USD
EUR
RUB

Արմեն Մարությանը՝ Մուրադ, Աննա Էլբակյանն՝ Արուսյակ, Մեսրոպ Աբտոյանն ու Տաթևիկ Հոռփոյանն էլ՝ Արտակ ու Վալյա. Մանրամանսեր՝ «Հարսնացուն հյուսիսից» ներկայացման մասին

 
 

Շուտով Երևանի Գաբրիել Սունդուկյանի անվան ազգային ակադեմիական թատրոնի բեմ կբարձրանա դրամատուրգ Ժորա Հարությունյանի «Հարսնացուն հյուսիսից» կատակերգությունը, որը նվիրվելու է դրամատուրգի 90-ամյակին, նաև՝ Վարդան Աճեմյանի և Առնո Բաբաջանյանի հիշատակներին: Այս մասին Aysor.am-ը դեռևս ամիսներ առաջ էր տեղեկացրել ընթերցողներին:

Ներկայացման գլխավոր դերակատարներից Արմեն Մարությանը, ով մարմնավորելու է փեսայի հորը՝ Մուրադին, մեզ հետ զրույցում հաստատեց՝ ներկայացման փորձերն ակտիվ ընթացքի մեջ են, պրեմիերայի պահն էլ հասունացել է:

«Այս ներկայացումը մեր թատրոնում բեմադրվել է 35 տարի առաջ՝ Վարդան Աճեմյանի կողմից: Ինքս սկզբում խաղացել եմ ռուս զինվորի դերը, հետո՝ Արտակի, հիմա էլ մեծացել ու Մուրադ եմ խաղում, ում ժամանակին մարմնավորում էր Դավիթ Մալյանը: Արմեն Էլբակյանը ներկայացմանը ժամանակակից շունչ է տվել, քանի որ այսօր շատ բան փոխվել է, պահանջներն ուրիշ են, քան՝ 35 տարի առաջ: Վստահ եմ՝ հետաքրքիր, ռետրո ներկայացում է լինելու», - նշեց մեր զրուցակիցը:

Նկատառմանը՝ «Հարսնացուն» հյուսիսից ֆիլմը սկզբից մինչև վերջ թևավոր խոսք է դարձել ու մինչ այսօր արդիականությունը չի կորցրել, արդյոք մտավախություն չկա, որ մերօրյա հումորն այնքան էլ ընկալելի չի լինի, մեր զրուցակիցը պատասխանեց.

«Չէի ցանկանա, որ ներկայացումն ու ֆիլմը նմանեցնեք, սրանք տարբեր աշխատանքներ են՝ նման սյուժեներով: Ի սկզբանե ներկայացումն է եղել, հետո՝ կինոն»:

Ներկայացման հիմնական գաղափարը ոչ թե երկու տարբեր ազգերի հարաբերություններն են, այլ՝ սերը: Ինչպես Արմեն Մարությանն ընդգծեց, սա համաշխարհային թեմա է և ոչ թե կոնկրետ ռուսի ու հայի պատմություն:

«Իհարկե, բոլոր ժամանակներում էլ մեր հարևան պետությունից հարսներ ունենում ենք: Այն ժամանակ բանակ էին գնում ու աղջիկ բերում, հիմա՝ խոպան», - ժպիտով նկատեց նա:

Բեմադրիղ ռեժիսորն Արմեն Էլբակյանն է, երկրորդ ռեժիսորի գործառույթները վստահվել են Արմեն Մարությանին: Ներկայացման մեջ ընդգրկված են նաև Աննա Էլբակյանը (Արուսյակ), Ալլա Վարդանյանը (Նատալյա), Արմեն Մարգարյանը (Նիկոլայ Պետրովիչ), Ռուդոլֆ Ղևոնդյանն ու Գևորգ Դոդոզյանը (Ազատ), Գնել Ուլիխանյանը (Վասյա), Ալեքսան Թադևոսյանն ու Ստեփան Շահինյանը (Երվանդ), Անդրանիկ Խաչատրյանն ու Դավիթ Հակոբյանը (Սերոբ), Նարեկ Հայկազյանը (Իվան) և այլք: Արտակին և Վալյային մարմնավորում են Մեսրոպ Աբտոյանն ու Տաթևիկ Հոռփոյանը:

Ներկայացման համար օգտագործվելու է Առնո Բաբաջանյանի՝ հատուկ այս գործի համար գրված երաժշտությունը: Ներկայացման պրեմիերան նախնական որոշմամբ տեղի կունենա ապրիլի 29-ին:

Հեղինակ՝ Նելլի Մարգարյան

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan