկայացուցիչները մեր ելույթից հասկացան, այն է, թե աշխարհն ինչպես է ընդունում հայ մշակույթը, թե ինչ խանդավառությամբ և բացականչություններով էին մեզ ողջունում։ Հաղթանակից բոլորն էլ կարող են ուժեղանալ, իսկ պարտությունից զորեղանում են միայն ուժեղները»,- նշում է նա։

Սոնա ՇԱՀՎԵՐԴՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan