USD
EUR
RUB

Բացվել է երիտասարդ ստեղծագործողների հանրապետական ցուցահանդեսը

 
 

Մարտի 21-ին Հայաստանի նկարիչների միությունում տեղի ունեցավ երիտասարդ ստեղծագործողների հանրապետական ցուցահանդեսի բացման արարողությունը։ Ներկայացված են մինչև 35 տարեկան 50 հեղինակների շուրջ 75 աշխատանքներ՝ գեղանկար, քանդակ։

Նկարիչների միության նախագահ Կարեն Աղամյանը նշեց, որ ցուցադրված են ինչպես միության անդամ ստեղծագործողներ, այնպես էլ բուհը նոր ավարտածներ։ Ընդհանուր առմամբ մոտ 200 աշխատանքից մասնագետների կողմից ընտրվել և ցուցադրության ներկայացվել են մոտ 75-ը։

Հայաստանի երիտասարդական հիմնադրամի հոգաբարձուների խորհրդի համակարգող Կարեն Ավագյանը նկատեց, որ հիմնադրամն ամեն տարի նկարիչների միությունում կազմակերպում է ստեղծագործող ուսանողների աշխատանքների ցուցահանդես, այս անգամ ցուցահանդեսը կազմակերպվել է Հայաստանի նկարիչների միության հետ համատեղ և ներգրավված են ավելի բարձր տարիքային խմբի ստեղծագործողներ։

«Ցանկացած նկարչի համար շատ կարևոր է մասնակցել ցուցահանդեսների, շփվել արվեստասեր հանրության հետ, իր մտքերը, երևակայությունը, երանգները փոխանցել նաև մյուսներին։ Նման միջոցառումները օգնում են նրանց ներկայացնել իրենց էմոցիոնալ աշխարհը»,- ասաց պարոն Ավագյանը։ Նա նաև տեղեկացրեց, որ Հայաստանի երիտասարդական հիմնադրամը կտպագրի ցուցահանդեսի պատկերագիրքը։

Գեղանկարիչ Դավիթ Դանիելյանը ներկայացել է իր մի քանի նկարներով։ Դավիթն ասում է, որ նկարներում արտահայտված են իր զգացմունքները, տրամադրությունը, այն, ինչ ինքն ապրում է նկարն արարելիս։

Երիտասարդ ստեղծագործողների հանրապետական ցուցահանդեսը բաց կլինի մինչև մարտի 31-ը։

Հայաստանի երիտասարդական հիմնադրամի հասարակայնության հետ կապերի ծառայություն

 

Լրահոս
Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ
website by Sargssyan