Թաթուլ Հակոբյան․ Ղարաբաղյան շարժման անձնական արխիվների հրապարակումը ձեռնտու չէ ներկայիս իշխանությանը
Նմանատիպ
Հայկական ուսումնասիրությունների «Անի» կենտրոնի համակարգող, կովկասյան հակամարտությունների հարցերով փորձագետ Թաթուլ Հակոբյանը նախաձեռնել է Ղարաբաղյան շարժման անձնական արխիվները հանրայնացնելու գործընթաց: «Ոմանք տեսանկարել ու լուսանկարել են շարժման ողջ ընթացքը: Այդ լուսանկարները երբեւէ չեն ցուցադրվել, մինչդեռ կարեւոր են: Փորձելու եմ այդ ամենը հանրայնացնել՝ պատմությունն անաչառ ներկայացնելու համար»,-Aravot.am-ին հայտնեց Թաթուլ Հակոբյանը:
Հիշեցնենք, որ նման լուսանկարների ցուցահանդես այսօր բացվեց Երեւանում:
Թաթուլ Հակոբյանի խոսքով՝ Ղարաբաղյան շարժման անձնական արխիվներում կան նյութեր, որոնց հրապարակումը ձեռնտու չէ այսօրվա իշխանություններին: «Բնականաբար, այսօրվա իշխանությունները շարունակությունն են Լեւոն Տեր-Պետրոսյանի իշխանության: Եթե անձնական արխիվների որոշ նյութեր հրապարակենք, դա չի բխի Սերժ Սարգսյանի եւ իշխող վարչակարգի շահերից: Նույնը կարելի է ասել, օրինակ, Ռոբերտ Քոչարյանի մասին»,-նկատեց Հակոբյանը:
Լուիզա ՍՈՒՔԻԱՍՅԱՆ
Հետևեք մեզ նաև Telegram-ում