USD
EUR
RUB

Ճիշտ է այսօր չկա այն Կինոյի տունը, որի ստեղծման, կայացման համար ժամանակին մեծ ջանքեր է գործադրել նաև Լաերտ Վաղարշյանը, չկա Դիլիջանի ստեղծագործական տունը, չկան շատ այլ կինոկառույցներ, մենք անցել ենք, մեր երկիրն անցել է դժվարին ժամանակների միջով, բայց մենք պարտավոր ենք հիշել մեր վարպետներին․ Հարություն Խաչատրյան

 

Անվանի հայ կինոռեժիսոր, կինոգործիչ Լաերտ Վաղարշյանի անունը ոչ միայն հայ կինոյի կինոստեղծման տարեգրությունում է, ոչ միայն կապված է խաղարկային և վավերագրական այն ֆիլմերի հետ՝ «Առաջին սիրո երգը», «Աքսորական 011», «Կոչված են ապրելու», «Մարտիրոս Սարյան», «Արամ Խաչատրյան» և այլն, որոնք սիրված են ու ընդունված, այլ նաև սերտորեն կապված է Կինոյի տան, Կինեմատոգրաֆիստների միության Դիլիջանի ստեղծագործական տան ստեղծման, կառուցման հետ:

Թեև այսօր չկա Կինեմատոգրաֆիստների միության Դիլիջանի ստեղծագործական տունը, չկա այն Կինոյի տունը, որի ստեղծման, կայացման համար մեծ ջանքեր է գործադրել նաև Լաերտ Վաղարշյանը՝ 1969-1975 թվականներին լինելով Կինեմատոգրաֆիստների միության վարչության առաջին քարտուղարը, այնուհանդերձ, Լաերտ Վաղարշյանի «Վերադարձը» կինոյի տուն մեծ հուզմունքով ընդունեցին նրա գործընկերները, ուսանողները, ժամանակակիցները, նրա կինոյի երկրպագուներն ու նրա հանդիսատեսը:

Երեկ Հայաստանի կինեմատոգրաֆիստների միությունում բացվեց Լաերտ Վաղարշյանին նվիրված լուսանկարների հետահայաց ցուցահանդեսը, ինչպես նաև առաջին անգամ մեծ էկրանին տասնամյակներ անց ցուցադրվեց «Մարտիրոս Սարյան» վավերագրական ֆիլմը:

Բացելով հանդիսությունը, Հայաստանի կինեմատոգրաֆիստների միության նախագահ Հարություն Խաչատրյանը նշեց, որ այս երեկոն տուրք է անվանի կինոռեժիսորի վաստակին, որ նրա «Վերադարձով» կինոյի տուն, ցանկություն կա հիշելու մեր կինոյի վարպետներին, նրանց անցած ճանապարհը, գնահատելու նրանց վաստակը և երախտապարտ լինելու, շնորհակալ լինելու:

«Ճիշտ է այսօր չկա այն Կինոյի տունը, որի ստեղծման, կայացման համար ժամանակին մեծ ջանքեր է գործադրել նաև Լաերտ Վաղարշյանը, չկա Դիլիջանի ստեղծագործական տունը, չկան շատ այլ կինոկառույցներ, մենք անցել ենք, մեր երկիրն անցել է դժվարին ժամանակների միջով, բայց մենք պարտավոր ենք հիշել մեր վարպետներին և Լաերտ Վաղարշյանի այս «վերադարձով» կինոյի տուն, մենք ուզում ենք ասել, որ սա մեր կինոյի մարդկանց տունն է և նրանք միշտ պետք է լինեն այստեղ, պետք է լինի կինոմիջավայրը, կինոմթնոլորտը»,- ասաց Հարություն Խաչատրյանը:

Իր խոսքում Լաերտ Վաղարշյանի դուստրը՝ նկարչուհի Մարինա Վաղարշյանը, իր ուրախությունը հայտնեց, որ այսօր կենդանանում է կինոմիջավայրը, կինոմթնոլորտը, և որ կինեմատոգրաֆիստների միությունը նաև Լաերտ Վաղարշյանին նվիրված այս երեկոյի, այս ցուցադրության միջոցով է փորձում «վերադարձնել» մեր անվանի կինոգործիչներին:

Լաերտ Վաղարշյանի մասին երեկոյի ընթացքում խոսեցին և իրենց հիշողություններով կիսվեցին նաև վարպետի աշակերտները՝ կինոռեժիսորներ Հրանտ Հակոբյանը, Ռուբեն Քոչարը, Սեյրան Շահսուվարյանը, նրա գործընկերներից՝ անվանի կինոօպերատոր Լևոն Աթոյանցը:

«Մարտիրոս Սարյան» վավերագրական ֆիլմը, որն առաջին անգամ էր տասնամյակներ անց ցուցադրվում մեծ էկրանին և նույնիսկ կինոգործիչներից շատերն այն չէին դիտել, ներկայացրեց կինոքննադատ Անետա Երզնկյանը և շարունակվեց երեկոն մեկ գավաթ գինու, ջերմ հիշողությունների, զրույցների, լուսանկարներից եկող զգացողությունների շուրջ:

Հայաստանի կինեմատոգրաֆիստների միություն

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan